العين ديمه والسهر عساس
والبوح يوجع عن مواجعنا

والحب درب الشك والوسواس
ندوره لأجـــل يضيعـــنا

ياعين كفي دمعك ولاباس
مافي صدر انسان ياسعنا

تغافلي لليل السهر بنعاس
الاحلام ترضينا وتقنعنا

ماحسوا بجرح الفراق الناس
ماحس فينا الا مدامعنا

حتى القصيد المرهف الحساس
بكى علينا مابكى معنا

الى متى وأثنينا جلاس
والحزن ثالثنا ورابعنا

من لليله البارح وقلبي حاس
أن الزمن بكره بيفجعنا

دايم من نحبه بدون قياس
يغيب عنا ما يودعنا

حنا البشر عشاقه الهوجاس
وخداعنا من قبل يخدعنا

اللي يفرقنا مابين أقواس
واللي مابين أقواس يجمعنا

صدرونا تستأنس النسناس
وأسرارنا للي بيسمعنا

لو نقدر نشوف الردى نوماس
مانقدر نغير طبايعنا

أحيان أحس انا بدون أحساس
نضحك على أكثر شي يوجعنا

وأحيان من قو الحزن والياس
نبكي على أشياء مالها معنى

آلضيقـة يآربي وصلـت للحنآجر ،
و آلوضع سيئ و آلخلق ضآيقوني

وسبحآنك أدرآ من متى وقلبي صآبر ،
ويآخوفي إني أنفجر من عيونـي

فيني تعب .. مآهو تعب و أنت خآبر ،
أن آلسبب أحبآبي .. آللي صدمـوني

خلونـي في كل آلموآضيـع خآسر ،
خسسرآن خلقـه ، وهم بعد خسرونـي

كنت أتوقعهـم عن آلهـم سآتر ،
وكنت أتحدى أنهم يتركـوني

وكنت أتوقـع إني إنسآن شآطر ،
بس لـلآسف هم خيبوآ كل ضنـوني

آللي أقولـه مآهو قصـة مشآعر ،
لآ وآلله إني شفتهـم في عيوني

من قبل أنآ مآصير بيد آلخنآجر ،
هم أول آلعآلم يآربي طعنونـي

يآربي يآرحمن لو لي خآطـر ،
مآبي أوطي لغيرك و أنتآ متونـي

خلني على عـز ومعـزه مكآبر ،
و إذآ إنكسرت وطـحت لآ يلمحونـي

خلنـي أروح بعـزتي .. للمقآبر ،
ولآ صـرت ميـت ! خلهم يدفنونـي

بـ أدعي لك آلله .. وعيني تذرف آلدمعة ،
آلله يسعدكـ .. ويخليـك لـ أحبآبـك

تـرى آلدعآء زين .. وخص بـ يوم هآلجمـعة ،
أدع لي آلله .. يخفف وحشششة غيـآبــكـ

تبادلنا الغلا اللي كنت اظن ما وراه فراق
وتفارقنا كذا ما كن احدنا يعرف الثاني

اذا تكلمتي أعدك بخيله
حتى كلامك مايجي بالسهوله

ولا حروفك مالها فيك حيله
تمرّ شفّتك وتطيح "مهبوله"

ضحكتك سيل و في عروقي مسيله
يالله لا تحرم فياضي وصوله

أحيان , اشوفك كايده مستحيله
واحيان , أشوفك مقبله لي عجوله

الله يسماح طلتك يالأصيله
لا قلت شيء ولا تمنيت أقوله

نشدت عنه كاتبين الجوازات
قسم الخروج اللي يجيه المغادر

قالوا تعدى صار له ست ساعات
حتى جوازه توه اليوم صادر

هذا السفر كله نتيجة خلافات
بيني و بين اغلى حبيب مسافر

يا ليت عيني شافته ما بعد فات
الله يجازي سايقين المواتر

راحوا بخلّي في دقايق قليلات
معرضينه للتعب و المخاطر

على الجموس اللي تجيب المسافات
اللي تسابق طير بالجو طاير

يا الله يا عالم جميع الخفيات
انك تعين اللي قضى الليل ساهر

شفت البشــر لو كلهـم يرخصـونــك
الله عـلـيـك بداخـل القلـب .. مغــلاك

أشتقت لك وأشتقت شوفـة عيـونــك
وأشتقت لمعاتبــك وأشتقت لرضـاك

لوقلت لك وش صار !!جنت جنونك
يمكـن تقــول إنــي مبالــغ بفـرقــاك

ودك تعـرف وشلـون عايش بدونـك
لوقلت لك يمكن تجينـي من أقصـاك

تبي تعرف وشلون ( سكر عيونك )
( سكرتها ) ...!هذي حياتـي بلـيـاك

شفت الظـلام اللي تشوفــه عيونــك
يــــزول كـلــه لاصــــرت ويــــاك