السلام عليكم
يا اخواني انا تعبت والله طلعت روحي هي عين ولا حضي الردي
انا كنت في دورة للدفاع المدني في الشرقية قبل سنه ونص كنت معين خير ومع ربعي في الدورة خلصت 45 يوم مثل الحلاوة لا هم ولا غم بالعكس وناسة ورجعت لهم بعد ال 45 يوم ونفسي ضايقتن فيني عايف حالي لدرجة تجيني افكار مهبولة انتحر ولا تصيبني غيبوبة وانا اطلع منها وانا ما كملت اسبوع بعد 45 يوم ووقعت ورقة الفصل ورجعت للبيت ودخلت الهندسة وقلت بس زانت الدنيا ومشت الحال وعديت المستوى الاول والثاني والثالث بعد لكن بعييييييد التخرج باقي لي سبع مستويات وكل واحد اصعب من الثاني واذا انا دافور < شاطر اتخرج منها وعمري حدود 29 - 30 يعني كل حياتي دراسة شبابي يروح ما بين كتاب وكتاب وش فايدة الدنيا بعد 30 خلاص شيبت


والسراحة افكر ارجع للدفاع المدني ابرك لي نسبة وعندي وطول والحمد لله عندي لكن سبق وسجلت فيها وغيروا المهنة الى عسكري ورجعوها بعد ما فصلت الى متسبب وانا طالبكم ياللي تدرون اقدر ارجع ولا لا طالبكم تعلموني وتريحوني من همي انجنيت انا خلاص سبكت

يجي من يفيدك ان شاء الله

الله ييسر امرك ويجلو همك دعواتي لك بالتوفيق

موفق باذن الله

شايفين حتى التوقيع حاطه قبل لا ادخل الدورة ياربي دخيلك والله انها حاااااااااازتن في نفسي

اذا بس دوره صعبه ترجع , أما أذا دوامت سهلة قدم أعاده ويرجعونك بأذن الله

موفق أخي .

كمل دراستك دامك قد بديت صعب إنك ترجع هذا زمن الشهادات والله يوفقك

طيب ارجع اعادة قيد ولا كيف انحرم من العسكرية طلبتكم اعطوني العلم الوكاد

السلام عليكم ورحمة الله وبركاته

نصيحتي لك ياغالي لاتجي العسكريه إلا إذا خلاص تقفلت كل الأبواب بوجهك الآن كم الهندسه وجد واجتهد والعلم والله ماعمره خذل أحد كمل دراستك ياغالي والله بيرزقك بس شد حيلك وكمل دراستك


أنا لي شهر وكيل رقيب فني بالجيش وأول مربوط باستلمه 8615 ريال ومع ذلك بأسجل انتساب بجامعة الملك عبدالعزيز والله ييسرها من عنده والعلم ماعمره ضر أحد أبد أبد وأنت بتتخرج مهندس وبتلقى ابواب الرزق بوجهك إن شاء الله كثيره

[align=center][/align]كمل دراستك بس والله يوفقك ياااربي