فتحت موقع الحرس
ووجدت الإدارة القانونية بالقطاع الغربي
يعني لو قبلوني أكيد بكون في الغربية ...............يا سلام
الله يتممها على خير

شباب الي جاهم رسالة مقابلة شخصية هل هم جامعيين؟

اخوي مهندس
الاجابةعلى استفساراتك هي
1- سلاح الاشارة قطاع ممتاز اغلبه ضباط جامعيين ومهندسين
2-العدد المطلوب والله ماعندي خلفية لكن من دفعتي اخذوا 4
3-فيه ثلاث مقابلات شخصية كلها تعتمد بالدرجةالاولى على الثقة بالنفس
4- بالنسبة للتعيين على حسب الاحتياج وهذا كلامهم لخوياي الاربعة اللي قلتلك عنهم يقولون الرياض فيه نقص كبير فاحتمال يعينون اكثر شي بالرياض
5-الراتب الاساسي 9270 وفيه بدل مهندس 400 وبدل شهادة 15% وبدل نقل 700
وبدل مرابطة 950واحتمال بدل حاسب اذا كنت متخصص بالحاسب 25%
عموما الراتب مو اقل من 12300ريال
6-المقابلة الشخصية زي ماقلتلك تعتمد بالدرجة الاولى على الثقة وتكون ملم بتخصصك لانهم راح يسألونك عن تخصصك وعن مشروع التخرج وتتكلم عن نفسك بالانجليزي او العربي
7- مدة المقابلة مثل ماقلت قد تمتد لنصف ساعة او اقل
7- اية فيه اسئلة تخصصية عن تخصصك اهم شي تكون ملم بالاساسيات
الله يوفقك لما يحبة ويرضاه

اخوي الحرس الامنية
والله ماكان معانا اطباء اسنان لانه السنة اول مرة يطلبون طب الاسنان
بس تأكد انهم جد حريصين على الاطباء ويحتاجونهم بكثرة
حتى كان في دفعتنا طبيب عام يبغى يستقيل عشان يروح معيد مافكوه الابالقوة والطلايب
وضعك في السليم وانا اخوك

اخوي هلل وريال
مدة المقابلة مختلفة من قطاع لقطاع
لكن والله اخوياي اللي كانوا معاي من مختلف القطاعات يقولون التركيز كان ينصب حول الثقة بالنفس والالمام بأساسيات التخصص

اسأل الله لك اعلى الرتب دنيا واخره ابن الحرس