تجمع المتقدمين لكليات وزارة الدفاع والطيران [ جـامعيين فقط ]

حظي أتعبني · #**2301** (**permalink**) 11-08-2011, 05:26 AM

الله يوفقكم يا أخوان ويجعلكم من المقبولين .

كيان الروح · #**2302** (**permalink**) 11-08-2011, 05:36 AM

موفقين ياشباب مابعد الصبر إلا الفرج

abo abdalah · #**2303** (**permalink**) 11-08-2011, 05:52 AM

النتائج خلاص الاسبوع القادم يعني انتظرها باي وقت

وان شاء الله جميعا مقبولين

موفق بإذن الله ... لك مني أجمل تحية .

فهد البطالة · #**2304** (**permalink**) 11-08-2011, 08:36 AM

اللهم إني أعوذ بك من الهم والحزن والعجز والكسل والبخل والجبن وضلع الدين وغلبة الرجال

abo abdalah · #**2305** (**permalink**) 11-08-2011, 08:40 AM

اقتباس:

المشاركة الأصلية كتبت بواسطة فهد البطالة

اللهم إني أعوذ بك من الهم والحزن والعجز والكسل والبخل والجبن وضلع الدين وغلبة الرجال

جزاك الله خير والله يوفقك ان شاء الله

آآآه يا زمن · #**2306** (**permalink**) 11-08-2011, 09:34 AM

اقتباس:

المشاركة الأصلية كتبت بواسطة البنتاغون

ماشاء الله تبارك الله الله يوفقنا وياك

طيب أخوي بما إننا نفس التخصص بستشيرك
ضباط الداخلية يميزهم قوة البدلات وتزيد البدلات مع صعوبة القطاع فمثلا عندك ..
المباحث كررف ودوام شفتين باليوم لكن يوم 25 من الشهر تذوق حلاوة تعبك

وحرس الحدود كذلك مرمطة وقطيعة بس لك حلوان طيب

أما وزارة الدفاع تخاف يرمونك في قطيعة أخص من قطيعة حرس الحدود ومع ذلك

فهمت قصدي صح !!
أنا الآن موظف في شركة خاصة وراتبي طيب نوعا ما ودوامي قريب من البيت
أخاف أفصل وألتحق بالدفاع وحيها من دخلة

مرمطة وعدم إستقرار والراتب

فتنصحني أذا ما جت الأمنية أروح الدفاع أو (( إرضى بقردك لا يجيك .... منه )) ومشكوور اخوي

آمين ووويفق من يقرأ

والله يالغالي كل شيء له قيمة ... وكل شخص له تفكير

بالنسبة لي ما تفرق سواء كنت في مباحث والا حرس الحدود والا ارامكو والا سابك ... الوقت كله رايح بالعمل ... صحيح ان الراتب له قيمة ... بس بالنسبة لي مهو من الاوليات ...

بالنسبة لي اعتقد القوات الجوية في مدن رئيسية وبالنسبة لي ممكن اقدر انقل لأي مدينة حتى لو بعد كم سنة والواسطة تجي مع الايام او اقدر اتأقلم واعيش في مدينة

لكن مثلا الدفاع جوي واتعين في الحريق

مع كل احترامي للمدينة واهلها والله ما اعرف مكانها بالخريطة وين او السليل .... الخ

وانت يالغالي رتب خياراتك ... ولا تنسى حاول تستشير من تثق فيهم ولهم خبرة في المجال

بالنسبة لي

رقم واحد ... المؤسسة العامة لتحلية المياه ... عندي مقابلة بعد كم يوم دعواتك

رقم اثنين ... القوات الجوية

رقم ثلاثة ... الكلية الامنية

يمكن يكون الخيار الرابع المشاريع اللي بوزارة الدفاع

هذا اللي مخطط عليه وان شاء الله تصيب وحدة منها ... اي عائق في وحدة على طول الخيار الثاني واذا جات اكثر من وحدة اكيد الترتيب واضح

اذا ما جات كلها نبي ندّور ونرجع نقدم ونسوي خطة جديدة

بالنسبة للشركة اللي انت فيها ... انت ادرى يالغالي بنفسك ... فيها تطوير لك ومرتاح فيها ... وراتبها كافيك ... الخ .. حاول تحط اجابيتها وسلبياتها ... وايجابيات العسكرية وسلبياتها وتشوف وش يصير معك

ومضه : كل شخص له تفكير وله حسابات وطموحات فحاول تشوف جانبك الى ايش يميل

عسكري من يومه · #**2307** (**permalink**) 11-08-2011, 10:26 AM

اقتباس:

المشاركة الأصلية كتبت بواسطة آآآه يا زمن

وعليكم السلام ورحمة الله وبركاته

حياك الله يالغالي بين اخوانك

.. وما شاء الله كثروا زملاء التخصص

ان شاء الله يالغالي انك مقبول في الثنين جامعكم له ثقل خاص هذا اولا

ثانيا الراجحي شخص قابلك وقابل شباب كثرين ونفس الكلام قالهم وكلها كم سنة وبيتقاعد يعني مووضوعه هين

نجي في الشيء الصعب

.. والله يالغالي مدري وش اقولك

.. حاول نشاوره وتحاوره وقله عيوب الامنية وليه انت ما تبيها ... بس اذا تبي نصيحة مجرب .. خلك على شور الوالد صحيح انك انت اللي بتعمل .. بس صدقني يالغالي طاعته فوق كل شيء .. وله دعوة ان شاء الله انها مستجابة

اخوي السطرين الجاية وجهة نظر بحثة قد يعارضني الكثير فيها

اخوي الغالي دامك راغب البرية ... يعني احتمال تنقلاتك كثير .. يعني مثلا تتعين في احد اللوية اذا صار شيء في الشمال نقل اللواء كامل الشمال واذا صار شيء في الجنوب نقل يعني الشغلة مهي مضمونة في الاستقرار ... وفيه شخص اعرفه ترقى في البرية وتغيرت المدينة مع الترقية ... فاشوف الامنية احسن بكثير اقل شيء من ناحية الرواتب فيها فرق كبير هذا لو جيت في قطاع وعينك بعيد

طبعا يالغالي في الاخير هي وجهة نظر وانت لك طموحاتك ولك خطة تشوفها بعد 5 سنوات و10 سنوات و... الخ

الله يوفقك يالزميل

مشكور اخوي اه يازمن على النصيحة

طيب عندي استفسار ويش افضل قطاع في وزارة الدفاع والطيران

انا الحمدلله معدلي فوق الاربعة ومن جامعة الملك سعود وجاني اكثر من عرض من شركات كبيرة الى راتب وصل 18000
لكن القلب ومايهوى انا ماشوف نفسي الاونا ظابط والعب بحسبة الافراد

لكن المشكلة الراجحي مصر علي الا واكون معه قي البرية وانا اهبل اعطيته كلمة رجل

مادام البريه مافيها أستقرار بشوف قطاع ثاني مع العلم اني عندي واسطة قويه في الوزارة أقدر أحول قطاعي

ويش تنصحني ونا خوك

آآآه يا زمن · #**2308** (**permalink**) 11-08-2011, 10:46 AM

اقتباس:

المشاركة الأصلية كتبت بواسطة عسكري من يومه

مشكور اخوي اه يازمن على النصيحة

طيب عندي استفسار ويش افضل قطاع في وزارة الدفاع والطيران

انا الحمدلله معدلي فوق الاربعة ومن جامعة الملك سعود وجاني اكثر من عرض من شركات كبيرة الى راتب وصل 18000
لكن القلب ومايهوى انا ماشوف نفسي الاونا ظابط والعب بحسبة الافراد

لكن المشكلة الراجحي مصر علي الا واكون معه قي البرية وانا اهبل اعطيته كلمة رجل

مادام البريه مافيها أستقرار بشوف قطاع ثاني مع العلم اني عندي واسطة قويه في الوزارة أقدر أحول قطاعي

ويش تنصحني ونا خوك

صباح الخير

والله يالغالي كل الكلام اللي قلته يحتمل الصح والغلط لاني ما اكتبه من واقع خبره انما بسؤال كم شخص ... فأتمنى انه ما يغير قرارك ... حاول تستشير اكثر من شخص له خبرة

بالنسبة لافضل القطاعات انا ما عندي خلفية عنها كلها ... بس تكلمت مع احد الزملاء في الهندسة خريجين السنة الماضية وهو الان في قطاع المشاريع بوزارة الدفاع والطيران ... قال اذا ماجتك المشاريع والا الجوية لا تدخل ... هذا رأيه الشخصي .. وانت حاول تستشير والشباب هنا بيطرحون وجهات النظر المختلفة ان شاء الله

اما بالنسبة للعروض اللي جاتك ... فأقول الله يوفقك وبصراحة مهي خسارة تخوض التجربة في العسكرية ... مع اني شخص يهوى العسكرية وتربيت في مجتمع عسكري من والد واخوان ... ولكن اذا جات وظيفة حكومية على نفس تخصصي وراتبها حلو واهم شيء بسكن جدة لو بعد خمس سنوات بدخل على طول

سبب اختياري لوظيفة حكومية هو الخروج من العمل بدري يعني اقل شيء 3 وانا في البيت

بالنسبة للاختيار العقيد لك في البرية ممكن يكون عملك في الادارة في الرياض او اي مكان ترغبة ويكون افضل مكان تعمل فيه مو شرط تكون في مكان بعيد و يمكن الرجال يبيك قريب منه ...وبالنسبة لكلمتك يوم تقول عطيته كلمة ... الرجال يبيلك الخير سواء بالبرية او غيرها ولا اتوقع راح يفقدك .. و المتقدمين واجد وانا اخوك

وجهة نظر شخصية .. اترك النتائج الين تنزل ... واذا لك مصدر يحوّل القطاع ترى هذي يبيلها توصل الى قائد القوات المسلحة ... يعني شخص كبير ... فأعتقد اذا قدرت توصل لهالشخص فهو اكثر شخص راح يفيدك ... ورضى الوالد شيء مهم ... في الاخير استخير ...

الله يوفقك يالغالي ويرشدك وتنقبل في المكان اللي فيه خير لك في دنياك واخرتك