انا الى معي سألتهم قلت انتم مقدمين على الوكالة ولا الشؤون الصحية ,, قالوا كلهن
وجاء الاختيار من الشؤون الصحية ,, والي اختبروا معي ثلاثة مهندسين ميكانيكيين ,, ومادري اذا كان فيه قبلهم بعد من نفس التخصص ماعندي خبر ,, بس اتوقع مدام محد اتصل عليك للحين يمكن يبي يشوتونك للوكالة ,

والنتيجة تطلع بنفس اليوم بموقع الشؤون الصحية

بالتوفيق للجميع..

اخواني طلاب الحاسب انتم مقدمين مثلي على موقع الحرس بعض الشباب يقولون انهم مقدمين على وظايف

دعوه ومدري ايش يعني صار تقديم للحاسب زي كذا ولا شلون...؟

أحد منكم يا شباب نظم معلومات ؟؟

أنا نظم معلومات ومعدلي جيد جدا وما اتصلوا علي ؟؟

هل تختلف الجامعات؟؟ يعني هم يفضلون جامعات معينه؟؟؟

اشوف اكثر ما اتصلوا على جامعات الرياض ,, والى برا الرياض مايهتمون لهم

أخوي طموحي عالي أنا نفس الشي ما اتصلوا علي خريج هندسة حاسب بس سؤال أنت اخترت بالتسجيل سلاح إشارة ولا مركز معلومات ؟؟

السلام عليكم
شباب اليوم الكلية ارسلو لي رساله انه اختباري يوم الاحد الجاي
ايش السالفه ؟ وايش طبيعة الاختبار ؟؟ تخصص ؟ انجلش ؟ لياقه ؟
وهل فيه تدقيق بالنظر > خويك بنظاره
وهل صحيح انه المطلوبين 5 فقط من الحاسب !!!!!!!!
علما اني مقدم على مركز المعلومات
انتظركم

مبروك وبالتوفيق أخوي أمير
من قال أن عدد المطلوبين في قسم الحاسب 5 إذا كان كذا قليل مرة
اهاا ونا مركز المعلومات ما بعد ردوا علي
عموما بالتوفيق وخبرنا وش يصير معك والنظارة لا تاخذ هم لأن أغلب المتقدمين بنظارات
أقسامهم طب وهندسة
وسمعت أنهم يستدعون أبجدياً حسب الأسم أنا لسى حرف النون
وخويي مقدم وأقل مني معدل بكثير تقريبا 2.70 ومنادينه من الاسبوع الماضي وحرفه عين
أمير أنت أسمك بدايته بأي حرف ؟
نشوف إلى وين وصلوا ..
ومعدلك تقريبا كم ؟

حياك يالغالي
الله يبارك فيك
ايه سمعت كذا واحد يقول انه سآل ضابط بالحرس
والي حطمني اكثر عدد الخريجين من الكلية يقولون جدا قليل كل سنه
من قال على الحروف ؟
انا حرف النون كمان .. وخويي حرف الفاء وكلنا جاتنا اليوم الساعه 11 تقريبا
المعدل طال عمرك 4 والحمد لله
انا ما ادري كيف نظامهم يعني اللي يعجبهم اسمه ينادونه ولا كيف خخخخخخ
ان شاء الله جايك الدور قل امين
ياليت احد يفيدنا بموعد الاختبار
وبعدين اش العبط هذا اللي في الحرررس خبرونا على الاقل قبلها باسبوع ..
والله حجز للرياض ماني محصل

موفق بإذن الله ... لك مني أجمل تحية .