السلام عليكم


بداية احب اوضح اني مالي خلفيه ابدا في موضوع المطاعم
بس يوجد مطعم للبيع ...يقول صاحبه انه
1- دخله فوق جيد جدا
2-موقعه في منطقه اخرى
3-نظام تأجير على العمال
4-لهم نسبه من الدخل
و سبب بيعه هو تطفيش العمال له ما ادري ايش مشكلتهم

سؤالي كالتالي :
بحكم اني لن اتمكن من ادارة المطعم لوجوده خارج حدود منطقتي
هل ينفع يعني اني ااجره على العمال و استلم نسبتي كل اخر شهر؟؟
هل هذه الطريقه مجديه؟؟؟ لانو العمال راح يجتهدوا اكثر لزيادة الدخل
طيب ينفع اجيب محاسب و مدير بنفس الوقت؟ ام اخلي الموضوع بكامله للعمال
هل اغير العمال؟؟ والا اخليهم؟؟
ما ادري..... عاجبني العرض بس احس فيه لخبطه كثير
ياليت اللي دخل في موضوع المطاعم و عمالتها يرد لي

بسم الله ..

عيال عمي عندهم مطعم مسلمين المطعم لمعلم سوري ومعه جماعته هم المسئولين عن كل شي يكون بينك وبينهم اتفاق وعلى ورق طبعاً ضمآن لحقك ياخذون شهرياً 80 الف من المعلم السوري والباقي لهم وطبعاً كل شي عليهم من لحم ودجاج ورز و و و و طريقه حلوهـ بس اهم شي يكون في تقرير بما انه اول شهر لك وشوف دخل المطعم علشآن لا تظلم نفسك او تظلم المعلم .. وموفق واي معلومه باخذها من عيال عمي بكتبهآ لك هنآ ...

وفوق الى ذكره اخوى اهم شى موقع المطعم

ولاتعصب كثير علشان متاكل حبوب ضغط

ولازم تعرف النظام

حلووو انك تاجره لهم او تبي المطعم يمشي سووقه خلهم معك بنسبة وشوو يسير الدخل من جيدجدا الى ممتاز واسالني اعرف رجال كان فاتح بقالة فتحة وحده وشغله لك علية لين عطا الهندي الي عنده نسبة شوف الان من فتحة الى اربع تخيل مشاء الله الله يزيدة (يالبه قلبك يامصطفى راح وراحت معه الفلوس هذا كان ماسك ورش الوالد ) بس الرزق من الله

هلا ومرحب فيك اخوي

المطعم مثل ما تفضلت صاحبك مؤجرة عليهم

لكن هم يطفشونه

وش السبب

يا يكون المبلغ المطلوب منهم فوق دخل المحل وبالتالي هم مظلومين والمحل مايصلح لك في هذي الحالة

يا يكون المحل يدخل افضل من كذا ويبون يخفضون نسبة صاحب المطعم عشان يستفيدون اكبر وبالتالي مايصلح لك

يايكون هناك من يعرض عليهم عرض افضل من صاحبك وبالتالي يبون ينتقلون له وفي هذي الحالة المطعم ما يصلح لك

وبحكم ان المطعم في منطقة اخرى

فانصحك بصرف النظر عنه لأن امورك فيه ما راح تستقيم مهما حاولت تحسين وضعه

اخوي طارق شكرا على ردك و انتظر المزيد
اختي امروان طالما المطعم راح يتأجر ع العمال فما راح استخدم حبوب الضغط ان شاء الله
اخي عاطل شكرا لك
يعني الى الان ماحد اعترض على فكرة التأجير عل العماله
صح؟

اخي معين ...سكرت كل الابواب و كلامك صحيح الا في حاله
وش رايك لو اغير العمال؟
اما بالنسبة للمبلغ المحدد بيني و بينهم راح يكون باتفاق بدون ظلم لأي طرف

يعطيك العافيه اخي معين
انا فكرت كثير بالموضوع بس حبيت استفيد من اراءكم
مع ان المطعم دخله كويس و حسيت انه فرصه مناسبه, بس رددتني لما قلت لازم اكون قريب من العمال
ما فكرت ابدا اني اشرف على اي شي
ما ادري
الله يعين

المشكله أخوي إن البعض " خصوصاً اللي يأجر المطاعم " وإذا كان بمنطقة مختلفه

العماله تلعب لعب ولا يهمها حرام حلال دام انها بتحصل فلوس

قبل فتره يعلمني مراقب في البلدية إنه في جوله من الجولات لقى العمال منقعين دجاج ولحم

بعضه منتهي مدته وبعضه " اكرمكم الله - جيف حيوانات "

يتخلصون من الريحه بدبغها بالبهارات وتنقيعها في بهارات وملح ةبعدين يسووه إيدامات

وبعضهم أستغفر الله العظيم حتى " الله يعزكم ويعز النعمه - لحم حمار " يوكلونه الأوادم

نصيحة ابتعد عن هذا المطعم

فيه سؤال يدور بالراس :- كيف عرفت إن دخل المطعم ممتاز ؟؟