اكيد مستغربين العنوان
السالفه ومافيها عباره عن فكرة مشروع
راح ادخل بصلب الموضوع مباشره لأني لا اجيد صياغة الاحرف بشكل جيد .
افكر اعمل مشروع في الصيف
لأني محتاجه مالا يقل عن 7000ريال لأكمال دراستي وحطيت املي بالضمان ولكن مطوله لحد ما اسجل فيه ويقبلوني وهالمبلغ لازم في 1 /10 يكون معاي كامل
عالعموم
انا رأس مالي 300 ريال وقد تزيد لتوصل 500
الفكره فيه هندي بحارتنا يغسل السيارات افكر اخلي احد يكلمه اسوي له شاي وقهوه وحلويات
واخليه يبيعها في الحدائق في الاجازه خاصتاً اني اعيش في منطقه سياحيه
بس ابغى افكار وش اسوي له كمان
قهوه وحلويات
شاي
انتم كملو لي اعطوني افكار لأن عقلي تسكر وش ممكن اسوي له اشياء ماتكون مكلفه مررره لن رأس المال قليل وتكون مطلوبه ومرغوبه لين مانكسب ..
وكم اعطيه دخل إذا وافق ؟
وشكراً