تجمع المقدمين على الحرس الوطني .. الجامعيين

ولدالشريف · #**731** (**permalink**) 02-07-2011, 04:02 AM

اقتباس:

المشاركة الأصلية كتبت بواسطة ابن الحرس

بالنسبة للمدينة والله ماني متاكد هو موجود او لا
بالنسبة للشريعة اول مربوط تقريبا 11500 وفواصل
بالنسبة للتعيين هم يعينونك بناء على اولا وركز عليها مضبوط بناء على الاحتياج
ثانيا على الرغبة
الترقيات افضل من اي قطاع ثاني ممكن تتأخر ثلاث اشهر لكن فيه حاجة جدا حلوة اذا تاخرت ترقيتك راح يجيك الفرق على شكل اثر رجعي يعني مايضيع لك ولا ريال
بدل شهادة بالنسبة للتخصصات النظرية هي 10 % بس
موعد القبول النهائي مختلف اول شي الحرس بعدين الامنية
وعادي تقدر تروح للقطاع اللي انقبلت فيه اول واذا جاك الثاني وتبيه تقدر تسحب ملفك
ولاتصدق كلام اللي يقول اي طالب ينقبل في كلية اخرى راح يستبعد ابد مو صحيح

اخوي ابن الحرس ماشاء الله عليك منور الموضوع بتواجدك وتفاعلك عندي كذا سوال
1/ القطاعات اللي يتعينون فيها اصحاب شهادات علوم الحاسب
2/كم اول مربوط يستلمونه
3/بالنسبه للترقيات كيف الاوضاع بالحرس
4/مركز المعلومات ترتيبه بالنسبه للقطاعات من وجه نظرك
5/افضل القطاعات عموما من ناحيه الرواتب والبدلات والراحه
6//لو سالتك بامانه ليه تفضل الحرس على الامنيه او الدفاع ايش راح يكون جوابك ...

شكرا لاتاحه الفرصه... اكيييد اذا مافي كلفه عليك

آمير آلكلآم · #**732** (**permalink**) 02-07-2011, 05:29 AM

اشكر كل اللي يتفاعلو مع الموضوع عسى ربي يوفقك كلكم ..
يا اخوان اللحين لو انقبلت ان شاء الله في مركز المعلومات وابي انقل للمدينة ..
طيب يقولون مافيه مركز معلومات بالمدينة ؟! هل انقل على قسم غير مركز المعلومات ولا خلاص اثبت في هذا المركز ؟ الله يرضى عليكم ردو ووضحو
وشكرا
وجزاكم الله خير

ابن الحرس · #**733** (**permalink**) 02-07-2011, 05:43 AM

اقتباس:

المشاركة الأصلية كتبت بواسطة حلمي ألف العالم

بيض الله وجهك مشكووور ما قصرت
11500 كيف حسبتها يعني الراتب الاساسي 8000 والباقي كيف جت يعني وش بدلاتها؟
افهم من كلامك انه لو سلمت ملفي للحرس اقدر اسحب ملفي واروح للامنية؟
انا اخاف الحرس يرسل اسماء المقبولين عندهم للامنية عشان ما يقبلوهم؟؟؟

الاساسي 8000 وعليها كسور
البدلات 950 بدل مرابطة
700 بدل نقل
10%بدل شهادة
والاكيد ان الراتب ماراح ينزل عن الرقم اللي قلتلك
بالنسبة لملفك بعطيك مثال حي وانت احكم بنفسك
انا السنة اللي راحت طلع قبولي اول شي بالحرس وسلمت ملفي لهم
بعد فترة طلع قبولي بالدفاع لكني كملت بالحرس
والى حد قبل مأدخل الدورة بأسبوع والدفاع ارسلوا لي رسالة عشان اسلم اوراقي
في هالحالة وش رايك اسمك يرسله الحرس للامنية ولا ؟
طبعا مو بس انا ناس واجد بالمنتدى السنة اللي راحت صارلهم نفس الشي
يعني ريح بالك وتطمن

ابن الحرس · #**734** (**permalink**) 02-07-2011, 05:54 AM

اقتباس:

المشاركة الأصلية كتبت بواسطة ولدالشريف

اخوي ابن الحرس ماشاء الله عليك منور الموضوع بتواجدك وتفاعلك عندي كذا سوال
1/ القطاعات اللي يتعينون فيها اصحاب شهادات علوم الحاسب
2/كم اول مربوط يستلمونه
3/بالنسبه للترقيات كيف الاوضاع بالحرس
4/مركز المعلومات ترتيبه بالنسبه للقطاعات من وجه نظرك
5/افضل القطاعات عموما من ناحيه الرواتب والبدلات والراحه
6//لو سالتك بامانه ليه تفضل الحرس على الامنيه او الدفاع ايش راح يكون جوابك ...

شكرا لاتاحه الفرصه... اكيييد اذا مافي كلفه عليك

صباح الخير للجميع
1- الحاسب يتعينون بالشؤون الصحية او مركز المعلومات او سلاح الاشارة
2-ماشالله الحاسب ثاني اعلى رواتب بالحرس بعد التخصصات الطبية البداية مو اقل من 13000وكسور
3-الترقيات زي ماقلت للشباب ماتطول كحد اقصى 5 اشهر وطبعا التأخير يرجع لك بأثر رجعي يعني مايضيع لك ولا ريال
4- مركز المعلومات بالنسبة لخريجي الحاسب انا اشوفه افضل قطاع لهم من تطبيق التخصص والراحة وبيئة العمل (اغلب الموجودين هناك جامعيين خريجي الحاسب) اما البدلات متساويه بجميع القطاعات
5- نفس اجابة السؤال الرابع بالعربي انت تخصصك حاسب = مركز المعلومات
6- بالنسبة لتفضلي الحرس انا تخصصي طبي وراح اعمل بالمستشفى طبعا زي مأنت شايف مستشفيات الحرس ثاني اقوى مستشفيات بعد التخصصي
عشان كذا فضلت الحرس

ابن الحرس · #**735** (**permalink**) 02-07-2011, 05:59 AM

اقتباس:

المشاركة الأصلية كتبت بواسطة تقنية المعلومات

مرحبا أخوي ابن الحرس \\\ مته الاعلان عن القبوول للطلاب الجامعين؟

وشكرا لك من القلب

مرحبا اخوي
بالنسبة للقبول مافيه اعلان اي واحد مترشح راح يتصلون عليه جوال او يرسلون له رسالة

الشؤون الصحية · #**736** (**permalink**) 02-07-2011, 06:28 AM

اقتباس:

المشاركة الأصلية كتبت بواسطة المتحيزم

كل القطاعات خلصت اجرائاتها المبدئي , بداء بالشؤون الصحية واختارت عدد معين واجرت لهم اختبار اللغة الانجليزية , وبياخذون عدد اقل من الي اختبروا لغة ويسون لهم مقابلة شخصية , والي يعدي المقابلة الشخصية يرسلونه للكشف الطبي .
والتوجية والارشاد اتصلوا على الي اختاروا وسووا معهم مقابلات شخصية
والوكالة الفنية ماعندي خبر عنهم .
اخر شي المتخصصين في الحاسب وعلومه , اتوقع الاسبوع الجاي مواعيد اختباراتهم والمقابلات .

يعني احتمال على نهاية الاسبوع الجاي تطلع اسامي المقبولين مبدئي

حياك الله اخوي المتحيزم ..

اخوي بسئلك هل انتهاء الاختبار في الشؤون الصحيه ..

لانهم صارو متصلين علي يوم الثلاثاء وقت صلاة العشاء .. وما رديت عليهم .. وبعد الصلاة اتصل عليهم ما يرودن وما كنت ادري انهم هم الا يوم الخميس .. قال لي واحد من الشباب هذا رقمهم

وش خربيطم يتصلون مره وحده وفي وقت صلاة ولا يردون على تليفونهم ... الله يعين ..

إبو الجازي · #**737** (**permalink**) 02-07-2011, 06:43 AM

بـآرككَ الله فيكْ ، مشكَورِ

_

لآهنتَ ~
موفق بإذن الله ... لك مني أجمل تحية .

نسكافيه بالجبن · #**738** (**permalink**) 02-07-2011, 07:56 AM

السلام عليكم ورحمة الله وبركاته
صباح الخير جميعآ موفقين ياشباب وفالكم القبول النهائي بإذن الله
أولآ حاب أشكر أخي إبن الحرس على مايبذله من مجهود في هذا الموضوع لخدمة الشباب والرد على إستفساراتهم وجعل الله ذلك في ميزان حسناته.

سؤالي ألى الأخ إبن الحرس

أنا قمت بالتقديم على الإدارة القانونيه ولدي بعض الإستفسارات الخاصه بها

1- ماهي طبيعة العمل في هذه الإدارة بمعنى (تكون بمثاية محقق في القضايا التي تحدث من قبل منسوبي الحرس والتجاوزات التي تصدر من الأفرا والضباط - أم تكون بمثابة محامي تترافع في القضايا المرفوعه ضد الرئاسه العامه للحرس الوطني)

2-كم عدد القبول في الإدارة القانونيه تقريبأ في الأعوام السابقه؟ (أسف على السؤال ولكن إذا كان يوجد لديك إجابه)

3- هل مقر الإدارة القانونيه فقط في منطقة الرياض أم توجد لها فروع في المناطق الأخرى؟

وفي الختام لك مني دعوه صادقه في ظهر الغيب بأن يوفقك الله إلى مايحب ويرضى.

آمير آلكلآم · #**739** (**permalink**) 02-07-2011, 08:22 AM

اقتباس:

المشاركة الأصلية كتبت بواسطة آمير آلكلآم

اشكر كل اللي يتفاعلو مع الموضوع عسى ربي يوفقك كلكم ..
يا اخوان اللحين لو انقبلت ان شاء الله في مركز المعلومات وابي انقل للمدينة ..
طيب يقولون مافيه مركز معلومات بالمدينة ؟! هل انقل على قسم غير مركز المعلومات ولا خلاص اثبت في هذا المركز ؟ الله يرضى عليكم ردو ووضحو
وشكرا
وجزاكم الله خير

ابن الحرس ياليت ترد على استفساراتي لاهنت
ولا يهونو الاخوان

المتحيزم · #**740** (**permalink**) 02-07-2011, 10:47 AM

اقتباس:

المشاركة الأصلية كتبت بواسطة الشؤون الصحية

حياك الله اخوي المتحيزم ..

اخوي بسئلك هل انتهاء الاختبار في الشؤون الصحيه ..

لانهم صارو متصلين علي يوم الثلاثاء وقت صلاة العشاء .. وما رديت عليهم .. وبعد الصلاة اتصل عليهم ما يرودن وما كنت ادري انهم هم الا يوم الخميس .. قال لي واحد من الشباب هذا رقمهم

وش خربيطم يتصلون مره وحده وفي وقت صلاة ولا يردون على تليفونهم ... الله يعين ..

طيب رح يمهم , مكتب التوظيف المحلي شوفه جنب المبنى الاداري, اطلع يمهم وقل انا مقدم على كلية الملك خالد وجاني اتصال منكم بخصوص تحديد المستوى , او اتصل عليهم على الرقم ذا , 2520088 , والتحويلة 12433 اطلب واحد اسمه تركي هو المنسق

تجمع المقدمين على الحرس الوطني .. الجامعيين

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته إخواني .. انا من المتابعين للمنتدى منذ فترة التقديم السابق وكانت هناك تجمعات للمقدمين على...

تجمع المقدمين على الحرس الوطني .. الجامعيين

تسجيل الدخول

تجمع المقدمين على الحرس الوطني .. الجامعيين

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته إخواني .. انا من المتابعين للمنتدى منذ فترة التقديم السابق وكانت هناك تجمعات للمقدمين على...

تجمع المقدمين على الحرس الوطني .. الجامعيين