يسعد صباح الورد .. ياحامل الورد
يسعد صباح اللي .. مع الصبح صاحي

عادي يدينك .. لو تراجف من البرد
ماتشوف قلبي .. يرتجف من جراحي !

دايم يجي ، قبل المفارق ، علامات
أما ثقل ، ولا جــــفا ،، أو تمـــادي

هذي ثلاث أسباب ، لاسوأ نهايات
واول سبب كان السبب في بعادي

لبيـه يا اللي لاغشى القلب طاريك
يقذى عيوني عن حــلا النوم قاذي
اهـواك واحبـك واقـدرك واغليــك
واشوف في روضـة غرامك ملاذي

الطيب قصرن ماتجي به عذاريب،،
والتربية هي سور قصرك وساسہ،،
من لا تربى في شبابه على الطيب،،
ماههوب متربي ليا شاب رأسسہ..

ماغيرك احدن قوى قلبـي وولعني
وغـلاك عندي بوسـط القلب ياكبره

لو بتكلـم غـزير الشوق قاطعني
مكسور خاطر والمكسور وش جبره

تخـونني الظروف والغيبــه تصارعني
أكتب وحتى القلـم خان ونشف حبره

رجعت لك والغـلا والحـب رجعني
ياحـــــــي هالشـوف والضحكـه وهالنـبره

يابو العيون اللي هدبها مراييش
يابو الدلع ياللي شفايفك ذبله

ياما على شانك نويت المطاريش
وياما تبعتك شرق والناس قبله

واليوم كني شفت فالوضع تشويش
شي ن مجمعت العلوم تحسب له

وش عاد لو تزعل على الدراويش
أنا بدوي ن راح يطرد هوا ابله

عفط الرقاب اللي وبرها عكاريش
لا ربعت قلبي يزين الطرب له

تنزل بها في منزل ن ما بعد نيش
روض ن خضر عشبه خزاما وربله

في ليله ياتي مطرها رشاريش
هذا ربيع القلب عقبه وقبله

لاتحسبني عقب فرقاك ماعيش
من لاحسب لي عادتي ماحسب له

حتيش لو بينتي الصد حتيش
لانيب لاعنتر ولانتي بعبله

يا صورة الغالي المنزاح لا زلتي
تْجين ويطيح من عين الزعل ذنبه

من كثر ما أشوف زوله في مخيّلتي
أبطيت منّه وعندي أني عهيدٍ به !

على درب المكابر خطوتي مُوتي
وعلى لحن الموادع ناحت الورقا

امرّر عبرتي وأستلزم : سْكوتي
و انا في داخلي مذبوح بالفرقا

الوقـت غـــــدار والايام تقهرني
حتى العـــيون الغـوالي رخصت ماها

وقتي قبل شوفتك قـــاسي ومنكرني
أبني صــروح الأمــل ويهــد مبناها

ماابيك ياغايتي بالحـــب تشكرني
أبيك ترعى مشاعــــر صـــرت وياها

وابيك في حضنـك الدافــي تدثرني
وتسمــع تناهيد نفسٍٍ ضاق مجـــراها

واذا غرقـــت بغـــرامك لاتدورني
أبحث عن الروح في روحـــك وتلقاها

وابيك تجمـــع شـتاتي ثم تنثرني
على رحــــابة غلاك وطـــيب سكناها

ضمد جــروحي وبالأشــواق عمــرني
على يدينــك شفـا روحـــي وسلواها

لاتترك الجــرح لين النزف يغمرني
ترى الجـروح ان تمادت يصعب ادواها

وأبيك لو طالــت الأيام تذكــرني
حــلات الأيام يوم تعـــيش ذكــراها

مشاعــري لك يانور العين تجبرني
أكتب بيوت القصـــايد لجل تقـراها

انتحى ليل الفراق وسقت فيه ركابي
ماذخرت اﻻ الغلا والشوق في طرافه
ضاقت دروب الوصل وانصكت اﻻبوابي
السهر قدام جفني . . والدموع خلافه