تجمع المرشحين 17.680 للوظايف التعليميه : مبروك توجيه المعلمين

البدر28 · #**6331** (**permalink**) 09-08-2011, 04:01 AM

عوافي

انا قابلت وخلصت بالرياض اليوم

بس الرغبات وش طريقته
شيبت براسي

الان اذا حددت الرغبات كيف اطلع وهى مرتبة

راقي العليا · #**6332** (**permalink**) 09-08-2011, 04:02 AM

اقتباس:

المشاركة الأصلية كتبت بواسطة المتميزة دائما

اخوي الله يعطيك العافيه انا اليوم مسوي الكشف الطبي بمستشفى الملك فهد بالاحساء وقالوا لي النتيجه بتطلع 18 /9

وش السواه اذا كان اخر يوم لتسليم الكشف الطبي لوزارة الخدمه المدنيه
17 /9

هذا اقتباس من الخبر على موقع الوزارة :

" و أوضحت الوزارة ان على المتقدمين ممن سبق لهم اجتياز المقابلة الشخصية لدى وزارة التربية والتعليم الواردة أسماؤهم في القائمة رقم (1) مراجعة فروعها ومكاتبها لاستكمال مسوغات التعيين قبل تاريخ 17/9/1432هـ ، أما من لم يسبق لهم إجراء المقابلة الشخصية والتي تعتبر من شروط التعيين للوظائف التعليمية والموضحة أسماؤهم في القائمة رقم (2) فعليهم الدخول لموقع وزارة التربية والتعليم على الإنترنت لتحديد مكان وزمان إجراء تلك المقابلة ليتم استكمال إجراءات من يجتاز المقابلة منهم. "

التاريخ المحدد خاص بمن اجتاز المقابلة العام !!!!!!

واللي بالأزرق اللي ما عملوها لسا ( أو سووها هالسنة ) ولا حددوا لهم تاريخ لتسليم الكشف !!!!

شف أخوياك اللي معك وإجتمعوا وإرجعوا للمستشفى وإسألوهم

أو روحوا لفرع الديوان وإسألوهم !!

الاجودي · #**6333** (**permalink**) 09-08-2011, 04:03 AM

اقتباس:

المشاركة الأصلية كتبت بواسطة ليفر

الله يجزاك الجنة قل امين وكل من يقرى ..

اخوي انا اليوم سويت مقابلة وبكرة ان شاء الله بروح لستشفى الملك سعود اسوي الكشف
هل فيه اوراق مطلوبة من المستشفى غير ورقة الكشف ؟
وكم يبغى له وقت وتطلع نتيجة الكشف ؟

والسؤال الاخير الله يعافيك تقول لنا كل الاوراق المطلوبة من الخدمة المدنية والله يوفقك ويرزقك التعيين بالرغبة الاولى

امين .. وياك والمسلمين اجمعين

شف وانا اخوك بكره الساعه 10 الا ربع خلك عند المستشفى عن الباب الصغير اللي جنب المختبر واول ما يفتح انطلق للشباك اللي على يمين بتحصل شباكين وين ما تحصل موظف موجود خلك ماسك سرا

بعدها بياخذ منك الاوراق وبيطلع ورقة الكشف بالحالها وبيكتب من الخلف موعد لك عشان تجي تكشف وبنسبه كبيره ماراح يكون قبل يومين لان عندهم زحمه مو طبيعه

وكذلك نتيجة الكشف من ثلاث ايام وفيها

انا جيتهم اول اسبوع بعد الاعلان يوم الاحد وكان زحمه وعطوني موعد يوم الاثنين رغم اني جاي بدري وكان رقمي 81

وجيت يوم الاثنين اول يوم صيام ومن الساعه عشر عندهم وماخلصت الا الساعه وحده وفيها

والنتيجه استلمتها يوم السبت

انت لا تشيل همها وقسم وقتك بحيث انك بكره تروح تاخذ موعد وبعدها تجي على نفس الموعد والروحه اللي بعدها تروح تاخذ النتيجه وتطلع على طول للخدمه المدنيه

بالنسبه للاوراق المستشفى مايبي منك الا ورقة الكشف ويرجعونها لك عشان تجيبها يوم الموعد

اما الخدمه المدنيه متكوب في خلف اوراق التوظيف وش طلباتهم ومن ظمنها صورتين شخصيه وصورتين بطاقة احوال وصورتين من الشهاده وصورتين من مشهد المقابله الشخصيه مع الاصول

واي سوال انا حاضر حتى لو تاخرت بتحصل اجابتي باذن الله

نبع الأمل · #**6334** (**permalink**) 09-08-2011, 04:05 AM

يا شباب ودي أسأل عن رقم الجوال أنا رقم جوالي مختلف عن رقم الجوال اللي مكتوب في مشهد الحضور وهو رقمي القديم اللي شريحته مافيها خدمة وش الحل؟ وكيف أغيره لرقمي الجديد لأنه أرسلو رقمي السري حق الرغبات على القديم وهذي مشكلة ثانية وش الحل الله يوفقكم؟ وهل أراجع الإدارة العامة للتربية والتعليم بالرياض؟

راقي العليا · #**6335** (**permalink**) 09-08-2011, 04:07 AM

اقتباس:

المشاركة الأصلية كتبت بواسطة طارق العثمان

ماقصرت اخوي

اتوقع انه اكيد قابلتك في المقابله لانه مقابلتي كانت معك يوم السبت الساعه 11

العفو يالغالي

ههههههههههههههههههههههههههههه أجل تتوقع إنه أكيد !!!

بعد بنفس الوقت !!

أنا قلت الأخ لسّا ما عمل مقابلته ,, أجل تقابلنا أكيد لأن العدد مثل ما شفت كان قليل

أنا كنت لابس غترة بيضاء وكان معي أخوي ولابس نفس لبسي وقابلت في اللجنة أربعة

وش بعد هههههههههههههههههههههههه >> من فرحتي فيك خخخخخ

آهـ كنت جالس على أقرب طاولة من ناحية البوفيه

ههههههههههههههههههههههههههههه

-----------------

أي استفسار يالقرم أنا بالخدمة ..

البدر28 · #**6336** (**permalink**) 09-08-2011, 04:14 AM

ممكن وصف مستشفي الملك سعود
لاهل الرياض

وممكن تعلموني وش اجيب للمستشفي اية اوراق اجيب

فارس القصيم · #**6337** (**permalink**) 09-08-2011, 04:19 AM

اقتباس:

المشاركة الأصلية كتبت بواسطة العربي نت

رحت للديوان بعطيهم الاوراق ومن ضمنهن الكشف حق المقابلة واحد قالي مايمشى الثانى قالي لحظة وراح بالكشف للمدير رجع من المدير قال يمشى بس ناقص تحليل المخدرات لازم من التخصصى وامس حللت وبكرة بروح اخذ النتيجة واروح للديوان

وش طلبو منك صور

ليفر · #**6338** (**permalink**) 09-08-2011, 04:27 AM

اقتباس:

المشاركة الأصلية كتبت بواسطة الاجودي

امين .. وياك والمسلمين اجمعين

شف وانا اخوك بكره الساعه 10 الا ربع خلك عند المستشفى عن الباب الصغير اللي جنب المختبر واول ما يفتح انطلق للشباك اللي على يمين بتحصل شباكين وين ما تحصل موظف موجود خلك ماسك سرا

بعدها بياخذ منك الاوراق وبيطلع ورقة الكشف بالحالها وبيكتب من الخلف موعد لك عشان تجي تكشف وبنسبه كبيره ماراح يكون قبل يومين لان عندهم زحمه مو طبيعه

وكذلك نتيجة الكشف من ثلاث ايام وفيها

انا جيتهم اول اسبوع بعد الاعلان يوم الاحد وكان زحمه وعطوني موعد يوم الاثنين رغم اني جاي بدري وكان رقمي 81

وجيت يوم الاثنين اول يوم صيام ومن الساعه عشر عندهم وماخلصت الا الساعه وحده وفيها

والنتيجه استلمتها يوم السبت

انت لا تشيل همها وقسم وقتك بحيث انك بكره تروح تاخذ موعد وبعدها تجي على نفس الموعد والروحه اللي بعدها تروح تاخذ النتيجه وتطلع على طول للخدمه المدنيه

بالنسبه للاوراق المستشفى مايبي منك الا ورقة الكشف ويرجعونها لك عشان تجيبها يوم الموعد

اما الخدمه المدنيه متكوب في خلف اوراق التوظيف وش طلباتهم ومن ظمنها صورتين شخصيه وصورتين بطاقة احوال وصورتين من الشهاده وصورتين من مشهد المقابله الشخصيه مع الاصول

واي سوال انا حاضر حتى لو تاخرت بتحصل اجابتي باذن الله

الله يعطيك الف عافية يالاجودي عز الله انك ما قصرت يا حبي لك

حفيد ابن الخطاب · #**6339** (**permalink**) 09-08-2011, 04:41 AM

اقتباس:

المشاركة الأصلية كتبت بواسطة راقي العليا

الله يعافيك

وأنا بالضبط كانت مشكلتي نفس مشكلتك

لما أدخل أرقامي ينتقل المتصفح ويرجع لنفس الصفحة ,,, لا يقول لا خطأ ولا غيره

و غيرت الجهاز مشت

معناه إن المشكلة من الجهاز

-----

لااااااا تنسى تعلمني هل ضبط أو لا ضروري

..

الله يسعدك اخوي رحت المقهى والحمد لله ادخلت الرغبات وطبعتها وتيسرت الامور

فارس القصيم · #**6340** (**permalink**) 09-08-2011, 04:50 AM

بشرى ساره لمراجعي فرع الخدمه المدنيه بالقصيم واحد من الشباب مسلم اوراقه وقبلوها وهذا اللي طلبو منه
موذج طلب التوظيف+الكشف الطبي+نموذج الخدمات السابقة+صورتين من المؤهل العلمي+صورتين من الهوية الوطنية+صورتين 4*6 + ملف علاقي أخضر

وزيدو عليها المشهد حق المقابله

وقابلين ملفه علاقي اخظر يعني الوضع تساهيل مو تعقيد

انا باخذ هاللي مكتوب وبس ماراح اصور الكشف والخدمات اذا أخذوها زين على زين ماخذوها رحنا لقرب مكتبه وصورنا ورجعنا

وتصبحون على خير وفالكم التعيين بدياركم

تسجيل الدخول

تجمع المرشحين 17.680 للوظايف التعليميه : مبروك توجيه المعلمين

جدارة إستفسارات ونتائج ونقاشات

تجمع المرشحين 17.680 للوظايف التعليميه : مبروك توجيه المعلمين