ارحب ولا يرحب من الناس غير انت
ولا يرحب الا واحد في حلاياك

ايه انت ياللي من خفوقي تمكنت
القلب ينبضلك من اولك لاقصاك

لولاك غالي كان ما جيت واعلنت
اني احس بداخل القلب ممشاك

رح وتعال اقولها وين ماكنت
تبقى عزيز وغالي وجعلي افداك

احساس يفرح وفيه احساس يوجعني
احترت اصدق احاسيسي واكذبها
مره شعورالغلا للشوق يدفعني
واحيان حس الجفا للنفس يمنعها
مع صوت لب الهوى اصوات تمنعني
كثرالاحاسيس وسط الروح متعبها
بالله من هوخبيراحساس يقنعني
أي الأحاسيس قلب الخوف يتبعها

في كل شارع للمدينة دفا وبرد
وإنسان متولع وإنسان مفجوع
لو باتمنى قلت ابي قلب ما حب
يا حظ من قلبه من الحب منزوع

طربان طير الصبح غنى بصدري
على غصون القلب رفرف جناحه
نغمات صوته تحمل الشوق بدري
استوطنت بالروح اكبر مساحه
كنه عن اشواق المحبين يدري
يحمل مراسيل الغلا في صباحه

الشوق في صدري يلجلج هديره
وده يبوح وحارس القلب يكماه
لاجا يسولف بالغلا يستشيره
عن طيش من لا يعرف الحب ينهاه
لان الغرام لقلب عاشق سفيره
يحمل مراسيل المحبة بيمناه
اما عطا المكتوب للحب سيره
والا قصر عن سيرة الحب بخطاه

لابد شمس تشرق الصبح زايله
ولا فيه ظل الا مقتفيه زوال
ولا كل حاجة بالتمني ننولها
قلب التمني ماينال نوال
ولا كل حاجة لو نبي مستطاعه
ولا كل مانبغاه صعب منال
هذي رساله والمعاني بجوفها
ولا كل شي بالخفوق يقال

ما شبعت من ... التغلي والغياب
يكفي اللي طاح من دمعي عليك

ضاع عمري بالغياب .. وبالعتاب
حس فيني ....يرحم الله والديك

عز الله انك تشبه الدمع لا طاح
واللي يطيح برغبتة صعب يرقا

أحيان نبكي لجل نسلى ونرتاح
وأحيان لا والله من احساس فرقا

يذوب الهرج في شفة رقيق العاطفة والشوق
ولا يقدر يعبر عن غلاه ولهفة اشواقه
وهو في خافقه يحمل عبارات الغلا والذوق
ولكنه يخاف اهل الغرام تسفه اذواقه
دفن سرالهوى تحت الضلوع ومادرى مخلوق
يداري سمعة الحب العفيف وسمعة اخلاقه

على وزن القصيد الي كتبته والشعراحساس
نظمتك يالغرام الي سكن في داخل ابياتي
تمخطرفي مساحات القصيد ورحلة الهوجاس
مدام انك مرافقني بروحاتي وجياتي