03-07-2011, 01:52 AM
|
 |
عضو مميز
|
|
تاريخ التسجيل: Apr 2011
الدولة: مـكــة الـمـكرمــة
المشاركات: 976
معدل تقييم المستوى: 17933
|
|
السلام عليكم ورحمة الله وبركاته
أنا توني واصل لمكه جاي من الرياض بعد رحلة لابأس بها , واليوم بعد مقابلتي حاولت كذا مره ادخل بالجوال لكن ما قدرت
تفاصيل الحضور لجهازالتوجية والإرشاد /
وصلت لرئاسة الحرس الوطني الواقعة في مخرج 13 من طريق خريص الساعة 7 و نص و كنت أقول في نفسي يمكن ما ألقى أحد قدامي
لكن يوم وصلت لقيت عدد كبير حاضرين قبلي و سجلت رقمي من ضمن الحضور وكان رقمي 36
جلست مع بعض شباب الجامعة أنتظر دوري , مشوا كل اللي قبلي و اللي بعدي ورحت سألت الجندي " ابو نظارات " قال أنت دورك في المساء
المهم بالقوه اقتنع ان موعدي في الصباح بعد ما تأكد من الكمبيوتر و كان دخولي للجنة المقابلة الساعة 11 و نص
يوم دخلت لقاعة المقابلة لقيت طاولة طويييلة و في آخر الطاولة " مدني " و عقيد و ملازم أول " فلان السعوي "
و أنا أمشي صاح المدني وقال " يا أحمد وش فيك تمشي بشويش انت مقدم على كلية عسكرية وتمشي كذا ؟؟ " يحاول يربكني الأخ ههههههه
قلت له انت خلني انقبل و تشوف المشية اللي تعجبك  ابتسم على غير عادته و أخذ معلومات عني ( المعدل و متزوج أو اعزب و الدورات )
ثم قال وش تبغاني اسألك ؟ قلت له اللي تبي . قال : عدد مراتب الدين وجاوبته قال : عدد أصول الدين ولخبطت و قال اذا ماتعرف قول ما اعرف لا تفتي
قلت انا اجاوبك على اللي اعرفه وما جيت افتي من راسي , قال كم عدد موجبات الغسل ؟ قلت 8 قال غلط قلت 5 قال غلط
اخر شي قلت له خلني اعددها لك ورفض قال ابغى العدد فقط , ثم قال قم و عطنا كلمة , وقفت وتكلمت بكلمة عن " نعمة الأمن "
ثم قال الله ييسر لك تفضل . العقيد و الملازم أول ما تكلموا بس يبتسمون طول المقابلة .
ملاحظة / نظامهم عشوااااائي ولابد تعرف سرا رقمك ولا ترا بيسحبون عليك , وتأكدت بنفسي من الملازم أول من عدد المطلوبين لجهاز الارشاد
وقال بنفسه 2 فقط لا غير , قلنا له طيب ليش تتصلون بـ 700 متقدم ؟ قال هذي أوامر من متعب بن عبدالله !!!
المهم طلعت من عندهم و أنا راضي عن مقابلتي معهم و الحمد لله كسبت خبرة وتعودت على جو المقابلات
و كان ودي اكتب اللي صار معي من يوم ما اطلع لكن مثل ما قلت لكم الجوال بهذلني شوي
بالتوفيق للجميع , و اعذررني يا حلمي فالك التوفيق و القول السديد يا رب .
|
العرض العادي
