المشاركة الأصلية كتبت بواسطة صديق الوزراء

اية ياصديقي ، أنا بخير ولله الحمد
خلصت ابشرك ، ووقعت والشهود وقعوا وبكرة من 8 ثمان وأنا أختم اوراقي من عند العمدة والشرطة ، وبكذا نكون خلصنا .

مادري ياصديقي والله يوم أني خلصت اليوم ، طرى على بالي اشياء ، قلت وراء ما اروح وافتك واسلمهم بكرة الاربعاء ومرة أقول أنثبر ياولد وخلك الأحد , مدري جالس أتخير .
والخيرة فيما أختارة الله .


الله اللي يكتب لنا التوفيق والنجاح .
ويارب أجعلني أ،ا واللي قرأ الحروف ، أوفر الحظ والنصيب .

المشاركة الأصلية كتبت بواسطة مهندس ميكآنيكي

ياجماعه الخير فيه شغله مانتبهت لها

الحين يقولون يبون درجه القياس في التخصصات النظريه ؟ شلون هذه ؟

انا مختبر قياس الجامعيين عام وجايب 75

المشاركة الأصلية كتبت بواسطة الجامعي أحمد

المشاركة الأصلية كتبت بواسطة صديق الوزراء

تحية طيبة ياصاحبي ،، وصباحك تفاؤل وهمة عالية



تخصصي مش حاسب ، بس أعتذرني تراني مليقيف برد عليك



أتكل على الله

والأسئلة سطحية أبعد مما تتصور ، والشباب كتبوا عن نوعية الأسئلة في الصفحات السابقة .



بالنسبة للتسليم ، اعتقد أن فيه مواعيد يوم الخميس ، وهذا بنسبة 80% لاني أعرف واحد ثانوي يبي يسلم أوراقة بكرة ويقول أن موعدة يبي يكون الخميس ، مادري عنه ، صادق أو يسدحني ، ويمكن الثانوية العامة يختلفون عنا برضوة



وراء ماتطيع شوري وتسلم معنا أنا وحلم قانوني وبقية الشباب ، ونسلم الاوراق يوم الأحد ، عشان تجي مواعيدنا يوم الأثنين ونكون قروب واحد

الظاهر تبي تجي فله



موفق خير .

المشاركة الأصلية كتبت بواسطة ĢДMΣ Ǿ√ΣЯ

يسعد صباحك



ماشاء الله عليك ياصديق الوزراء ماسك الحته هنا وشاد حيلك ,, والله ماقصرت الله يجزاك خير ,, بأذن الله تكون أول المقبولين,,



والله ودي يالغالي اجي معكم ونكون قروب واحد بتسليم الاوراق لكن للاسف انا من برا الرياض وقد حجزت وزبطت أموري بس متخوف اذا بيدوني موعد السبت لأني حاجز عودة ع الخميس الليل ,, الله يستر



بأذن الله نكون قروب واحد بالدورة


ابشرك قبل كم ساعة وصلت الرياض ,, ونص ساعة وطالع اسلم الاوراق

الله يفتحها علينا ان شاء الله

موفقين ياشباب