تجمع المتقدمين لكليات وزارة الدفاع والطيران [ جـامعيين فقط ]

قانوني طموح · #**581** (**permalink**) 15-07-2011, 06:51 AM

اقتباس:

المشاركة الأصلية كتبت بواسطة صديق الوزراء

مادري والله ياصديقي ، تراء اكتروني اجتهاد مني يعني مو شرط .
انا خلصت تقريباً 90% من البيانات بالفوتوشوب وبكرة بكمل الباقي ، ويمكن اسوي وحدة ثانية يدوي ماتاخذ مني 20 دقيقة .

تراه اجتهاد مني ياشباب ، لايجي احد الشباب شاطح ليش تحط قوانين من راسك

موفقين خير .

انا عن نفسي اقولك عبيها يدوي اضمن

قانوني فاشل · #**582** (**permalink**) 15-07-2011, 02:03 PM

موفقين ان شاء الله

حلم قانوني · #**583** (**permalink**) 15-07-2011, 02:49 PM

السلام عليكم ورحمة الله وبركاته

كيف حال الشباب

ألف مبروك بالقبول المبدئ وبالتوفيق للجميع

أنا لم أجتاز الفحص بالنسبة للطول ناقص 1,50 سم في الأمنية

والحمدلله الله رزقنى بقبول مبدئ في الدفاع ,وأسأل الله عزوجل الخير

ياليت أحد من الشباب يفيدنا بخصوص القبول من ناحية

الفحص الطبى
المقابلة الشخصية
الدورة بشكل عام
وأى معلومه مفيده

وياليت نتعاون مع بعض ونكون يد واحده عشان الكل يستفيد ..

نداء عاجل الى أخصائي تأهيل ياليت تعطينا نبذه عامة عن الوضع اللى راح يصير ...

تحياتي لكم

دكتوراه مثلا · #**584** (**permalink**) 15-07-2011, 03:18 PM

الف مبروك لكل المقبوليـــــن , وعقبال القبول النهائي , والله يعوضه بافضل منها للي مانقبل

بس ياشباب عندي استفسار اللحين اطبع الثمان اوراق واعبيها , وفيه ورقه حقت اثبات اصل ومنشا هذي اوديها للاحوال ولا كيف , ووش الطريقه بالضبط

افيدونا يا اهل الخبره

الوبس · #**585** (**permalink**) 15-07-2011, 04:15 PM

ناسف لم نستطيع قبوولك نتمنى لك التوفيق

الوبس · #**586** (**permalink**) 15-07-2011, 04:17 PM

موفق بإذن الله ... لك مني أجمل تحية .

ضابط الحاسب · #**587** (**permalink**) 15-07-2011, 04:24 PM

بسم الله الرحمن الرحيم

مبروك لكل المقبولين مبدئياً وعقبال القبول النهائي للجميع

وعندي سؤال لو سمحتوا كم اعداد المقبولين نهائي سنوياً يعني كم يأخذون بالعاده

جامعي بكالوريوس · #**588** (**permalink**) 15-07-2011, 04:26 PM

مبروك لكل المقبولين المبدئي وربي يوفقنا في النهائي

يالربع انا من ربعي وجماعتي وقبيلتي في نجد واسكن في الشمال من فتره واصدرت بطاقه الاحوال من الشمال

يالربع الاوراق اختمها واوقعها من وين بالضبط الشرطه ولا وين

افيدونا ربي يسعدكم

صديق الوزراء · #**589** (**permalink**) 15-07-2011, 05:53 PM

اقتباس:

المشاركة الأصلية كتبت بواسطة قانوني طموح

السلام عليكم ورحمة الله وبركاته
شباب عندي سؤال
ايش القطاعات في وزارة الدفاع؟؟ وماهي مناطق كل قطاع؟؟ وايش الافضل بالترتيب ولماذا ؟؟ وهل يفرق الراتب او البدلات من قطاع لاخر؟؟ ومتى اخر موعد لتقديم الوثائق؟؟وهل تحديد القطاع يكون بناء على التخصص؟؟
انا تخصصي قانون تتوقعوا فاي قطاع يودوني؟؟

اسف جدا جدا جدا على الاطالة وكثرة الاسئلة

اتمنى تفيدوني

حبيبنا قانوني طموح حياك الله

للمعلومية اغلب اسئلتك اجاب عليها اخصائي تاهيل في الصفحات مابين 40 إلى 50 بتحصل إجابتها بالتفصيل .

لكل انا بختصر لك :
- القطاعات الاربعة الرئيسية اللي بوزارة الدفاع :

1- القوات البرية الملكية السعودية . ( او الحربية تمسى أحياناً )
2- القوات البحرية الملكية السعودية.
3- القوات الجوية الملكية السعودية.
4- قوات الدفاع الجوي .

طبعاً في قطاعات أخرى تقدر تسميها قطاعات فرعية أو هيئات او يعني قطاعات صغيرة مقارنة بالقطاعات الاربعة مثل :
مكتب الوزير .
مكتب نائب الوزير.
مكتب مساعد الوزير للشؤون العسكرية مكتب الأمير خالد بن سلطان عسى عمره طويل

.
مكتب هئية الاركان العامة .
الملحقات العسكرية في الخارج.

ــــــــــــــــــــــــــــــــــــــ

طبعاً القطاعات الأربعة غالبيتها منتشرة في مناطق المملكة مثال :
البحرية : في الرياض والشرقية والغربية وفي جيزان وفي رابغ وغير من الاماكن الساحلية .
البرية : الرياض وادي الدواسر الخرج المنطقة الغربية باغلب مناطقها المنطق الشرقية ايضاً وبالتحديد بحفر الباطن والظهران ( إن لم تخني الذاكرة ) وغيرها كثير من المناطق .
الجوية : عندك قواعد المملكة الجوية + القيادة الموجودة بالرياض وجدة والشرقية والشمال والجنوب .

ــــــــــــــــــــــــ

بالنسبة للافضلية بصراحة انا شخصياً ما اقدر اقيم لك الافضلية ، لانها ببساطه تختلف من شخص إلى شخص آخر ، يعني مممكن أمدح لك قطاع معين وغيري مايفضله ، لكن بالاجمال والعموم ، تبقى وزارة الدفاع تهتم بالجامعين وتقدرهم وتقدر شهاداتهم ، وهذا اللي معجبني بسياسة الوزارة

ـــــــــــــــــــــــ

بالنسبة لرواتب ايضاً على حسب التخصص ياصديقي والتوجية ، ولكن برضوة أجمالاً وبالعموم الاصناف نفسها ومافية فرق إلا اشياء بسيطة ( وجهة نظري )
ــــــــــــــــــــــــــــــــــــ

آخر موعد يوم الاثنين 24/8/1432هـ لتسليم طلب الالتحاق الأولي .

ــــــــــــــــــــــــــــــــــــــــ

تحديد القطاع ياشباب بناء ً على طلب القطاعات للتخصص والاحتياج وكل سنة تفرق احتياج قطاع عن الثاني وعن تخصص ايضاً مثال :

الشؤون الدينة بالقوات الجوية طالبة مثلاً 2 تخصص شريعية أو أوصول دين أو دعوة
الشؤون الدينة بالقوات البرية طالبة مثلا 5 تخصص شريعية أو أصول دين أو دعوة .
وبكذا يكون التوجية للقطاعين هذولي .

بعدين اللجنة توجهك عاد حسب القطاعات اللي طالبة تخصصك ، وانت قس على ذلك مثلاً :
في كل قطاع من القطاعات الاربعة على ما أعتقد ( قسم الانظمة أو الادارة الشؤون القانونية ) إضافة إلى أن مكتب الوزير على ما أعتقد يتعبة شبعة الخبراء القانونيين .
ويمكن يوجهونك لاحد هذي القطاعات .

ــــــــــــــــــــــ

صديق الوزراء · #**590** (**permalink**) 15-07-2011, 06:07 PM

اقتباس:

المشاركة الأصلية كتبت بواسطة عسكري منتخب

حلو أنشا الله نخش مع بعض قل أمين

سؤال / عطني كل الي عنذك عن الفروق بين القطاعات الجوية و البرية و البحرية و كيف الي تخصصه شريعة في عذذ القبول ؟ و بعذ التخريج وين يشتغل ؟

آمين ياصديقي

الفروق بين القطاعات موجودة بالصفحات السابقة ، واضاً كتبها باختصار بردي على قانوني طموح ، ولو تسالني كسؤال شخصي ومن وجهة نظري شخصياً قلت لك ماتفرق معي شخصياً ، إلا إذا التوجية إلى الخدمات الطبية أو الاستخبارات أو الشرطة العسكرية بالمطار ، فية رواتب وبدلات حليوة

اللي تخصصة شريعة على ما اعتقد يوجهونهم للشوؤن الدينة بالقطاعات ( البرية والبحرية والدفاع الجوي والجوية ) وايضاً على ما أعتقد يوجهون إلى المستشفى العسكري بالرياض ( كذا سمعت من واحد ) لكن عموماً الشريعة مطلوب وفالك الدور النهائي .

تجمع المتقدمين لكليات وزارة الدفاع والطيران [ جـامعيين فقط ]

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته أعلنت لجنة قبول الجامعيين بوزارة الدفاع والطيران والمفتشية العامة فتح باب القبول لعام...

تجمع المتقدمين لكليات وزارة الدفاع والطيران [ جـامعيين فقط ]

تسجيل الدخول

تجمع المتقدمين لكليات وزارة الدفاع والطيران [ جـامعيين فقط ]

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته أعلنت لجنة قبول الجامعيين بوزارة الدفاع والطيران والمفتشية العامة فتح باب القبول لعام...

تجمع المتقدمين لكليات وزارة الدفاع والطيران [ جـامعيين فقط ]