بسم الله الرحمن الرحيم
السلام عليكم ورحمة الله وبركاته :


يقول عبدالله بانعمه (الداعيه المشهور)
كنت أظن انه لايوجد أحد أسوء من حالي
لانه مشلول لايتحرك منه الأرأسه فاذا باحد المشايخ يقول له تعال معي لأريك من هو أسوء من حالك
ذهب معه وفعلاُ رأى رجلاُ مثل حاله لكنه زياده على ذالك لايسمع ولايتكلم
هذا الشخص المشلول حدث له موقف مبكي
حيث دخلو عليه اهله ووجدو بقعة دم على ثوبه ويبكي عندما تبعو أثر الدم اكتشفو ان اثنين من اصابعه مقطوعه
مأذا حدث؟! وكيف انقطعت اصابعه ؟!
دخل عليه فأر وجلس ياكل في اصابعه وهو في مكانه لايستطيع الحراك ولا النجده ولافعل شي فقط ينظر ألى اصابعه ويتألم !
دخل الفأر وتجرأ لانه ك جثه لاحراك لاشي فقط سكون !
وأنت مأذا فعلت باصابعك ..بصوتك ..بجميع النعم ؟؟؟

8
كما وصلتني بالبرودكاست ...

:
قال جل جلاله: (ثم لتسألن يومئذً عن النعيم )


نعم ربي علينا لاتعد ولاتحصى (نعمة الأسلام والأيمان والقران والصحه والأمن والأهل والمال ووو) نعم نعجز عن احصائها و نعجز عن شكر الله عليها على الوجه اللذي يليق بجلاله ..
وبعضنا للأسف شغالين نبحث عن الأجهزه الجديده والمسلسلات الجديده والموضه ووو ..الخ ولاهين بحياتنا ونبي نستزيد أكثر وأكثر وناسين الهدف اللي عايشين علشانه
نصلي ونصوم ونتصدق لكن مانستشعرها انها لله واننا نسويها خوف من الله وطمع برضاه سبحانه
ودي نتبع الوسطيه وماتصير الدنيا أكبر همنا ! ودي اننا نفكر بنعم ربي علينا وكيف نشكره بأعمالنا الصالحه ؟
نفكر باخرتنا ونعمل لها ودي اننا بكل صلاة نتخيل انفسنا واقفين قدام ربنا ونستشعر هالشي بدون ماافكر بملهيات الدنيا !

::
من قريت البرودكاست اللي بالبدايه وانا مستحيه من نفسي الكلام كبير والمعاني أكبر
الأغلب مرت عليهم..هالمواقف
(( شباب كانو معنا وبكامل قواهم والأن هم بالقبور !
اما بمرض مفاجئ او حادث او حتى سكته قلبيه
المهم انهم ودعو الدنيا ومافيها توقف عملهم عند عمر 19 او 21 ووالخ ))
سنواتهم توقفت قبلنا وهم الان يتوسدون الثرى و يتمنون اللي حنا فيه يتمنون ساعه وحده يرجعون فيها للدنيا علشان يعبدون فيها الله وترتفع منازلهم شوي !
هذا غير اللي مايصلون وعذابهم بالقبور ؟! ياترى وش يتمنون اذا رجعوللدنيا انهم يسوون ؟... ..
حنا طيب مو ضامنين حياتنا ؟! وبأي لحظه ممكن نودعها مثلهم
انت لو قالو لك ترى باقي لك شهر وتموت ؟! وش موقفك ؟
يمديك بهالشهر تجمع حسنات
يمديك تنقذ نفسك من العذاب ومن وحشة القبر!
وكفى بالموت وعظاً
::
ادري ان بعضكم بيطلع من الموضوع وكأنه بيعمر بهالدنيا
لان للأسف اغلب الناس الحين ماتبي تسمع طاري موت
ماتبي تسمع طاري عذاب تبي الدين فقط ترغيب
والترهيب تنفر منه ! انا مااقول نسلك الترهيب فقط !
لكن الوسطيه جميله بين هذا وذاك
::
مثلاُ عندنا وحده بالدوام دايماُ جالسه معنا تسولف وتضحك وشكلهآ آخر فله لكنها كثير تستقطع من وقتها حوال النصف ساعه تقرء بالقران كان على بالي انها تقرء قران فقط
لكن بعدين اكتشفت انها تراجع حفظهآماشاء الله
حافظه القران كامل !!
ماالتهت بنعم ربي ونست شكره وحقه بالعباده ..!
حسيت بغبطه شديده جداُ لها وتمنيت اني اوصل ربع ماوصلت هي من حفظ ..
أٍسأل نفسي وش الفرق بيني وبينها ؟! الساعأت نفسها والوقت نفسه وش الفرق طيب؟! عالأقل اذا ماحفظنا القران كامل الحين نخصص لنا وقت يومياُ ونقراه بتدبر
::
فكرت لنفسي بطريقه واتمنى ان ربي يقدرني واستمر عليها ..وهي
اني كل يوم اذا جيت انام استرجع وش سويت اليوم
شي احسه أضاف لرصيد حسناتي وشي نقص منهأ
صليت الصلوات كلها عالوقت/ تسننت/قريت كم وجه /تصدقت /قريت اذكاري /جلست مع اهلي/ساعدت صديقه/ ابتسمت بوجه اي شخص قابلني / اخلصت بعملي لوجه الله /حشيت بأحد !!
كل هالأشياءاسترجعها قبل النوم و استشعر اني راح القاها برصيد (حسناتي أو سيئاتي )
واحاسب نفسي على اي تقصير.
.بكذا اشعر ان لحياتي اهميه ولوجودي فيها معنى انا اعترف اني دائماُ مقصره لكن هالطريقه تساعد اني استزيد مستقبلاُ بأذن الله ..

:






من إيميــــــــــــــــــــلي ,,,