يا بو علي العين عيت عن لذيذ المنام
عيت تذوق المنام العين عزي لها

ياصاحبي مافادنا كثر الاحلام
والي بخاطرنا عجزنا نطوله
ماتت امانينا على كف الايام
حكم القدر فارض علينا ميوله

وكل ما قلت له يا ابن الحلال
المحبة عطا وانت بخيل

التفت لي وهو عجل وقال
لذة الحب في الشي القليل

ررررررررائعة

ليّـن العـود مـال وميّـل ظلالـه
وايق بصدر شاعـره وقفـل بيتـه

فـوق قلبـي تركـ يمنـاه وشمالـه
واسبـل الدمـع وابكانـي وبكيتـه

كنه يقول : شي ٍرحـت مـا قالـه
وكني اقول: لا توّصيـه وصيتـه!!

وان تنهت من الفرقـا علـى فالـه
كنها: رماااح في صـدري تناهيتـه

قلت له : والظروف اقوى من آماله
اعتبـر حبّنـا موقـف وعديتـه!!

عيش دنياكـ وانسى الحـب وهبالـه
وانا بنسـاك !! وازعلتـه وخليتـه

عندي اني : اليا ضايقتـه اشوالـه
وعنـده انـي : تنكـرت وتناسينـه

ويعلم الله .. مانـي سالـي ودالـه
مااخبـر يـوم مـرّ .. ولاتمنيـتـه

مايس القد صالبني على اطلالـه!!
مـن تركتـه مكانـي مـا تعديتـه

ما اقدر انساه وانسى (وفرة خصاله)
اقسـم بربـي اغليـتـه وحبيـتـه

من تقهـواه عشـق وهـز فنجالـه
جعله يموت قبـل يشـوف ذريتـه

والله انـي حزيـن وحالتـي حالـه
كل مـا يُمكـن اسويـه سويتـه !!

ليتني اقدر اعرف وشهي احوالـه ؟؟
ولا عن حالتي عقبه درى ليتـه !!

وليتني كل مـا مريـت فـي بالـه
ادري انـي علـى بالـه ومرتيـه

يكفى احساسي بوصله عن وصالـه
بشعر بجيّتيه لـو كـان مـا جيتـه

وليتنـي قبـل مـا اخليـه بلحالـه
بست راسـه وودعتـه وخليتـه !!