السلام عليكم ..

صباح الخير ...

يأخوان عندنا في الحي بقالة معروضة للايجار إيجارها 1000 ريال شهري .. طبعآ البقالة فاضية مافيها الا ثلاجات .. البقالة موقعها مميز وعندها مدرسة ثانوي وإبتدائي .. بصراحه متردد أخذها أو لا ؟ خايف من الخسارة وهذا أو مشروع لي .. أنا فكرت أني إجرها على عمال بــ2500 .. وش رايكم ؟
لاتبخلون علينا بردودكم ..

اتوقع حلوه بالنسبة لموقعها بجانب مدارس

ولكن اللي اعرفه والله اعلم انو لازم قبل لا تأجرها على عماله انك تعبيها من المواد الغذائية والمشروبات

وكل شي تحتويه البقاله وبعدين تشتغلها شهر شهرين حتى تحس انها ماشيه وبعدين العمال هم اللي راح يجونك

ويبون يستأجروها منك

ولا تنسى الاستخاااره اهم شي قبل لا تقدم على اي شي

تحياتي لك

البقاله ممتازه بس فيها اكسباير كثير ومتعب

وبنفس الوقت فيها كريدت يعني لو اجرتها على عمال حط لوحه للشركات مايعطونهم شي على التصريف

والا ترى يسحبون كريدت وبعدين بروبلم كبير

والا الالف فيه ثلاثميه تقريبا

يعطيكم العافية حبايبي على ردودكم النيرة ..

أخوي ال فرعون .. مافهمت شي من ردك .. ممكن توضح أكثر ؟

المعذره منك ياخوي

لكن اقصد انه فيه تاريخ صلاحيه للمنتوجات اللى تعرض بالبقاله

ايضاء العمال يسحبون من شركات الايسكريم والالبان والعصيرات والببسي وغيره دين على رخصه المحل وبفواتير من المحل

والالف فيها ثلاثميه

يعني كل ماتبيع باللف ريال يومي مكسبك فيها تقريبا من ميتين ريال الى ثلاثميه ريال

بصراحة محتار .. خوفي البقالة يكون دخلها ضعيف .. والميزانية ماتسمح ادعم البقالة

ما اقدر ادعم الا من دخلها .. وفيه امكانية ازود 200 ريال ..

شف انت وش السبب الحقيقي وراء تسكير البقالة من اول؟؟

لا يقولون لك لعدم التفرغ كله خراط فاضي..

إسأل وشوف... وإستخير..

ما عندي علم عن سبب تسكيرة البقالة ..

يعطيك العافية أخوي ذكي جدآ ..

ننتظر رائي بقية الاعضاء ..

جزاك الله خير اخوي محبوب على هالدعوة ..
أخوي لو معي سيولة كان فكرت في مشروع فضل من البقالة ..