الســلام عليكم ورحمــة الله وبركـــاته

مساكم الله بالخير والسرور ..

حبيت انقل لكم تجربتي اليوم في الخدمه المدنيه فرع الرياض

------------------

رحت لهم الساعه 9:30 صباحاً دخلت المبنى ما كان فيه احد كثير بصراحه وعبيت ورقه حطيت فيها تاريخ الخبره ودورة الحاسب الالي الي عندي وبعدها رحت للموظف وقلت له : انا ما اذكر تاريخ الخبره اللي سجلته في جداره هل هو زي اللي بالورقه الان او لا . قال والله لازميكون نفسه عشان المطابقه . انا بصراحه بديت اشك في نفسي هل سجلته ولا لا .

فقلت له ما عليك ان شاء الله انه نفسه سجل بس واخذ الاوراق وطابقها وقال خلاص انتظر رساله او مكالمه وشيك على موقع وزارة الخدمه المدنيه ايضاً. خاصه من نصف شهر 8 الى قبل رمضان بشوي .

-------------------------------------------------------

الاكشن اللي صاار وشو !!!

اني يوم طلعت كلمت واحد من اخوياي قلت ادخل على حسابي في جداره وتاكد من تاريخ الخبره اللي انا سجلتها

يوم دخل قالي ترا انت ما سجلت شي !!! قلت وشو وشو تمزح انت !!!!!!!

قال والله مافيه شي مسجل عشان الخبره . قلت : ان لله وانا اليه راجعون بدينا في الحركات البايخه الان.

قلت طيبه اضف التاريخ الان . والحمد لله اضافه

وقلت تاكد من الدورات حقتي . قال للاسف انت ما اضفت شي !!

قلت يااخي سلامات شكلي محشش وانا قاعد اسجل بجداره ما اضفت ولا شي مووب حاله ذي

قلت طيب اضفها قال ما قبلت لان تاريخ نهايتها قبل تاريخ تخرجك بأيام معدوده قلت خلاص لاتضيفها .

بعدها قلت ابرجع لوزارة الخدمه المدنيه عشان اتاكد من تعديلي

رحت للموضف وعلمته بالسالفه اني عدلت قبل شوي وفي الموقع تم حفظ التعديل .

قالي والله التعديل لا يمكن الان بصراحه مقفل . قلت يارجال هذي ورقة الخبره قدامك مختمه ليه ما تقبلونها !
قال لازم عن طريق جدااره قلت له طيب في الموقع حفظها وقبل التعديل وش المشكله .

قال : لا يمكن بس قدامك قبلها ولا في الاصل ما قبلها << قلت له نلعب مع بزران حنا ههههههههههه

قلت طيب هل سوف استبعد من الترشيح<<< قفلللللللللت اخلاقي بقوه في هذي اللحظه لان سنة خبره ممكن ما يحسبونها بسبب جداره جعل جدارهم يطيح عليهم

قالي لا يتم ترشيحك بس بدون خبرتك . قلت يعطيك العافيه

وبدون شعور ركبت السياره وقمت ادعي بصوت عالي
ياااااااارب ياكريم ياقادر على كل شي انت الذي تعلم ان لدي خبره لمدة سنه فيسر امي واجعلهم يحسبونها لي ياارب
.........................

هذي خلاصة تجربتي لهذا اليوم الحافل .. وأسأل الله العظيم ان كان في هذي الوظيفه خيراً لي في ديني ودنياي ان يكتبها لي .. وان كان فيها شراً ليفي ديني ودنياي ان يبعدها من ويصرفني عنها ويبدلني خيراً منها .. امييييييييييين


آآسف على الاطاله

يااخوان توكلوا على الله وابتعدوا عن الوساوس السنة ذي ان شاء الله مافيه استبعاد

ياجماعه اللي يروح لفرع القصيم وهو مختار فرع غير يرد لنا خبر

تجربتي اليوم في الخدمة المدنية
رحت طابقت اليوم ،، وكانت الامور في غاية السهولة ،، وبعد ماانتهيت رحت للموظف ونشبت له نشبة وسألته عن نتائج الترشيح ، وكان الجواب التالي :
الاحتياج للغة العربية 703 ،، والأفضلية للتربويين ،،، قالي الموظف ان احتمال تعيينك ضعيف جدا لأنك مو تربوي وعدد الوظائف قليل والأولوية للتربويين ، ولكن في أمل انك تتعين بعد تنفيذ الأوامر الملكية والتي الى الآن لم يأتينا بشأنها اي شئ .
اسأل الله تعالى أن يكتب لنا التعيين ..