يالله يالحربي عجل خوي بكرة الصبح عنده مقابلة الله يوفقه ,,,
أما أنا معدلي جيد جدا وصفوني

اصبروا على الحربي يكتب لكم بالتفصيل المفيد << يرقع له


( الجماعة رقدوا و أنت قاعد تحفر في الكيبورد )

السلام عليكم ورحمة الله و بركاته
هذه قصتي و سالفتي بتقديم الحرس قبل امس كنت ناوي امشي للرياض بس نمت و خلص حجز القطار المهم امس ايضا نويت ما اروح لتقديم نهائي عشان المطلوب في التوجيه 2 من اصل 600 متقدم قلت لأبوي قال لا تتعب نفسك اخوي قال رح عن الشكة.
المهم حجز لي اخوي على الساعة 5 الفجر صليت الفجر وداني اخوي وحشرت قبلها واحد من اخواني قلت عطني قروش ما قصر الله يوفقه.
ركبت القطار على المراتب الأربع ودي ناس تسولف هيك يعني............((التفاصيل ما يحتاج)) وصلت الرياض 10 دق علي اخوي اللي في الرياض يقول 15 دقيقة و اكون عندك و صلني الساعة 11.45 المهم رحنا لواحد من الأقارب تقهوينا ونحشنا مانبي غدا .
بالفترة هذه جاني اتصال من الحرس التوجيه مخزن الرقم قال شاكر الحربي قلت نعم قال الحرس الوطني معك قلت و النعم قال عندك مقابلة يوم السبت 8 الصباح قلت انا في الرياض دقيتوا علي عشان المقابلة قال ما احد دق عليك قلت انتم اي ادارة قال القانونية ((التوجيه و القانونية رقم موحد التحويلة تختلف انا مقدم على الثنتين))قال طيب قلت تمام قال الشروط مطابقة عليك قلت نعم بس كم تبون الطول قال شف الموقع ما ندري قلت مكتوب 160 با ختصار الرجال شديد شوي وانتهت المكالمة....
وصلت شقة اخوي هو سيده نوم قلت له النت قال انقطع قبل اسبوع قلت يالله خيره كنت اخذ معي كتاب العشر الأخير عشان اقراء شرو طالوضوء و الأحكام في الصلاة و كذا.......... و كتاب تجويد قعدت اقراء بالتجويد فنمت صحيت الساعة 3.45 صليت ونزلت مفترق تذكر خويي اللي وصلني في التقديم اللي فات واجهني شكله قال وش ذا النشبه قلت له الرئاسة وينهي قال مقدم علهم بعد قلت ايه قال ودي اوصل بس انا مشغول قلت روح الله يستر عليك قبلها جاني باكستاني قلت له الرئاسة سفطني و مشى قلت لا يكون نقد علي الرجال نفس الرجال اللي ما يعرف طريق الملك فهد الأحداث تذكرني بحالي قبل اسبوعين,جاني سعودي على تكس بـــ15 الرجال عمره 49 رجال بمعنى الكلمة نصائح بقاء شوي و اصيح حفظت كم كلمه من اللي قال عشان اعملها خطبة المهم صورة قلت له وقفني بصور حبيب الرجال وراع علوم طيبة.
وصلنا الرئاسة ودعالي بالتوفيق الله يبيض وجهه و يوفقه.
يوم دخلت دخل معي واحد اسمه عبدالرحمن المطيري دخلنا وسلمنا على الموجدين 25 شخص وجاء جندي اول سجل اسمي انا وعبدالرحمن قال من اول قلت الرجال و الرجال يقول انت العسكري قال ما راح اسجلكم سجل عبدالرحمن بعده انا ترتيبي 26 تقريبا ,,,,,,,,بدأت المقابلة بترتيب اللي حضروا دخل واحد جهني جلس 20 دقيقة و طلع سالوه و ش جاك قال ممكن ما يجوز اللحظة هذه تمنيت اني دخلت عشان ابلغ الشباب جوا ناس وواحد معهم مش متقدم بس شرف على قولته قطيت معه قلت شرف بس ضحك قال لا غير قعدت اعلم الشباب الشروط نتساعد الله يجزاهم خير و بعده دخل واحد شهري او شهراني و بعد واحد طبعا ماطول 3 دقايق نادوا خالد القحطاني كان في دورة المياه وانتم بكرامة قال العسكري شاكر الحربي انا اسمي قلت يا عسكري ترا الشباب قبلي ضحك و قال تعال اعتذرت من الشباب قلت تاري على النية مش عارف حاجة قال ضيف الشرف اشتغلت ههههه يالحربي قلت مدري وش السالفة ممكن جاهم اتصال خرشهم دخلت على ملازم اول وثنين مدنيين سألني المدني عن خبرات دورات ........قال الملازم اول كم تحفظ قلت كذا كذا قال اختبرك قال سمع من كذا قلت غيره قال من كذا قلت ابداء بشيء سهل قال المدني قسم خرشني لا تضييع وقتنا قلت خلاص طلب مني اسمع سورة مريم بديت تمام التمام قال معك تزكيات قلت زكوني مشايخ الشيخ فلان وفلان قال الملازم اول الشيخ فلان زكاك قلت نعم وعندي توصيات علميه سأنلي عن انواع التوحيد و اعمال اليوم العاشر في الحج و تفسير اهدنا الصراط المستقيم ثم قال المدني الثاني وش حكم المعازف هل تجلس لو كان شخص مشغل مسيقى و تسمع قلت لا احاول اغير المنكر يبي يطري السلام الملكي فيه(( حاجه عندي اذا خربتها خربتها الرجال ناويني))قلت جميع العلماء على التحريم الا ابن حزم.....قال انت تبي تدخل عسكريه فيها مزامير قلت هيئة كبارالعلماء تساهل بشيء ذا الرجال نشبه قال غير السلام الملكي فيه يوم الأثنين و الأربعاء عرض على المسيقة و المزامير قال تبي تطلع من الصفة قلت ان شاء الله ما يكون فيه مزامير قال فيه موجود قلت نعم اطلع من الصفة قال تخرب قلت ايه قلت لا طاعة لمخلوق في معصية الخالق قال ما قلت لك تجي قلت و من يتق الله يجعل له مخرجا قال قال من الشروط توافق على الشيء هذا قلت ان قبلت خير وان لم اقبل الله يرزقني بالي احسن منها قلت للمدني من يتق الله يجعل له مخرجا قال الله يوفقك ومشيت تقريبا 10 دقايق.......اللي يبي التفاصيل يزور موقعنا على الماسنجرshakeer33@hotmail.com
لم يأخذوا من الجميع و لا ورقة حتى لم يطلعوا على الاوراق كان ما معك شيء.
بعض الشباب القوا كلمات اسئلة عن ثلاثة الأصول.....اشياء عامة.
قلت سالفتي لأبوي ضحك لين ضحك من ضحكة.
موفقين

[QUOTE=الحربي الحيسوني;4789114]اصبر يالمصري وكل واحد يكتب تعليق على القصة..................شكلي بخليها رواية شاكر و الوظيفة المنشودة.[/QUO
يمين انك سنايدي ههههههههههههههههههههههههههههه اجل شاكر والوظيفة المنشودة

و الله دخلت جو مع القصه خاصة اللي قابلك المره الاولى ههههههه

بس سؤالهم عند المزامير و السلام الملكي تحشيييييييير بمعنى الكلمة , لكن مالك الا اللي يجيهم يقول اسمع كلللش وكلنا مع ابن حزم هههههههه

بس وش هي انواع التوحيد ما عرفتها ؟ طيب ماجابوا طاري للتجويد ؟ احمد ربك ما خلوك تتكلم كلمة << الكلمة جايبه له نفسيه ههههههههه

انا حجزت طيران الحمد لله لقيت لي حجز ذهاب ومالقيت عودة وماني مأمل شي ومقابلتهم الشخصية مجرد تمرين للوظائف المقبلة هههههه


الحمد لله يا شاكر , والله يعطيك العافيه ما قصرت والله .