صباح الخير
ياشباب ياليت تفيدونا متى موعد المقابلات الشخصيه ..ومكانها بالنسبه للي بمطقة الرياض .

هل من الممكن تجي بعد موعدك...وإذا عندك خطأ في بياناتك مثلا معدلك...هل تستبعد...؟! خاصة من كتب انه خريج..ووثيفته بياخذها الاسبوع الجاي <<ما اتكلم عن نفسي

أتمنى من الشباب الي رايحين وجاين ع الوزارة تكرما منهم أن يسألو عن ذلك...ولهم دعوات في هزيع هذا الليل المظلم..بان يصبحو من مربى الاجيال..وصانعي الرجال...؟! [align=right][/align]

السلام عليكم ورحمة الله وبركاته

أنا أمس الأحد كانت موعد مطابقتي ، ورحت لهم من الساعه ٦

وانتظرت لين فتحت البوابة الساعه ٧ ونص ********>طبعاً كنت متوقع عدد هائل عشان كذا رحت بدري

والله ان ما فيه عند البوابة إلا أنا و أقل من ٥٠ واحد ( طلع نخل في راسي من الاستغراب )

لأن الأحد كان متوقع من الأسماء اللي نزلت ان قرابة ٢٠٠٠ شخص يجي ويطابق

المهم

دخلنا وعطونا أوراق عشان نكتب اسامينا ورقم الجوال في اول الورقة، ونكتب المؤهل وباقي الخبرات والمؤهلات الإضافيه

وتوقع ، وتروح للكاونتر تسلمه الورقه ( وصوره من بطاقة الاحول + صورة من الوثيقة ) فقط > انا عطيته شهادة حسن سيرة وسلوك وردها لي قال مالها لزوم

وعطيته الأصل من الوثيقه وبطاقة الاحول ، طابقها وتأكدت ووقع على اوراقي ورجع اوراقي الاصل واثباتي

وقال توووووووووووووووووكل

حتى ما تأكد من بيناتي اللي مدخلها في النت

-------------------------------------------

الصراحة ما اخذت المطابقة مني اقل من ٨ دقايق


وبالتوفييييييييييق للجميع يا رب

بالنسبة لمكان فرع الوزارة بالرياض ، للمطابقة

هذا صورة للوصف



خلف المبنى

يعني الدخول مع الجهة الغربية ، مقابل المسجد

الوصف بالنسبة لمكان المطابقة بالرياض

وأنت ماسك طريق الملك فهد وانت متوجه للجنوب بعد الدفاع المدني اذا جاك على يسارك اللي قبل الداخلية

خذ المخرج وبتجيك اشارة ( اللي هي اشارة تقاطع الملك فهد مع المعذر )

خذ الاشاره وكمل طريقك قدام

لين يجيك الفندق الجديد اللي هو موفنبيك

بعده على طول بيجيك شارع عاليمين لف معه وامش ١٠٠ متر بتلقى فرع الوزاره للمطابقه على يمينك


أتمنى الوصف دقيق

((( مكان الدخول ، خلف المبنى مع الجهة الغربيه مقابل المسجد )))

السلام عليكم

وين مكان فرع الوزارة بالمدينة المنورة ؟؟


ضروري الان