الحلم " يشبه ظلآم الليل والقمره
تعيش متأمله .. وتموت مآ جيته !

يعني ليآ طآب حظّك في العمر مرّه
مآ هو ضروري يجيك اللي تمنيته

طاحت مراسيل الوله عند بابك
ارجع وتلقى فالحروف التفاصيل


تلقى ثراي اللي يحن لسحابك
صابه جفاف ولا انتشى بالهماليل


تلقى الوفا تلقى الهوى اللي سما بك
تلقى الالم ينساب مثل المواويل

يا سارق قلبي وقلبي رضى بك
ليت العذاب يروح لا روّح الليل


خذني معك لو صفحة في كتابك
او ضمني وسط العيون المظاليل


تدري وش اللي هزني في غيابك؟
انك بعيد وما تجيبك مراسيل

واحلامنا اللي من قبل كانت كثار
ماعاد باقي بخاطري شيء منها *

العمر يسلب من الدنيا مزاياها !
ورغباتي تقل كل ما زادت سنيني

أشياء يا كثرها ... كنت أتمناها !
الحين ماعاد تسوى شي في عيني

صمت وهواجس وليل وبرد ومفارق
وصوت الحطب من سمعته ماهدا روعـي

يا برد قلي وانا في هاجسي غارق
النـار هي فـ الحطب والا ورى ضلوعـي

حفظت درس من الزمن بالصدر غيب
يرضي قلوب ٍ ،، ماتفكّر تصالح

اللي ! يدوّر خل ؟ ،، ماله عذاريب
كنه ! يدوّر بحر ؟ ،، ماهو بـ مالح