يقولك عصفور فاليد ولا عشره بالشجره

روووح وانت مغمض والله يوفقك

رووووح وش تنتظرر لين ماتزيد التعقيد والامور اللي مالها اول ولا تالي !!

حبيبي احمد ربك .. رتبة وكيل رقيب + كاتب بنفس الوقت يعني دوامك بيكون من سبعه الصباح لين اثنين الظهر وخميس وجمعه اجازه !!

هذا اللي اعرفه عن الكاتب دوامك دوام رسمي واجازتك محدده ان تركتهاا أسمح لي .. بصراحه

الحين ماعاد فيه وظايف زي الناس عشان الواحد يقول نشوف غيرها .. < كأنه انرفع ضغطه ههههه

الزبده أستخيرر وتوكل ع الله بس

بالتوفيق

موفق بإذن الله ... لك مني أجمل تحية .

^ ^


ياخــي أقسم بالله قـــطب


مــايبيلها تفكير فرصه ماتعوض والكاتب دوامه مريح

رح لهم الله يوفقك تكفي انها وكيل رقيب وكاتب ودوام فله والراتب لا بس فيه
طيب اخي بسالك الي معه شهادة جامعية وش يعطونة رتبة وكم تقريبا الراتب وشنو طبيعة العمل؟
واذا ماعليك امر فين التقديم وكيف حصلت لك الوظيفة ومن وين جت لك
واذا تقدر تجيب لي وظيفة مثلك ابشر بسعدك بس اذا مستحي راسلني على الخاص ولا يهمك حبيبي انت تامر امر
صار لي ثمان سنوات عاطل شهادة جامعية الطول 175 الوزن82 معي شهادة غوص وسباحة واسعافات اولالية ورخصة عمومي ثقيل شوف لي الموضوع الله يجزاك خير
بارك الله فيك ولا تنسي تراسلني على الخاص وشكرا

حياك ياخوي والله يوفقك ويحقق لك أمانيك


وكيل رقيب فني بشكل عام راتبه كما يلي :

4455 نقص منها 400 للتقاعد = 4055 + 500 نقل + 500 إعاشه + بخصوصك أنت بدل الصنف حط صنف كاتب كم هو والله ما أدري

طبعا على حسب سلاح إلي قدمت عليه وحسب تخصصك لأنها تختلف

وكمان على حسب منطقتك لأنها تختلف فأنا في شروره يصرف لنا بدل إرهاب 25 % = 1113 ريال الوكيل رقيب

ويصرف لشروره كمان بدل ميدان =450 ريال والآن جاي في الطريق بدل مناطق حدوديه 20 % = 970 ريال


يعني البدلات الخاصه بشروره تقول إنك بالأمن العام وزد عليها السنه بسنتين لأن الأمن العام ماميزه عن الجيش في الرواتب إلا بدل الإرهاب وبدل الخطر والميدان


بخصوص الأفضل :

الفني صنفه أعلى من الكاتب فأنا فني الصنف حقي 1350 ريال ويصرف لي بدل خطر 600 ريال وأشارك بالحصه الصباحيه والعمل على حسب أحيانا فيه وأحيانا مافيه

الكاتب صنفه ما أدري كم لكن أتوقع مايقل عن 1000 ولايصرف له بدل خطر وماعنده دورات كثيره نفس الفني لأن الفني مطلوب منه يطور نفسه غصب عنه ومايشاركون في الحصه الصباحيه وعملهم على حسب مثلا المكاتب عندنا والله مايرفع راسه من الكمبيوتر جالس يطبع يستقبل معامله يودي معامله يرتب أوراق وهكذا يعني محلل الراتب هههههه وفيه ناس كتاب بالعكس مرتااااااااااااااحين للآخر فأنت وحظك



وسلامتك أتمنى أكون أفدتك ياغالي