تصيحة مني لكم
لاتعلقون في الكلية وتسئلون عن التفاصيل من الان
علشان لا قدر الله لو ما قبل الشخص الا الامر عادي عنده
ولا اذا كنت تسئل ومأمل فيها بشك كبير وفرضا ما قبلت راح يأثر عليك كثيرررر

الكلام موجهة لنفسي قبل مايكون لكم

ولله يكتب لكل شخص مافيه الخير له في دينه ودنياه واخرته

معليش يا جماعه طولنا عليكم تعرفون دوام ورمضان واستلامات وحوسة

سلاح الاشارة وما ادراك ما سلاح الاشاااارة

طبعا ابن الحرس ما قصر الله يبيض وجهه ولا هو قصور في اخوي نقيب والمعلومات بيض الله وجيههم

طيب الحين انتم دخلتم روسكم سالفه ان مدير اللجنة في اجازة !! بعدين انا خبري ان الدبيان علق لواء وراكم تقولون له عميد هههههههههههه !

يعني لجنة قبول معروف ان عملها في الصيفيه تتوقعون ان رئيسها ياخذ اجازة في وقت حرج مثل هذا ؟

على فكرة ترى الي يقول رحنا اللواء وقابلنا ضابط وقال كذا والي يقول العسكري الي على التلفون او عند البوابة قال كذا لا تصدقونهم نصيحه على قول احد الاخوان هنا لا تصدق الا نغمة جوالك لا دقوا عليك

يا جماعه ترى انتم تبون تدخلون العسكرية وتبون تعرفون ان العسكر انصب ما خلق ربي ههههههههههههههههه يعني سريع سريع ينصب عليك ولا فكر في نفسيتك ولا راعاك لذلك خذوا وخلوا من كلامهم وانا اخوكم

وصدقوني تبون تلقون الوقت لا تخافون لان الدورة ما راح تبدا قبل يوم 17/10 لان العرف في الدورات انها كل سنة تتأخر يعني دفعه 21 بدوا في يوم 16 واحنا دفعه 22 بدينا في يوم 17 وهكذا


نعود على ذي بدء وعلى سلاح الاشارة طبعا وانتم بالكلية وحتى خارج الكليه بعد التخرج راح تلاقون همز ولمز ان الجامعيين ما هم عسكر بحجه انكم قعدتوا سنة دورة وهم قعدوا 3 سنين !!؟

لكن ان كان الجامعيين ماهم عسكر فالي معينين فسلاح الاشارة عسكر ونص هههههههههههه لان اللبس تمويه ومشاريع واستلامات وفصايل وهلم جرى من العسكرية عكس القطاعات الاخرى في الجامعيين

طبعا اتوقع هنا مافي الا مهندس وعاطل فقط في سلاح الاشاره والي عرفته ان عاطل من جامعه عزوز لكن انت يا مهندس من اي جامعه !!؟

عموما دراستكم خمس سنين يعني راح تاخذ رتبه ملازم اول ( موضوع اقدمية الدورة اتوقع انه انلغى )

طبعا ملاحظة الواسطه فوق القانون

لاني اشوف عالم تسأل تقول لو بنقل من قطاع لو بسوي كذا لو لو لو ... بالطريقة النظاميه الوضع صعب الى شبه معقد لكن بالواسطه تمشي سهالات حتى بالتعيين لو طلع تعيينك في عرعر تقدر بيومين تغير تعيينك الى الرياض حتى لو ما داومت بعرعر فعادي يا ربع الواسطات :$

الي يدور على الراتب والبدلات وجاه قبول بالامنيه يروح للامنيه / طبعا الي مقدم على وزارة الدفاع هل تم تعيينكم في مكان معين بالدفاع يعني ادارة هندسية او شي عشان اقدر احكم واقارن واسأل

عاطل يوم تقول شهاده واقطعها وانا اخوك حتى لو عاملوك مهندس كهربائي وش راح تستفيد !!؟

سلاح لاشارة يتعامل اكثر شي مع الاتصالات والكهرباء لانها كلها اجهزة اتصالات وهوائيات يعني العمل فيه نوع من المتعه

ياخي تقدر انك تطور نفسك وان كان التطوير فيه نوع من الصعوبة لانه راح الكراسي تجي محدوده يعني بالسنة تقريبا كرسيين او ثلاثه ويتنافس عليها كل سلاح الاشارة بالمملكة وانت واقدميتك

يعني لو جيت السنة الجايه يا مهندس وكان فيه كرسي دورة في امريكا مثلا وقدمت انا واياك بس راح اطلع انا لاني اقدم منك << مجرد مثال ههههههههههههه

لكن عموما فيه تطوير وتقدر تاخذ دورات ان بغيت خارجيه او داخليه لكن يبي لك تنتظر لان المقاعد محدودة صعب ياخذونهم كلهم دورة وعموما راح تطلع دورة راح تطلع دورة لانها اجبارية عليك فلا تخاف من هالناحيه

وترى كل ما جمعت ( 12 شهر ) دورات يزيد راتبك 4 %

الابتعاث للماجيستير يقال انه صعب ومعقد لكن ما تدري وش ممكن يصير في قادم الايام

الترقيات بالحرس جدا جدا ممتازة يعني ما اعتقد انك ممكن تتاخر اكثر من سنة في اقصى الحدود يعني شوف احنا الان استملنا رواتبنا كامله ومستحقاتنا عكس الامنيه الي ينتظرون الي شهر 12 ويمكن يتاخرون بعد وللحين ما ينزل لهم الا مكافاه كليه 3200 !!!

وبدل الحاسب ياخي مدري سلاح الاشارة خايف على ميزانيه الحرس والا وش وضعهم لان فيه بدلات طريقة صرفها غبيه كثيرة حتى اخرها افراد الورش صارفين لهم بدل خطر وبدال ما يصرفون لكل افراد الورش صارفين لعدد معين بس !!

وتراها ما تصرف بالحرس كذا لمجرد العباطه يقولون انكم ما تزاولون تخصص !! يعني بالعربي ما نبي نعطيكم فلوس وبس هههههههههههههههههههه

وهذا سبب عزوف المهندسين وهروبهم بعد ما يطور نفسه ولغته ويروح للشركات وخلها في بالك من يوم تداوم وانت طور نفسك وحاول تسوق لنفسك وخلي العسكرية سلم للحصول على ماهو ازين

والتعامل مع الافراد هناك في الغالب يسمو عليه الود لأنهم متعلمين وفنيين وجامعيين يعني ما راح تتعب كثير معهم

اوووف احس اني تعبت وتعبتكم معي وان بغيتوا شي ان شاء الله اننا ما نبي نقصر معكم ونبي نخلي حياة الكلية لوقت دخولكم للكليه هههههههههههه

طير فيصل
كثر الله من امثالك وجعله في ميزان حسناتك

سؤال صغير
اخوي القانونين وش المميزات لهم ووش افضل القطاعات

طير فيصل آعتقد انك فآهم في آمور الحرس آكثر من آي شخص آخر مع آحترآمي للجميع
لذلك بسآلك ...

الي ينقبل قبول نهآئي في كلية عسكرية غير الحرس , هل يسقط اسمه تلقائيا او يتم المفاضله من قبل الطآلب وآختيار الكلية المنآسبة له (ثآنوي) ..

آرجوآ آنك توضح الخفآيا لآن كل وآحد يقول لي كلآم وابيك تقطع الشك باليقين ..

ماااقصــرت ياطير فيصــل

كفيييييت ووفيــت ,,, على قولتكم مارآح اصدق الا نغمة جواالي

والله العظيم السوالف معكم وناســة وتبرد عليــنا ناار الانتظااار ,, لدرجة حتى لو مااقبلوني لا قدر الله مااراح احس بذاك الضيق ,, والسبب يشهد الله سوالفنا مع بعض بذا الموضوع وكل واحد يسااعد الثاني باللي يقدر عليه ,, والحمدلله

وفالكم القبووول والتوفيق ,, واذا انقبلنا كلنا بإذن الله لا أوصيكم لازم نتعرف على كل واحد عشان الدورة تحلى اكثر ,, وننسى الكرف والتعب

ونصير بالدورة كأنـنآ جالسين بمنتدى البطالة

شباب


من منكم كان في المجموعــة 2


في الكشــف الطبي


ودنا نغير موضوع النتائج


إن شاء الله ما يجي الحج الا وعندنا خبر


صدق من قال


" شر البلية ما يضحك "

يعطيك العافيه اخوي طير فيصل وجميع من أفادنا

وياليت تعطونا تفاصيل أكثر عن وضع القانونيين وطبيعة عملهم
يتبعون لأي قطاع ؟<<<يارب مو سلاح الاشارة
هل سيكون عملهم في تخصصهم ام عمل مكتبي بحت ؟
او كمحامي باسم الحرس حيث يقوم الظابط بالترافع لصالح قضايا تخص الحرس؟
ام في المحكمه العسكرية (ان وجدت)؟

الله لايهينكم


وفي استفسارات صغيره لعموم اللي دخلوا الكلية لو ان الاستفسار سابق لأوانه

هل صحيح أن هناك طلاب نهائي يدرّبون الجامعيين ؟
<<<<ما بقى الا هي خريج ثانوي واصغر مني يامر علي

وهل يوجد نادي رياضي بالكلية صالة حديد وجاكوزي ومن هالامور ؟

وشكرا