السلام عليكم ورحمة الله وبركاته

الفكرة عبارة عن محل هدايـــــــــــــــــــا ....

كلنا نعرف ونشوف ان محلات الهدايا الموجودة بالسوق هي محلات اقل ما يقال عنها انها محلات فلين

تدخل المحل تدور على هديه قيمة ما تلاقي الا ذا الفلبينو والا ذا الهندي نص وجهه حبيبات فلين من كثر ما قصقص هالفلين

والا علب هدايا مدري وش تبي من الحياة ...

فعلا ندخل ونطلع ما حصلنا شي والا ذاك المسمار اللي يسخنونه ويكتب عليه الاسم على الخشب

حاجه تمرض من جد ...

كثير نحب نهدي هدايا لاناس كبار او ناس برستيج ..

تخيلوا اجيب له محفظه مكتوب عليها بالمسمار الحار ..

والا اجيب له خشبه مكتوب عليها اسمه

بيقول ليت امك يوم جابتك رمتك وخلصنا منك انت وهديتك ...

الناس الكبار والبرستيج ما يهمهم انك تجيب له ساعه او قلم ماركه ..

الان ينبسطون ويقدرون حاجه اسمها اكسسوارات مكتب ...

ليش ما نأمن لهم هالشي ؟؟ بسيطة من الصين وبتراب الفلوس

اي واحد منكم يقدر يروح قـــزاز حق العطور واقل هدية كريستال تلاقونها بألف فما فوق

رغم انها من الصين بعشرة ريال ...

كمان الان الشركات تحتاج الي دروع مميزة يهدونها بحفلاتهم ..

بطلوا حاجه اسمها درع قديم ذاك النحاسي والا الزجاجي اللي يكتبون عليه بالالوان

ايش المطلوب :

ايجار محل .. وكل مدينة تختلف عن الاخرى بالايجارات ...

ديكور فايف ستار .. شي فخم يدل على مكانة المحل والديكور نقدر نسوي بألواح جبسية ونشكلها على كيفنا وبأرخص الاسعار بدلا من ديكور خشب مكلف

بعد كذا ...

نقدر نسوي من الصين شنط واكياس فخمه خاصة فينا وبأسم المحل ..

كمان نسوي علب هدايا فخمة ...

نسوي كورنر للتغليف .. مع ورود ...

البضاعه .. بليزززز بلاش موضوع الفلين .... نبغى محل هدايا مو محل جنب حراج بن قاسم

راح نجيب هدايا واكسسوارات كريستال مثل :






















اشياء زي كذا بالاضافه الي اكسسوارات المكاتب ....



كمان نجيب الاله الخاصة بالحفر على الكريستال اظن سعرها بحدود الــ 1700 الي 2000 ريال

المطلوب ...

اننا نوصل للشركات ونقدم لهم الدروع الخاصه فينا ... ما يمنع ابدا اني اهدي مدير التسويق او مدير العلاقات العامه درع محاني مكتوب عليه اسمه <<< ندحلسه عشان يشتري منا

نعرض عليهم الدروع .. نعرض عليهم الهدايا .. فيه كثير من المدراء يحبوا يهدوا لاناس معينين

الشركات لما تشتري ما تشتري حبه او حبتين .. لا .. يشترون بأعداد كبيرة ...

المحل لازم يكون متنوع وكثير الافكار فيه .. وكمان لازم تكون البضاعه متغيره بكل وقت مو لما ادخل الان وبعد شهر المحل هوا هوا ماتغير ... لازم كل يوم جديد ويكون المحل متجدد بأفكاره

بكذا نكون سوينا محل هدايا فعلي وليس لعب العيال الموجود الان

كمان قدرنا نوصل للشركات وسوينا معاهم شغل .. ودائما شغل الشركات مربح جدااااااااااا

لكن تحتاجون انكم تهدون للمسئول عن الهدايا بالشركة هديه او درع وتقول له هذا عينه من شغلنا بأسمك ... حتى يشوف ويثق في عملكم ويتفق معاكم

انصح الكل بمثل هذا المشروع حتى البنات بمقدورهم انهم يسوون هالشي لان البضاعه نقدر نسيطر عليها بالجرد ...

تقدروا تضيفوا كمان انواع من الشوكولاته مع العلب الخاصه والفخمه واللي صممناها للمحل

اشياء كثيرة نقدر نسويها خصوصا ان كانت غريبه وجميله وجذابه ... نطلع من التفكير التقليدي ابو فلين

شدوا الهمه يا جماعه ....