هلا والله بسجين العطاله

حياك

الله يعوضنا خير جميعا يارب

والله الأمنية الأمور مشت فيها تساهيل مع بعض الشباب ومع البعض للأسف ردوهم عشان أقل من 1سم
للأسف

بالرغم أنى يوم قياس الطول معاى واحد تقريبا مشت أموره وكان طولنا واحد وماشاء الله مشى في الفحص

لكن الدنيا هذه أرزاق والحمدلله على كل حال

بالتوفيق لك

انا ناقص 4 مل بس الحمدلله خيره الدفاع اعرف شباب قانون تخرجو من الدفاع بعثات قبلتهم بالقسم يخذون توصيات فرصه الواحد يتوضف ويكمل دراسه الحمدلله على كل حال

اليوم كلمت طالب قانوني يقول قلوله شد حيلك نبغا قانون قضايا العسكر ماليا المحاكم يارب

السلآم عليكم شبآب

بأختصار انا محتار

موعدي فالامنيه عشان الفحص يوم الاحد والاثنين ..
وابغى اروح لكلية الملك عبدالعزيز الحربية احط لهم اوراقي

.. هل فيه تعارض او مشكله .. واللي راح لكلية الملك عبدالعزيز ايش صار معاه بالتحديد ..

ردو الله لايهينكم

شبآب أقدر أسلم أوراقي لهم يوم الأثنين ؟

لأني عندي موعد الامنيه . الأحد والاثنين ؟؟
والله إني في حيره من أمري
ومن برى الريآض

بعد التحية والتقدير للجميع ،،،

بداية جمعة مباركة على الجميع ، وأكثروا الصلاة على سيدنا ورسولنا محمد عليه أفضل صلاة وأزكى تسليم ، ثم لاتنسوا قراءة سورة الكهف اليوم .

أعتذر من الجميع الذي راسلوني في اليومين الماضيين ، أشد الاعتذار ، مع تقديري مسبقاً لثقتهم ومراسلتهم ، وسارد عليهم حالاً واحد واحد .

من يوم الاربعاء أنشغلت في تمارين شاقة ( يعنني بنحف كم كيلو ) إضافة مراجعة بعض مواد التخصص ، يوم الاربعاء سلمت أوراقي وأخذت موعد يوم السبت ، ودعواتكم يارفاق ، ان نتجاوز مرحلة الوزن والمقابلة ، والبقية تهون .

أشكر الرفاق ( عاشق مجورح + حلم قانوني ) على سؤالهم ،


تحياتي للجميع .

شباب انا راجعت الصفحات السابقة ، وأشكر العضو سليمان نايف وحلم قانوين وبقية الشباب اللي تفاعلوا ، وهي ماهي بغريبة عليكم ، وفالكم القبول النهائي جميعاً ، إن شاء الله يارب .

لاحظت أن اغلب الاسئلة المتكررة تدور حول :
1- موقع العيينة ، أو موقع التدقيق الأولي .
2- إجراءت الكشف والمواعيد .

ـــــــــــــــــــــ
الشباب كفو ووفو ، لكن بعيد الوصف والخطوات للشباب اللي يبون يسلمون الايام الجاية .
ــــــــــــــــــــــــ

الوصف :

تتجة إلى طريق (القصيم والدرعية والعيينة وصبلوخ وحريملا وثادق) ، كل هذي المسميات ترى طريقها واحد يعني لاتشتت وتضيع وتظن أن لكل ديرة طريق ، كلهم على طريق واحد لذلك مادمت تشوف لوحة تدلك لاحد المواقع هذي اتبعها.
طبعاً ما قادر أحدد وصف واحد واجبر الشباب يجون معه من داخل الرياض ، لان اللي ساكن بالجنوب راح يجي مع الجسر المعلق واللي ساكن بالوسط راح يجي مع طريق الملك فهد واللي ساكن بالشمال بيجي مع الدائري الشمالي من عند مخرج ( 5-6 ) وزي كذا يعني.
موقعك الحالي هو اللي بيحدد لك من وين تبي توصل لطريق العينة ، لكن المهم أنك تطلع لطريق الدرعية وكثير من اللوحات تبي تدلك للدرعية .

ملاحظة فية لوحات للدرعية القديمة ، هذي طنشها مالك فيها صلاح

خلك على طريق صبلوخ وفية أكثر من لوحة توصلك للطريق.
نفرض الحين أنك مسكت طريق الدرعية من عند بداية ، وباقي على الدرعية كليو تقريباً .
تمشي وتتعدى الدرعية على يدك اليمين وانت ماسك الطريق السريع ، خلك على طريقك ، إن جتك لوحات وانت بنفس الطريق مكتوب عليها ( العينة ، حريملا ، صلبوخ ) معانتها أنت بالطريق الصحيح .

خلك على نفس طريقك لين تشوف ( كلية الملك عبدالعزيز الحربية ) على يدك اليسار ، تعدي الكلية وانت بنفس طريقك ، أحسب تقريباً من 4 كليو إلى 7 كيلو تقريباً ، راح تجيك زي الديرة الصغيرة أسمها سلطانة على يدك اليمين ، أبداً راح تشوف على يدك اليسار مدخل البوابة للتقديم وقدامها المحطة حقت ديرة سلطانة ، هذي هي البوابة اللي تدقق أوراقك فيها ، وقف بعيد شوي عن السيارات ، عشان مايجي واحد مطفي النور ويقف وراك ويسد عليك الطريق ، همن تلبش كيف تطلع سيارتك ( صارت لي ) .

خطوات التسليم :

1- راح تلاقي عسكري عند البواية ، ويوجهك للجنة التدقيق حقت الجامعيين .
2- طبعاً لازم تتاكد قبل لاتمشي أن أوراقك كاملة + أن معك صور مقاس 3×4 عددهم لايقل عن أربعة + أن ملفك يكون شفاف من قدام وتقدر تخرم الاوراق فيه ، لاني لاحظت أن فية واحد جاي بملف أخضر علاق ، وفية واحد ثاني جاي بملف شفاف سادة ماتقدر تخرم الاوراق وتحطها فية ورجعوهم يجبون الملف المطلوب ، وهذا نموذج للملف حطة أخونا تهامة :

3- راح يعطيك ورقة الكشف الطبي + كرت موعد ، ويطلب منك تجلس هناك على الطاولة تعبئها وترجع له مرة ثانية ، طبعاً الورقة هي ورقة الكشف وخلفها أسئلة عن الربو والدوخة والامراض النفسية والصرع وغيرها من الامراض التي تؤثر عليها العسكرية ، طبعاً بعد ماتخلص من تعبئتها ( ماتخذ ثلاث دقائق ) ترجع له وهو يبي يدقق في اوراقك ويختم على الصور ويسالك متي تبي موعدك وأكيد أنه يبي يخيرك مابين الاحد والاثنين والثلاثاء اللي هو آخرموعد للكشف وليس للتسليم ، يعني لاحد يفهم أن أخر موعد يوم الثلاثاء للتسليم ، ( أخر موعد للتسليم هو يوم الأثنين تاريخ 24/8 ) ، وانت عاد أختر الموعد اللي يناسبك .

4- راح يسلمك جميع أوراقك ويقول تسلمها لهم هناك ومعك الكرت اللي عبيتها والورقة ، وهي مختمة ، ويقول تكون موجود الساعة اربعة الفجر بطريق الملك عبدالعزيز امام الشعلة سابقا ًوالحين الظاهر أسمها فلنسيا ، عند الكلية القديمة .

إجراءات الكشف الطبي الأولي هي :

1- العين وتشمل : ( عمى الالوان ، والعضلة ، والحول ، وغيرها )
2- الباطنية .
3- الاسنان .
4- العيادة النفسية وسلامة النطق .
5- الطول والوزن .
6- المقابلة الشخصية .
7- الانف والاذن والحنجرة.
8- الفحص المخبري .
9 فحص العظام.
10. الفحص الجراحي.
11- الفحص الاشعاعي .
12 مقبولين كلم إن شاءالله .

ــــــــــــــــــــــــــــــــــــــــــــــــــ ــ
طبعاًَ الاجراءت هذي ما أخذت معي أكثر من عشر دقائق مع التعبئة والتدقيق والتختيم .
تعاملهم مميز جداً جداً ، لدرجة أني جلست أسولف أنا وعسكري أسمراني ، أسائلة عن عدد المتقدمين عن تخصصي ، وسالته عن وزني هل أصلح للعسكرية وإلا اضرب الباب من الحين قعد يضحك ويقول تفاءل خير ويجي منك عسكرية ههههههه .

موفقين خير جميعاً .