26-06-2011, 02:38 PM
|
عضو جديد
|
|
تاريخ التسجيل: Mar 2009
المشاركات: 32
معدل تقييم المستوى: 32
|
|
مشكله القطاع الخاص لو تخدمه عمرك كله و تغلط غلطه وحده قلبوا عليك ..
انا احد طلاب التنظيم الوطني للتدريب المشترك .. و هي اداره في المؤسسه العامه للتدريب الفني و التقني تدرب الشباب و توظفهم ...
دربوني على برنامج مأمور أصدار تذاكر الطيران و الحمد لله تخرجت و كنت الاول على المسار اللي انا فيه .. عموماً انا بديت الدوام و ما انسى نائب المدير يوم ناداني و قال لي انت سمعتك سبقتك , جميع المشرفين و المدربين يمدحونك و يثنون عليك انا فرحت و دقيت على المشرفين و شكرتهم ..
بعد مده من العمل في الشركة اللي انا فيها نائب المدير عيني مدير مشتريات .. تخيلوا من موظف اصدار تذاكر إلى مدير مشتريات & مأمور إصدار تذاكر [ قمه اللخبطه ] المهم قلت ابشروا , المهم أني أثبت نفسي بالشركة طلب مني المدير شغله و هي اني اجدد المطبخ بالكامل من كاسات و بيالات و فناجيل و غلايه مويه و كل شيء و أشتري طقم لعامل الشاي و القهوه و اشتري شويه اغراض ناقصه للمكتب من اقلام و دباسات و الات حاسبه .. طبعاً الموضوع هذا أخذ مني جهد 4 ايام و كنت اطلع في الفتره المسائيه لأن سواق الشركة يكون موجود وقتها ..
تفاجأت انه المدير زعلان مني ليه .؟
وصل له كلام اني اجي الليل نص ساعه و انحاش ما اداوم ..طبعاً انا كنت اجي في شفت المساء و آخذ السواق و نطلع نشتري , و القهر ان نائب المدير عنده علم بالموضوع اني اكون برى اشتري اغراض و لا تكلم و لا قال شيء للمدير علشان يوضح له الموضوع . و تفاجأت أن المدير ما عرف عن تعييني مدير مشتريات .!!!!!!
فكر الاداره عندنا سيء جداً .. و تفكيرها نفسي نفسي .. هذا اللي شفته بصراحه
قبل هذا الموقف تأخرت ساعه تقريباً .. كانت الساعه تقريباً 10 الصبح دق علي زميلي يقول لي وينك قلت له جاي للدوام . قال المدير سأل عنك و زعل انك مو موجود .. المهم انا جيت و عادي و لا فكرت فيه يعني تأخرت ساعه و اول مره من بديت الدوام اتأخر فقلت 100% الموضوع تافهه تأخر اول مره بحياتي و لمده ساعه ..
المهم يوم جاء شفت المساء كلمني المحاسب قال لي كلم المدير تراه زعلان عليك كثير قلت ليه زعلان .؟
قال يقول انك غايب 5 ايام .. انا توقعت المحاسب يمزح ..
المهم دخلت على نائب المدير و توني بأبدأ كلامي قال لي تراه المدير زعلان منك كثير قلت ليه قال يقول انك تغيب كثير و انك مهمل و انك ماادري ايش ..؟ انا استغربت ..
المهم انا واثق من نفسي و عارف أن شخصيه مديري ضعيفه و فالح بس يتكلم بالتلفون .. رفعت السماعه و كلمت المدير سلمت عليه و قلت له يقولون انك مغيبني 5 ايام قال لي لا ما غيبتك بس انت متأخر و هذا غلط .. قلت له انا تأخرت و شرحت له سبب التأخير ... بعدين شرحت له من اللي قال اني غايب 5 ايام قال لي لا ما عليك منه نصاب [ تخيلوا مدير و يقول كذا ] .. المهم رحت للمحاسب و انا هادي قلت المدير يقول عنك انك نصاب و انك جايب الكلام من راسك .. مسكني المحاسب و رحنا للنائب المدير قال نائب المدير ايه المدير يقول انك غايب 4 ايام .. قلت لهم مع ليش ..
المحاسب يقول اني غايب 5 ايام على كلام المدير ..
و نائب المدير يقول اني غايب 4 ايام على كلام المدير ..
و المدير يقول اني ما غبت بس تأخرت ..
أصدق مين فيكم ..
مع العلم أن عندنا نظام البصمه و قلت لهم خذوا برنت من الجهاز و تأكدوا من تأخري .. عارف نفسي انا 
المهم جلست في دوامه كل واحد يذبني على الثاني ..
يوم شفت انه ما حولي أحد .. قلت للمحاسب كل واحد فيكم يقول كلام من راسه و انا الزم ما علي راتبي ابي اشوفه كامل بحسابي نهايه الشهر .. و فعلاً نزل الراتب كامل لحسابي و الحمد لله ..
القطاع الخاص عادي تواجهه فيه اي مشكله مع العلم ان علاقتي مع الجميع اكثر من ممتازه اكثر من 100% ممتازه و كلهم يحترموني لأني ما اغلط على احد و مأدي عملي .. و هذي من مشاكل العمل ..
و للمعلوميه اعرف ناس كثير في القطاع الحكومي و يشتكون أضعاف ما نشتكي من مديرهم اللي فوقهم قمه التعامل السيء و الظلم ...
و في النهايه ما فيه أحد مرتاااااااااااااااااااااااااااح و الحمد لله على الصحه و العافيه ...
|
الله لا يوفقهم ""
حيااتي 
.......بس يكون فعلمك انو
حساب سمعت الدوله 
.....الله ياخذهم بس لو كل اجنبي يترحل 
العرض العادي
