تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > مرآة الواقع > إستراحة الأعضـاء

الملاحظات

ليش بكيت ..؟ في مجلس اخوي ..؟

إستراحة الأعضـاء

السلام عليكم ورحمة الله وبركاته اسعد الله خواطركم بالخير قبل تقريبا شهر شديت الرحال وسافرت لخوي الكبير وجالس بمجلسه نتجذاب اطراف الحديث :yaa: وش...

 
 
LinkBack أدوات الموضوع انواع عرض الموضوع
  #1 (permalink)  
قديم 11-06-2011, 07:06 PM
Guest
 
تاريخ التسجيل: May 2009
الدولة: غير مستقر حاليا .,
المشاركات: 6,661
معدل تقييم المستوى: 0
عقرب سآم محترف الإبداععقرب سآم محترف الإبداععقرب سآم محترف الإبداععقرب سآم محترف الإبداععقرب سآم محترف الإبداععقرب سآم محترف الإبداععقرب سآم محترف الإبداععقرب سآم محترف الإبداععقرب سآم محترف الإبداععقرب سآم محترف الإبداععقرب سآم محترف الإبداع
ليش بكيت ..؟ في مجلس اخوي ..؟

السلام عليكم ورحمة الله وبركاته

اسعد الله خواطركم بالخير

قبل تقريبا شهر
شديت الرحال وسافرت لخوي الكبير
وجالس بمجلسه نتجذاب اطراف الحديث وش رايكم باللغة

المهم سولفنا ودردشنا
بعدين سالنى
متى ببتزوج ونفرح فيك يانسيم الماضي ؟
قلت له وانا امزح
باقي ماحصلت البنت اللى احبها ..

توقعت ان النقاش بيخرج زى كل مره
شوف عمك فلان .. شوف خالك فلان
شوف جارنا شوف ...وشوف .. عنده بنات ..

لكن المره ذى قال معك حق
أهم شي الحب
وتاخذ اللى ترتاح لها انت
طبعا اخوي ذا كبير وفي مقام ابوي
وماتعرفوا وش كثر استحي منه
واحرص على كلامي وحركاتي قدامه
الله يحفظه ..

المهم قال بقص عليك سالفة خوينا
وقال
خوى لنا تزوج بنت عمه
وكان يحبها حب جنوني
وهي في نفس الوقت تحبه حب جنوني
وكان كل اللى حولهم
من عائلتهم يعرف مدى حبهم لبعض
كان حبهم قوى جدا جدا جدا
يقول لكن الله ماكتب لهم الذريه
وكل فترة هو وزوجته في مستشفى
ومره عند شيخ
ومره عند طبيب شعبى
ماتركوا مكان إلا راجعوا فيه
ومرت اكثر من 12 سنه وهم صابرين
والعقم مصيطر وكان كل التحاليل تثبت ان
الزوجة هي العقيم ..

الزوج كان إذا شاف اطفال اخوانه
وخواته
يلعب معهم .. ياخذهم للدكان
يشرى لهم اللعب يبوسهم
يضمهم لصدره..
وكانت زوجته تلاحظه من بعيد لبعيد
وقلبها بيتقطع ع حبيبها
ودها تسعده بس مو بيدها .. حكم الله
حتى هي نفسها بالذرية

حتى مره بالشارع
شاف ولد الجيران الصغير
شاله ويلعب معه
هنا زوجته قررت انها تضحى
عشان زوجها ..

دخلوا البيت قالت يا فلان

انا قررت إنى ازوجك

ضحك زوجها وقال لها
تعوذى من ابليس
انا احبك ومستحيل اخذ عليك
وهذا حكم الله وانا راضى فيه
لكن هي اسرت علي رايها
قالت لزم انك تخلف ذريه
كانت تقول الكلام من ورى قلبها

ماودها ان زوجها ياخذ عليها
بس حبها له ولسعادته
جعلتها تضحي

هو نفس الشى
مايبغ ياخذ ع زوجته يحبها ويموت فيها

ولا خطرت بيوم من الايام الفكرة براسه
رفض ورفض وقال لها انسى المووضع

اصرت اإلا انها تكمل اللى في راسها
وحاولت فيه كم يوم حتى وافق إرضاء لزوجته
وخاصة إن هي اللى بتختار له

وبدت تبحث له عن بنت
وحصلت بنت جميله ومؤدبة وخلوقه
الف شاب يتمناها ..
حتى من زود حبها له اختارت له افضل البنات

راحت الزوجة للبنت وقالت لها
انا بخطبك لزوجي
وزوجي خلوق ودين ومن خيرة الرجال
وش رايك..؟
وافقت البنت ..
وتمت الخطبة .. والملكة ..
وقرب العرس

ومن زود حب زوجها لها
اخذ نفس المهر ونفس الذهب حق الزوجه الجديده
للزوجته الاولي واهدها لها ولبسها الذهب
وجاء يوم العرس

دقت زوجته الاولي ع امها
وحاولت فيها انها تحضر
حتى مايحس زوجها ان فيه احد زعلان عليه

وهي لبست ذهبها الاول والجديد
وخرجت في اجمل صوره
وكانت ترحب بالحضور
وكانها امه او اخته

وجاء وقت الزفة
اصرت زوجته الاولي انها هي اللى تزف
الزوجه الجديده لزوجها
مسكت بيدها وتمشى معها للغرفة

وهناك لما شافت زوجها بالبشت
تذكرات اول ليلة بعرسها
وتذكرت ليلتها الجميلة لما زفوها له
وهلت دمعتها
واسرعت ضمت زوجها بقووووووووة
قدام الجديده وهي دموعها تصب بدون صوت
وزوجها يضمها ويبكي

طال الانتظار وحس الزوج بنقطاع صوت زوجته
حاول انه يفك يدها طاحت من بين يده

صاح
فلانه وش فيك
ماترد عليه
اغمى عليها
شالها للمستشفى
لحقوها اخوانها
طلع لهم الطبيب
قال البقاء لله سكته قلبيه
ماتت
زوجها اغمى عليه
من شدة وقع الخبر ع قلبه

وكل ما صحى يبكي مثل بكاء الصغير لما يفقد امه
حتى يغمى عليه

بعدها بايام
دق على ابو الزوجه الثانيه
وقال له
مقدر اخذ البنت ابدا
إلا بعد سنه
إما تصبر او افكها ..
وفاء لزوجته الاولي


انا بكل صراحة . هلت الدمعة من عينى
ولا قدرت انى امسكها
هذا هو الحب الحقيقى
هذا هو الوفاء
هذى هي التضحيه
هذى هي الرومنسيه بكل مقايسها .,

مو مثل اللى نشوفه في المسلاسلات التركيه
يحب زوجة عمه .. وقاحة وقلت ادب
تخون زوجها مع صديقه لنها تحبه



الله يرزقنا بحب مثل حبهم .. حب صادق ..

آسف ع الاطالة
وع الاسلوب الهش .,’

ودمتم
رد مع اقتباس
 

(( لا تنسى ذكر الله ))


مواضيع ذات صله إستراحة الأعضـاء

مواقع النشر (المفضلة) وتحتوي على WhatsApp لإرسال الموضوع إلى صديقك



تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 12:10 PM


Powered by vBulletin Version 3.8.9
Copyright ©2000 - 2025, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين