السلام عليكم ورحمة الله وبركاته

اخواني وآخواتي اسمحولي اني اقول رائي بالنسبة لي انا ولا افكر اطلاقا اني اتزوج موظفه والسبب
ان بعض خوياي موظفين ومتزوجين موظفات واولادهم همل فالشوارع بالله اسالكم بالله اذا الوالد والام موظفيين
وكلهم يطلعون من البيت واولادهم ممكن يكونون بالمدارس والا....... طبعا بتقولون الخدامه فينها تربية الخدامه مثل تربية الأم الاب يجي تعبان يدور النوم والام نفس الشئ هل بتفكيركم شايلين هم ابنائهم



تقبلوا مروري بدون زعل

^
لا تخاف انا عن نفسي لو كان عندي اطفال ما رح ادور الا وظيفة اطلع المدرسة مع طلعتهم وارجع معاهم

الا ان كان ابو العيال مو صابر على الرز لين يخمر , ولا همه الا كرشته فهذي مصيبتكم انتم

اما كعزابية ما حولي مسؤلية ..اعتقد ما فيها شيء لو ان شاء الله ارجع تسع بالليل .. لان هالوظيفة بتسد حاجات خاصة ما فكر ولي الامر يجي يسال إذا محتاجة والا مو محتاجة ..

وانت وش محرق رزك فينا؟؟
تبي تمنع امنع زوجتك وقريباتتك لايتوظفون

عجبي

انتن وش تبن بالوظايف ؟
!!!!
بعض الاحيان ,, تحس انك ماتدري وش تقول !!
نفس أحساسي الحين ,, ماهوب لأن سؤالك صعب .. لا لا لا أبداً ~
ولكن منطقك عجيب ياآخي ~

طيب ياعزيزي فرضنآ أنو كل الناس فكروآ مثل تفكيرك ,, منعوا بناتهم من الوظايف ~
بعد بكرة لو جت تولد حرمتك ,, مين بيولدهآ !!! <-البنات كل ابوهن متعطرات ببيوتهن ينتظرن الرجال !!!
طيب فرضنا ولدت وجابت بنات ,, وقلت تبي تعلمهن بالمدارس !!
مين بيدرس بناتك .. ماعاد به مدرسات <- كل البنات ببيوتهن يلمون وراعينهم من الشوارع !!

إنسانة تعبت بدراستهآ وأختارت تخصص قوي ,, وكافحت ,, عشان أيش ؟
تحتري رجلها وهي متعطره <- اشارة إلى كلامك بالموضوع =/
طالما الاسلام ماحرم عملها ,, واعتبرها جزء فعال في المجتمع ,, دورها مثل دور الرجل .. وبعضهن تعيل أسرة ..
أنا بصراحة وبدون مزح حاسة أنك كنت تبي تطرح الموضوع في عام 1353 هـ
وتوك تطرحه الحين ,, ماهيب بس قضية مستهلكة ,, الا قضية لاجدال فيها !!
الحين يناقشون مسألة قيادتها للسيارة ,, !!! يعني ماعاد هو شغل بس .. !!

ملاحظة / حتى الأمهات العاملات ,, والبنات الموظفات "يتعطرن" .. !!
لا داعي للقلق ~

هههههههههه

انصحك احذف الموضوع

لا مانع أن تعمل المرأه مع التمسك بالضوابط الشرعيه مثلا ماتشتغل في مكان مختلط والتي تعمل في مستشفى عليها أن تطالب بحقها في فصل المستشفيات لتخدم نساء مثلها لماذا هذا الحق يطالب به الدعاه وصاحبة الحق صامته لا بد من وجود امرأه تعمل لخدمة نساء مثلها مثل التدريس والطب


شيء مهم

كوني لزوجك
مطيعه
معينه
تهتم به وبالمنزل وبالأبناء
متعامله بالحسن عطوفه ودوده
غير شاكيه
لا تنكري كل جميل (لا تكفري العشير)
كون لزوجتك
عطوف ودود متعامل بالحسن
منفق عليها
وبس ما عاد قدرة أكتب الباقي كثير
إنتِ خليك حرمه صح وأنت خلك رجال وكل واحد يقوم بواجبه


شيء مهم يجب أن تعرفه كل فتاه وكل رجل
نفقة المرأه واجبه على وليها ( أب أخ زوج عم خال ولد أخت ولد أخ) ولو كان راتبها مليون


يا شباب بكل صراحه حطوا الكلام هذا بروسكم اللي تصرف عليه حرمه وهو غير مريض هذا واحد ناقص رجوله

الى كل امرأه
يوم القيامه سوف تسألين عن أعمالك الأساسيه فلا تهمليها وتكلفي بها الخادمه لو تبغين خادمه خلي زوجك يتزوج وحده عليك غير موظفه

وعليكم السلام ورحمة الله وبركاته

هذا اوول نقول هالكلام ان الحرمة ماتتوظف وتقعد في البيت
بس الحين البنت صار عندها طموح وتدرس وتكمل دراستها وعلى حسب تخصصها في الجامعه
تبحث عن وظيفه مناسبه
الوظيفه الحين صارت ضروره ومطلب لكل بنت
والاهم ان الشباب مع احترامي صارو كحيانين ومنتفين الواحد يعرس وهو كله ديون وفقران
يعني لا تحلمين برفاهيه وتطلبين كل شي
هذا غير انها تساعده في الاجار والفواتير
والحين الرجال اذا خطبو مايبون الا موظفه ويفضلون المدرسه الحكوميه لانها اضمن لهم انها لا تفصل ولا شي
يعني الوظيفه للبنت الرجال صارو يحرصون عليها اكثر

[align=right]اخي الكريم وش فيها اذا عملت المرأة واشتغلت
في عمل يحترم شخصيتها وكيانها ؟؟
البنت لما تتوظف على الاقل تساعد اهلها و تقضي على الفراغ
و تبدع بعملها ..على فكرة ترى اغلب البنات الموظفات خيرهم لاهلهم
اكثر من الاولادلايجي احد مايعرف يكتب حتى كلمة( لكن ) للاسف
ويعلق بتفكيره السطحي
الحمدلله ياما موظفات متزوجات ومربين اولادهم ماله دخل بموظفه
ولا عاطله ومتزوجه ولا بنت ...وفيه العكس
اذا الله ماحرم علي الوظيفه فأنا مع الوظيفه ..
[/align]