والله ارشحلك البوفيه احسنلك من المطعم
بحيث انه تقدر تتحكم بالطعام ولكن يبي لك هندي صاحب خبره
وتشوف مكان عند اشاره بزاويه دائما زحمه

انصحك قبل تفتح المطعم تفر الرياض فر تسأل عن افضل المطاعم في نفس المجال الي تبي تفتحه عشان تعرف ايش مميزاتهم !! وتبدء من اخر شي يقدمونه وزيد عليها من عندك مميزات والله يرزقك من واسع فضله

انا رايي من راي اخوي ال فرعون ولاتنسى الخلطه السحريه سر الطعم اللذيذ


وبالتوفيق

بالتوفيق اخوي
بس احس البرجر المشوي احسن من البوفيه فيه محل معروف على طريق انكاس بالروضة مرررة عليه اقبال من الشباب وحتى الشيبان اذا ودك تروح تشوفه وتزيد على خدماته يعني ممكن تضيف الهوت دوق عصيرات فرش بطاطس مشوية وعليها اضافات .

القناص شوف اقول لك شي مثلاء تبي تفتح لك بوفية خليك قريب من الدوائر الحكومية ولا المدارس تعرف يكون دخلك أغلبة من المدرسة ولا الدائرة الحكومية يعني يكون موقع قريب من الحركة بالتوفيق

اقترحت عليك البوفيه لأجل محاوله الاستمرار على نفس النكهه والمستوى

لان المطعم المتخصص مثلا بالبرجر محتكر ويبيله مده طويله حتى تكون قاعده عملاء

لكن البوفيه قاعدة عملائها محفوظة لدى الكل وخصوصا من بعد الفجر الى 11 الصبح

ومن المغرب الى 9

خصوصا المحلات اللى جنبها بيطلبون منها

عندك ثلاث مواقع تقريبا ركز عليها

مقابل حديقه عامه او بنك

عند اشاره تقاطع معروف دائما زحمه سيارات يكون موقعها واضح للي يوقف عند الاشاره

تكون على الدائري قبل مخرج اقلها 200 متر بعد محطه او قبل محطه

طبعا تقدر تدمج معه وخلها بوفيه مطوره لوحه هايروزليشن وكراسي حلوه وطاولات ولوحات عرض داخليه مع قوائم المنيو ورقم كبير للطلبات

واضف برجر بس بشرط برجر مثل مطعم لؤلؤءه الخليج اللى بطريق التخصصي

اخوي الله يوفقك ان شاءلله
تم عمل دراسة قبل فترة واتضح أن اقل نسبة خسارة هي المطاعم
فلذلك انصحك تشد حيلك وتشوف لك موقع مميز ويكون قريب من مسجد جامع يكفيك يوم الجمعه تكون زحمه مو طبيعيه كأنك في مقصف مدرسي
وانصحك بالبخاري تعرف احنا يالشعب السعودي ما نسمع في البخاري
موفق خير اخوي واهم شي تشد حيلك وتغامر واختار لك العامل النظيف اهم شي الشغل يكون نظيف نظيف لكي تكسب الزبائن