السلام عليكم يابنات الرياض الله يعطيكم العافيه ضروري عندي مجموعة أسئله وابغى أحد يجاوبني لأن موضوعي هذا طرحته لأكثرمن منتدى بس ماشفت رد الله يعافيكم 1-بالنسبه لقرارالملك الله يحفظه بان يكون رواتب المدارس الأهليه 5000 كحد أدنى هل هو خاص بالمعلمات فقط ولايشمل الإداريات والمراقبات 2-مين تعرف مدارس أهليه بالبديعه أوالسويدي مسجلين بالموارد البشريه وراح تطبق قرارالزيادة3-أبي مدرسه أهليه في غرب الرياض راقيه يعني تفتح النفس إن الوحده تدرس فيها لأن شكل المدرسه يلعب دورفي النفسيه هههه وتعامل الإداره والمديره يكون حلويعني متعاونات مع المعلمات مايبهذلونها في الشرح كل شوي طالعين لها بشغله أوطلب4-أنا عندي بكالوريس دراسات إسلاميه بتقديرجيد جداوعندي دورة الرخصه الدوليه للحاسب ومتخرجه لي 3سنين ولين الحين ماتوظفت لافي أهلي ولا غيره وكل ماقدمت على مدرسه قالوا خلي أوراقك وحنا بندك عليك إذا بغيناك وما شوف شي , سؤالي هو هل تتوقعون إذا قدمت على وظيفه إداريه بيقبلوني ولا لازم تدريس وهل راتب الإبتدائي أقل من المتوسط والثانوي .5-بالنسبه للمدارس الأهليه اللي بغرب الرياض سواء بالبديعه أوالسويدي مين قد توظفت فيها إداريه ياليت تقول إسم المدرسه والراتب كم؟ وأعذروني على الإطاله بس ياليت أحد يجاوبني ضروري الله يوفق ويوظف كل اللي يرد علي

معقوله مافي ولارد ولاحد عبرني على الأقل سؤال واحد جاوبوني عليه

على الأقل أرفعوا الموضوع

ان شاء الله تجدين من يفيدك هنا
أيضا تابعي هنا واطرحي استفساراتك

مناقشة وظائف المدارس الاهلية في الرياض للبنات فقط ‏

الله يعطيك العافيه إنك على الأقل رديتي علي ورفعتي معنوياتي بس عتبي على اللي موجود وعنده معلومه ومايرد الله يعافيه ولايحرمه الأجر اللي عنده معلومه ويقولها

اختي متخرجة من كلية اعدادا المعلمات بتقدير ممتاز مع مرتبة شرف وكرمتها الامير عادلة
للحين ماحصلت وظيفة وطفشت قالت ماعاد بقدم

قهر وربي

وأنا متخرجه من قسم الدراسات الاسلاميه تقريباً سنتين ماتوظفت وأقول الفرج يارب مو طايلين ولا شئ من هالقرارات التعبانه

والله إني أحسب إني بالحالي أحسب أغلب البنات اللي بالدراسات توظفوا أثرالحال من بعضها يارب يرزقنا الوظيفه الرسميه الحكوميه ويغنينا عن المذلة بس على كذا يابنات شكلنا بنعجز وحنا ماتوظفنا والله حرام سار كل شي بالواسطه حتى المدارس الأهليه من يوم جاءالقرارالجديد زاد جشع تجارالمدارس الأهليه وتشددوا زيادة وطردوا بعض المعلمات من المدارس **وجامعة الأميره نوره مقدمه عليهم أكثرمن مره ولاأشوف شي على الأقل يختبروني طيب علشان يشوفون هل أستحق الوظيفه أولا مع العلم إن في بنات قدموا على جامعة الأميره نووووره وماأختبروا مع البنات على الوظيفه ولا سوولهم مقابله والباقيات مساكين جايين من بيتهم كل شوي علشان وظايفهم وبالأخيربرا مانبيكم وهذولي جتهم بالساهل وبدون تعب تدرووون ليش لأن عندهم طبعا واسسسسسسسسسطه ماأقول إلا حسبي الله ونعم الوكيل على كل ظالم عطلنا عن الوظايف وخلانا من العاطلات

مدارس الرشد
مدارس المجد
رواد التربيه

خذي أرقامهم من الاستعلامات
وبالنسبه للراتب اذا كانت المدرسه اصلا كبيره وراقيه فما عندهم مشكله بقرار الملك
لكن لو كانت المدرسه صغيره ومبناهم فله تراهم مايقدرون يطبقون قرار الملك
لو يقدرون كان غيروا مبناهم