الـورد له إحساس ياعاشق الـورد
لاتطعن الإحساس في قلب وردة

الـورد معنى العشق والحب والـود
بين البشــر أجمــل رســالة مـودة

تحايلنا على الحلم و خذينا منه "كسرة باب" :
بقا بس نتحايل ع الطريق ... و نطوي السكه .

ياوجودي مرتين وبري حالي مرّه
لا ابتدى ليلٍ سهرته بالجفا وحداني
،
الوصال يفر قلبي والغياب يفرّه
وابتلش قلبي مابين الأوّلي والثاني !

حاجتين ومالها عندي شبيه
كنت أملكها وضيعها الهوى

الشعور العذب والقلب النزيه
الشعور ومات والقلب وغوى

انا بونتي جمره تشعل قناديل
وفي خطوتي درب اعاني عبوره

اشكي زمان خصني بالتهاويل
وابكي حبيب دون وصله خطوره

‏ما كل علـه فادهـا طـب دكتـور
كم من عليلٍ وصـل خله علاجه

وما كل من شاور حكيمٍ أخذا الشـور
بعض البشر مـا يقنـع الا بمـزاجـه

‏كــان تـبـغـي الكلام اللي عليه الكلام
‏صك قلبك عن قلوب العرب وأستريح .
‏.
‏مــر بعيون خــلــق الله مـرور الكرام
‏مايضرك مـلام ولا يسرك مديح.

يبقى الغلا لو فرّقتنا المشارية
والشّرهة اللّي بالخواطر تروحي

كلّ يعاتب بعض الأحيان غالية
والحبّ يبقى فوق كلّ الجروحي

يا مناديب المحبّه .. ونسناس الهبوب
فيك ما يشفع لـ دمعٍ رفع لك رايته

تبت من حبه وقلبي معيي لا يتوب
مفلسٍ .. لا تاب منه ولا ادرك غايته !

ما دام انا مبلي بحبك ومجبـور
اللي تولـع فيـك قـدّر ظروفـه

يرجي وصالك قد له ايام وشهور
جد له بوصلك كان عندك مروفه

ارحم حزينٍ من سبايبك مقهـور
يسهر من اسبابك يفرّك كفوفـه

حبك على امـرٍ مقـدّر ومامـور
وعيني بصافي الدمع لجلك ذروفه