21-06-2011, 10:38 PM
|
 |
عضو متواصل
|
|
تاريخ التسجيل: May 2011
المشاركات: 67
معدل تقييم المستوى: 868
|
|
مشكوره أختي ماقصرتي الله يعطيك العافيه بس والله أناماأتشرط أنا أبي أي وظيفه تعبت نفيسيتي من قعدت البيت وبعدين خلني أكون معك صريحه أنا بصراحه إنصدمت من اللي سمعته من بعض صديقاتي عن المدارس الأهليه تخيلي إن ولا وحده من صديقاتي اللي توظفوا قدرت تتأقلم مع هذي المدارس الأهليه وكل اللي أعرفهم وتوظفوا فيها ماأستمروا فيها وبعضهم المدارس نفسها أستغنت عنهم مب لأنهم مايعرفون يشرحون أومب متعاونات لا طردوهم لأنهم أمينات ومامشوا على مزاجهم وبالنسبه للراتب أنا سألت عنه لأن اللي شفته وسمعت عن بعض المدارس الأهليه حتى لوكانت كبيره وراتبهم 3000ريال تروح للمدرسه نفسها بمعنى يبون كل شي منك تجيبينه حتى لوماله داعي لدرجة إن وحده من صديقاتي طلبوا منها أدوات تنظيف للفصل لهاالدرجه وصلنا ولا بعض البنات يتوظفون في مدارس أهليه بعيده يروح أغلب الراتب على السواق ويبقى 500تروح على المدرسه نفسها والطالبات من وسائل وشروح وجوائز وأنشطه وووو؟أنا والله ماني بطماعه وأبي راتب كبيرلكن على الأقل الوحده يكون معها شي يبقالها على الأقل تساعد فيه أهلها وتحس إنها مداومه على شي يستاهل ويحمسها إنها تتعب وتسوي كل اللي عليها ويرفع معنوياتها شوي ,وبعدين أنا سألت عن شكل المدرسه وجوها لأن في مدارس أهليه بالذات اللي بيوت مستأجره يقعد المكيف حك فصولهم خربان أكثرمن شهرين مايصلحونه ولا بعضهم تقولي وحده من البنات إن الحممات دورات المياه الله يكرمك مافيها مويه وكل ماسألت عنها الإداره يصرفونها أو يقولون روحي حمام المديره سسسسسلامات وش معنا المديره عندها مويه في دورة المياه والمعلمات ماعندهم؟؟؟؟بس هذا اللي عندي وأعذريني على الإطاله ومشكوره على الرد بس حبيت أسألك إنتي وين وظيفتك أقصد إنك قلتي إنك تستقبلين طلبات التوظيف وييييين؟أقدرألقى وظيفه عندك عارفه أحرجتك بس إستحمليني شوي ومشكوره مره ثانيه الله يعطيك العافيه ولايحرمك الأجر
|
وليومك هذا ماحصلت ولا وظيفه ولا وحده من المدارس الأهليه اللي تعبت وأنا أروح لهم بالرياض المدارس اللي بشمال الرياض والشرق والغرب كلهم محد قبلني وأصلا ياخذوون بياناتي بس وبعده مايدقون علي مع أن مؤهلاتي زينه تقديري جيدجداوعندي دورة حاسب بس وش نقول هذي أرزاق إنشالله يارب ترزقنا الوظايف الحكوميه كل اللي في المنتدى الله يرزقهم ويوظفهم ويوفقهم إنشالله وينالون أعلى المراتب والوظايف ومشكورين بنات كل اللي ردوا علي لهم نفس الدعوات الله يوفقكم كلكم آمين
وتعامل الإداره والمديره يكون حلويعني متعاونات مع المعلمات مايبهذلونها في الشرح كل شوي طالعين لها بشغله أوطلب
, سؤالي هو هل تتوقعون إذا قدمت على وظيفه إداريه بيقبلوني ولا لازم تدريس وهل راتب الإبتدائي أقل من المتوسط والثانوي .5-بالنسبه للمدارس الأهليه اللي بغرب الرياض سواء بالبديعه أوالسويدي مين قد توظفت فيها إداريه ياليت تقول إسم المدرسه والراتب كم؟ 
العرض العادي
