كان السهر غافي بهمس القناديل..ليلة غزاني صوتك اللي نسيته
..وكان الهوى..ورموشك اللي مضاليل..وشمٍ على حلو الليالي محيته
وكانت عيوني ـ هاجسي..والمواويل..باقي عتــابٍ في ضلوعي طويته
حزين انا مثل الليالي المقابيل..لا طايلٍ حلمي ولاني جفيته..
ياصاحبي..لا تنشد الصبح عن ليل..ليل الغرام بطلعتك ماسريته
..انا نسيت الشوق ما عاد بي حيل..غير اني امسح كل دمعٍ بكيته
صار الكلام وضحكتك والتعاليل..ذكرى قصيد وقلت عقبك سـليته
لا تفتح عيوني تبوق المواصيل..روحي غدت يافلان حيـه و ميتـه
وش جابك الليله مع لمعة سهيل..كانه حنين انا حنيني وطيته..
هاك إسال دموعٍ عصتها المناديل..عن باقي عتابٍ حكى وما حكيته
ويا اخر جروح العمر والغرابيل..عمر وتعدى وش تبي فيه جيته..؟!
صوتك غزا..وارتاب همس القناديل..ما هو جفا بس إني صوووتك نسيته.!

خطاك عندي
ما يقلل مقامك ، والبعد قسمہ
واللقى معك قسمہ !

شفني على كثر القهر من كلامك ؟
بروح وانا ما جرحتك بـ كلمہ..~

كل ما قلت: الصبر مرسى الأماني
ضمني بحر التعب من كل صوب

وكل ما قلت: السما زرقا عشاني
طاحت الزرقة على راسي ذنوب

.
.
.
يوم أقبلت صوت لها جرحي القديم . .
يوم أقبلت طرنا لها أنا وشوقي والنسيم . .
وعيونها, عين ألمحتني وشهقت . .
وعين أحضنت عيني وبكت . .
يا فرحتي, الحظ الليله كريم . .
محبوبتي, معزومة من ضمن المعازيم . .
.
.

ياصاحبي مهما حصل من خلافات
من بيننا قدرك رفيعآ وعالي

لو صابنا في بعض الايام ضيقات
نزعل وترضينا طوال الليالي

مدري وش أقول لكن ( جعلها خيره ) !
لو إن بعض السوالف .. مالها داعي

إن جت لـ/ طاري المعاتب فضّها سيره
من كف غيرك / ترى ما برّيت أوجاعي..~

تدري وش اللي في غيابك ، حصل لي ؟
ذكرى تعاتبني ،، وذكرى تناديك

حتى معاليقي ،، من الشوق تغلي
معلوق يعذبني ،، ومعلوق يطريك

ماني فتيحي ، لا ، ولا بامجـــــلي
وأموال ما أملك ، علشان أغريك

لكني أملك قلب ، مخلـص لخــلي
قلب(ن) يبيع الكون ، ياصاح ويشريك

حروف البوح واسراري .. رهاين في يد الكتمان ..!
وانا ماعاد لي حيلة .. افضفضها بـ اشعاري ..!

تضيق بـ صدري اسراري واكون بـ حاجة لـ إنسان ..!
واذا حصلت لي انسان اردُ واكتم .. اسراري ..!

مجروح ،، وأسعى من غلاه لوصاله
وأجيه ، وأرجع ،، لكن الجرح ماطاب

أللي أحبه وأعشقه ،، وش جراله ؟؟
محتار ، متكدر ، وضايق ومرتاب

يمكن نوايا البعد ،، صارت في باله
يمكن يسافر للجفا ،، هجر وغياب

أللي يبيع الحب ،، مالي وماله ؟؟
للوصل باب ،، وللجفا عشرة أبواب

يـاصـاحـبـي .. مـاكــل مـن قــال .. وفـــــا ..!!
وما كـل من تـنـخـــاه .. لاضـقـت يـنـفـعـــــك ..

بـعض البشر يـرتاح قـلـبـك اذا أقــفـــــــا ..!!
وافـراق بـعـض النـاس بالحـيـــل يـوجـعــــك ..~