السلام عليكم ورحمة الله وبركاته

صبحكم الله بالخير

اول مره اطب في سواليف الكهربائيين "سيارات طبعا"

الموضوع ومافيه فيه ورشة كبيره عندنا وشغاله شغل محترم وسمعتها في الصناعيه ممتازه جدا

المهم فيه في ركن الورشه غرفه "كهربائي" عالشارع طبعا

وحاطين المحل للايجار "طبعا محل الكهربائي"

ورحت للباكستانيه امس كلمتهم عن المحل قالوا انت بس عطنا المحل وحنا بنجيبلك عامل باكستاني كهربائي من باكستان

وسالتهم عن دخل المحل تقريبا

قالوا حدود 10 الى 15 شهريا

علما ان ايجار المحل يتراوح مابين 500 الى 700 ريال

بالاضافه ان المحل "فاضي" وبتكلفني المعدات تقريبا 5000 ريال


________


ف وش نصيحتكم يالربع لان اول مره اطب في سوالف سيارات ومشكورين

والله يالغالي المحل اذا كان بمجمع وموقعه ممتتاز فانا انصحك تاخذه

ولاكن لاتخلي اعتمادك على العامل انت لازم تديره بنفسسك

ولاكن للعلم فتح محل كهربائي من الشرط وجود شهاده كهربائي سيارات من المعهد المهني


الله يوفقك

روح للبلدية قولهم ابي افتح محل كهربائي سيارات وش شروطكم ؟

عشان تعرف من البداية تقدر على توفيرها لان زي ما قال الاخ ممكن يطلبون شهادة من المعهد المهني !!
اذا طلبو منك الشرط شوف اي واحد من هالي متخرجين طلع بأسمه الرخصه وافتح المحل انت وقوله لك كل شهر الفين ريال واذا وافق ومشي الحال مباشرة سجل بالمعهد وادرس عشان تطلع الرخصه بأسمك

الله حيهم

المشكله يالربع اني ادرس الفتره الصباحيه "جامعة"
والفتره المسائيه اشتغل "شركه"

يعني اولا من ناحية الادارة يمكن أوكل اخوي والا اشوفلي طريقه حتى اتابع المحل

الشي الثاني وش ذا الشرط ؟! طيب واللي مو متفرغ عشان دراسة المعهد وش الطريقه ؟
مافيه طريقه منا والا منا نتخارج من ذا الشرط

والله لا يهينكم

مو قلت لك روح بالاول يمكن شالوه يمكن لسا ويمكن عندهم شروط جديده هالبلدية ما تعرف لها كل فتره تطلع بتعقيدات كأنك طالب منهم سلفه مو ترخيص

بعدين روح المعهد وكلم اي مدرس ترتاح له وقوله انك تبي الشهاده عشان تفتح محل مو تشتغل فيه يمكن تلقى منه افاده احسن

هذا الي قريته انا ان فتح محل لازم شهاده انت روح للبلدية ما تخسر كلها مشوار لاقرب بلدية قولهم ابي افتح محل ورشة ميكانيكا ابغى الشروط والطلبات وبس لو ما طلبو منك الشهادة خير وبركة لو طلبوها الله يعينك