جزاكم الله خير اللي عندوه معرفه بالضمان؟؟؟؟؟؟

حكاية صمت · #1 (**permalink**) 11-06-2011, 10:18 PM

السلام عليكم ورحمة الله وبركاته
اخواني خواتي ياليت تقدرون تفيدوني انا مسجله بالضمان تبع الرياض ونقلت لحايل وودي انقل ملفي لضمان حايل احد عندوه علم شلون انقل اوراقي لازم اروح لمكتب الرياض وانقله والاعادي اجي مكتب حايل واطلب نقل ملفي عندهم؟؟؟ياليت تساعدوني لاني حاليا مقدر اروح للرياض واكيد لو دقيت عليهم مايردن الموظفات كالعاده

سعودى متقاعد · #2 (**permalink**) 12-06-2011, 12:01 AM

وعليكم السلام ورحمة الله وبركاته

اتصصل على رقم الضمان الاجتماعي المجاني يوم غدا بعد الساعه 9 صباحا واشرح لهم الوضع كاملا وهم سوف يقومون بنقله لك تلقائا

سولفيه · #3 (**permalink**) 12-06-2011, 12:50 AM

موفق بإذن الله ... لك مني أجمل تحية .
يجي من يفيدك
دعوتك الي

qlb · #4 (**permalink**) 12-06-2011, 04:44 AM

وعليكم السلام ورحمة الله وبركاته
مالي معرفه بس دخلت موقع الوزارة وحصلت لك رابط انك تقدرين تنقلين ملفك من مدينة الى المدينة اللي انتي فيها
بس صراحه ماسبق لي تجربته
الرابط
http://mosa-d-web.mosa-d.gov.sa:7778.../transfer.html
دعواتكم ..

لا يغرك صغر سني · #5 (**permalink**) 12-06-2011, 04:53 AM

الله يسسهل امررك

اضن من نفس الضمان الي في حايل تروحي عندهم وتشرحي الوضع وهم يطلبون منك ورقه بثبات انك من نفس المنطقه مثل صـكـ البيت او فاتوره الكهرباء !

المهم انتي روحي ووششوفي والله يكتب الي فيه الخييرر

حكاية صمت · #6 (**permalink**) 12-06-2011, 07:20 AM

الله يجزاكم خير ويكثر من امثالكم كفيتوا ووفيتوا اجل بروحلهم واخذ صك البيت ان شاءالله عشان
لاطلبوه اكون جاهزه
مشكورين كلن بمعرفه على الاجابه

دار الإيمان · #7 (**permalink**) 12-06-2011, 08:24 AM

وعليكم السلام .

الله يسهلك اختي .
حبيت اسال الفترة كم تأخذ وهل فيه اجراءات رسمية كثيرة ولا ع طول اجد ملفي واذا
تغيير وضع الفرع وش يصير ع بطاقة الصراف لانها مكتوبة بفرع المنطقة نفسها اللي صدرت منها يعني يتغيير الوضع ..؟

اتمنى الاجابة ولكم جزيل الشكر.