خريج الخدمة الاجتماعية

على اي قوات يتم تعيينه ( برية - جوية - بحرية - دفاع جوي - رئاسة هيئة الاركان العامة - مكتب الوزير )

ما اذكر احد بالدوره نفس تخصصك ،

لكن راح اسألك وارد لك خبر بأذن الله ..

عموما ، كل سنه يتغير الاحتياج مو بشرط هالسنه يقبلون بنفس الاعداد الي قبلوها العام وقس على هذا

حياك الله اخوي خريج جامعي
هل انت من الدفعه السابقه اللي تو تخرجوا قريب؟وفي اي كليه ووش تخصصك؟
بالنسبه لتخصص نظم المعلومات هل هناك احتياج وكم عدد المقبولين معك؟ انا معي ماجستير حصلت عليها في سنه بدون لغه؟ والبكالوريوس 4 سنوات ماهي الرتبه اللي استحقها؟وكم تتوقع الراتب؟
شكرا لك على تجاوبك مع الاخوان والله يوفقك

حياك يالنداوي ..

ايه نعم انا توي من الي تخرجوا

تخصصي لغه انجليزيه ..

عندنا واحد نفس وضعك بالظبط ماجستير نظم معلومات قطاعه الاستخبارات العامه رتبته ملازم اول بأقدمية سنتين على ما اعتقد .. ( بالنسبة للآقدمية راح اتأكد لك منها )

الراتب يختلف من قطاع لقطاع يعني على حسب المكان الي يوجهونك له ، لكل قطاع وإداره بدلات ,, يعني قد يتخرج معك نفس تخصصك وضعك بس انه في اداره ياخذ بدل يختلف عن بدلاتك ويكون راتبه اعلى منك بس مبدئياً على حسبة بسيطة راح تاخذ اقل شي من 11 الى 12 الف

موفق

النداوي ، الماجستير تكون رتبته ملازم اول بأقدمية سنتين بالظبط

أخوي خريج جامعي ....
بيض الله وجهك على التفاعل مع الاخوان ...
واحنا طمعانين في مساعدتك ....
ماستغني عن وجودك انت والناس الطيبين الي مثل شرواك

العلم وسلامتك ...

أنا خريج ( لغة نجليزيه )الترم الي راح ... قدمت على الموقع وبياناتي انشاءالله سليمه
والله يكتب لنا الخير جميعاَ
بس عندي استفسار ....
ألا وهو بحكم تخصصي ( لغة انجليزيه ) اين القطاع الذي سأتجه له
( بريه - جويه - دفاع جوي- بحريه )
سمعت ان البريه تشمل هيئة الاركان والاستخبارت ...
وفي استفسار ثاني ...
هل التدقيق على العمر موجود لانه في احد الاخوان عمره 29 ومتخوف يقدم ولا لا
هل في تساهل ..

الله ييسرها لنا ولك .... ويرزقنا بالوظيفه الطيبه

تحياتـــــي للجميع

خريج جامعى

يعطيك الف عافية بالنسبة لتخصصات النظرية ( خدمة اجتماعية ) اش الرتبة اللي تعطا للطالب

وليش ما تكون الدورة في نفس الكلية في الرياض .. وشاكر ومقدر تعاونك

ووجهك ابيض يالغالي ماسوينا الا الواجب وانا كنت مثلكم العام محتاس ولولا مساعدة الاخوان الي هنا الا كنا جبنا الطامه ..
بالنسبة لي انا بالادارة العامه للخدمات الطبية .. واحد اخوياي تخرج من نفس الجامعه بالبحرية ومتعين حالياً بمعهد البحرية مدرس :D

وفيه بعد ناس من اخوياي بنفس الدوره عددهم 3 بالاستخبارات العامه ..

يعني على حسب الاحتياج .. والخيره فيما اختاره الله يالغالي .. هالسنه عاد على حسب احتياجهم ..
بالنسبة لهيئة الاركان مالي علم فيها لكن ابشر بالي يسألك اما بالنسبة للاستخبارات فيه للوزارة
وفيه بعد استخبارات البرية

اما العمر اظن في التقديم اظن ماراح يقبله لكن خله يقدم عادي اذا رفض يقبل العمر يكتب عمر 27 يمكن تمشي اموره .. لكن العام اثناء التقديم ردوا ناس واجد قدامي اعمارهم كبيره ..

اسأل الله لك التوفيق