السلام عليكم ورحمة الله وبركاته
تم ولله الحمد رصد تسجيل صوتي لمدير بأدارة الخدمات العامه بصحة مكة
جاء فالتسجيل اعترافه بأن الوظائف المعلنه مجرد وهميه وتحايل على انظمة بلادي وان الوظائف تم تعيين اشخاص عليها من حملة الكفاءه مما دعاه لفرض شرط التقديم مؤهل الكفاءه ورفضه قطعا للجامعيين والثانويه" وتم اكتشاف اسماء المعينين على تلك الوظائف لاثبات صحة الكلام على ورق
وتم اكتشاف احد الموظفين الاجانب بنفس الاداره من الجنسيه البرماويه
جميع ما ذكر بشهود يتجاوزون الاربعين شاب
للأسف لم يحسس بمن تكبدوا العناء من مناطق بعيده من شباب الوطن السعودي الاصيل
سوف تتم استشارة بعض المسؤولين لاجرائات رفع المقطع لهيئة الرقابه والتحقيق او الفساد الاداري
والتريث قليلاً قبيل نزول الاسماء للأثبات"

تم الاحتقاظ بالمقطع نظراً لخصوصية الموقع

[align=center]
مانقول غير حسبي الله ونعم الوكيل
الشكوى لغير الله مذله

$ يلى ياقلبي سرينا $
[/align]

معقوله فيه احد يعترف على نفسه ويضيع مستقبله؟؟؟؟؟

أطرحوه شدوه أمسكوه

ليتك سكت لين تطلع الأسماء ثم تنطلق
و الله الحين تلاقيه عرف السالفه

الله لايوفقه لادنيا ولااخره

اها هذي وظايف السايقين
سمعت بهالموضوع مع الشباب اثاريه انتم
الله لايوفقه لادنيا ولااخره
عساكم عالقوه والله الله بالتشهير"

(الواو) حرف من الهجا ايَت كتاب يضمها
لكنها تمردت واصبح لها قدر وجلال

كبرت وصارت (واسطه) والواصل اللي خمها
واللي عجز ماخمها يصبر على نطح الجبال

الله على خطابها صاروا عيال لعمها
كل(ن) يقدم شبكته يبغى من (الواو) الوصال

يدرون فيها ظالمه خالط حلاها سمها
لكن عربنا (قصروا) واليوم يبغون الكمال!

(الواو) للي مرتكي بنت وخفيف(ن) دمها
لامن بغاها جابها يقودها في سلك شال

والا الضعيف المشتقي يركض ولاهو يمها
لو جالها بيقودها تقطع جديدات الحبال

اكبر قهر كيف الردي رجولته ماتمها
والواسطه) تاقف معه (يالا) شغاميم الرجال

اللي ماعنده (واسطه) سعادته ماشمها
يبحث عن الحاجه جنوب وحاجته باقصى الشمال

هذي سلوم (الواسطه) ماحد(ن) بقى ماذمها
كل(ن) شكى من ظيمها واولهم عيال الحلال

تخيلوا قرده غزال اسبابها(الواو)امها
وان صارت(الواو)امها فالقرد بعين امه غزال

يعني عشان (الواسطه) كل(ن) تصير يهمها
مانيب ابالغ بالحكي (الواسطه) فوق الخيال

(الواسطه) عند العرب تفاخروا في سلمها
وبديرة الغرب تهبا ماحصلت فيها مجال

ملعون ابو (هالواسطه) هم وذبحنا غمها
ركض(ن) بلياها مثل ركض العليمي بالنعال

الله يكرَمكم أجل لاجا الأمر من فمها
قام الدجاج بلا حيا ياطا على خشم الجمال

ياليت يصحى سلمنا يفكنا من همها
كان النظام العالمي يكتب بجرأتنا مقال

ان الله لا يحب المفسدين .. مالنا الا الصبر وان شاء الله نبي نشوف عقوبتهم في الدنيا قبل الاخرهـ

,ماقول غير حسبي الله ونعم الوكيل
أخوي لو ماعليك امر ممكن ترسالي المقطع على الخاص صوتي اللي يدين هذا الشخص لو ماعليك امر

حسبي الله ونعم الوكيل