السلام عليكم ورحمة الله وبركاته

مرحبا بالجميع ...

امس طلبت مني اختي اوصلها لمحل يصنع غرف اطفال عشان بتسوي دولاب لاولادها ..

دولاب مو غرفه كامله ....

رحنا للمحل عبارة عن محل فتحتين على الشارع

المحل الاول فيه الغرف التي تنتظر اصاحبها يستلموها ومنها بنفس الوقت تكون عرض للمحل ...

والمحل الثاني فيه منشار الاسطوانه الدائرية ومعاها كم شاكوش ومطرقة وكم مسمار وكم منشار يدوي .. وهذه نهاية المنجرة ...

طبعا كلا المحلين مفتوحين على بعض لكن مافي ديكور ولا في اي شي

كل المحلات فيها نشارة خشب تطير على الوجه مغير تمشي وتعطس

الغرف اللي اقصدها هي غرف الاطفال مثل هذي ...





السعر للدولالالالالاب فقط 2500 ريال .. رغم اني شايف ان السعر مرتفع بالنسبة لدولاب اطفال

الا ان اللي صدمني ولفت انتباهي ما كان السعر .....

اللي صدمني موعد التسليم

الموعد كان 15 شوال يعني بعد رمضان بــ 15 يوم ... يعني بالعربي الفصيح بعد 3 شهور تقريبا

قلت له انت صاحي ؟؟ وشو 15 شوال ؟؟

قال هذا اللي عندي تبي والا شف لك محل ثاني هذا ان حصلت

قلت له يابن الحلال هالخبله اللي جايه معي شايله دولاب عيالها وراميته بالشارع

قال لو تقولي ان الملك عبدالله بيجي زيارة لبيتكم بقولك لا مافي .. انا اعطيتك اقرب موعد

وان كنت مستعجل روح اشتري جاهز ..

قلتلها مشينا نشتري جاهز قالت مابي الا تفصيل وحق اطفال مابي من الصيني العادي ..

اللي لفت انتباهي وهو يحدد لي الموعد انه مسك دفتر الفواتير

وهاتك يا تفتيش فيه ورقه ورى ورقة وفاتورة ورى فاتورة لحد ما وصل للاخر واعطانا الموعد

يعني طلبات مرررررررره كثيرررررررره ما شاء الله تبارك الرحمن اللهم لا حسد

وعيني كانت تلمح المبالغ بالفواتير اللي يقلبها كلها فوق الــ 3000 ريال

ويحلف انه مايقدر يقدم موعدنا لانه يوم العيد شغال ..

الناس تعيد وهو بيشتغل بالمنجرة عشان يلحق مواعيد الناس

كمان شرط مافي شي اسمه عربون .. ادفع كامل المبلغ عشان احجز لك موعد والا ضف وجهك

المهم مابي اطول عليكم ...

فكروا فيها وشوفوا كم تكلف ... وايش خفاياها رغم اني ماني شايف خفايا واسرار ...

وتوكلوا على الله .... ولا احد يسألني ترى ما اعرف عن المنجره شي .. لكن شي من خلال مشاهدتي له بأرض الواقع ... <<< لكم

دائما ً مبدع يا تسويقـآإر و مواضيعك فووووووق الممتـآإزهـ ..

وبآلنسسسبه للمشرووووع خطيييير

ماقد شفت منجره فاضيه وإلا العمال فاضين ماعندهم شغل !!

دايم المنجره ززحمه و مواعيد وغآليه يعني بتدخل ذذذذذهـب .. ~

والله يوفقك أخوي ويرزقك من حيث لآ تحتسب .. ~

طيب تعال نتناقش فيها هذي يبغالها عمال كثير عشان تنجز بموعد اقل

لو جوك 20 عميل مثلا وقلنا كل غرفه تاخذ لين تجهز 14 يوم اسبوعين مثلاً يصير عندك بالشهر تخلص غرفتين يصير اخر عميل ياخذ غرفته بعد 5 شهور !!

[align=center][/align]ما شاء الله عليك اخ تسويقار .. دائما مبدع
تحياتي لك ولامثالك

اتوقع سمعة المحل وربما كان قديم اجبرت الناس على التزاحم عنده
لكن السعر غالي جدا واحنا قوم نغير فى السنة مرتين ههههه

مشروع رهييييب!


يعطيك العافية اخوي!

اخوي تسويقار يعطيك العافيه على الموضوع

الموضوع صراحه جبار وقوي مره

فعلا محلات النجاره فلوس يطلعون بالهبل ..

يعني هذه النجاره بس دولابات اطفال ...

وماشاءلله فلوس لاقبل يطلع ..

اللهم لاحسد من اي شخص يدور الرزق ......

ربي يجزاك الف خير اخوي تسويقار ...

المشكلة وين تلقى عمال شغلهم ممتاز وعندهم أمانة

اذا لقيتوا دلوني

فعلا كل الاعمال اليدويه والحرفيه عندنا فيه خير كثير بس شوف من ماسكها كلهم اجانب وهم عارفين انها ذهب ولا ابوسعود مايبي يكون الامدير والباقي على الاجنبي