السلام عليكم
كيف الحال يااخواني المهم راح اسرد لكم اليوم اش صار معي بالضبط وكيف جيت اول واحد وخرجت اخر واحد
المهم انا كنت من الساعة 5 صباحا بمعهد حرس الحدود بجدة ودخلنا الساعة 5.30 تقريبا المهم
دخلنا المسرح وجلسنا الين ماجابو كشف الاسماء وتشوف رقمك التسلسي مثل ماهو اول مرة انا اول كان رقمي 2048 والحين 128 المهم جلسنا نترتب الطاولات وكل واحد بطاولة ننتظر الاختبار التحريري وقبلها سلمولنا ورقة صغيرة فيها المراحل اللي راح تسويها المهم ومن ضمن الخطوات
1- الاختبار التحريري
2- المقابلة الشخصية
3- الاختبار العملي
4-المسح الامني
5- اختبار اللياقة
المهم اول اختبار اختبرنا الاختبار التحريري الساعة تقريبا 6.40 وكانت مدة الاختبار 45 دقيقة
الاسئلة سهلة ومكونة من 40 سؤوال اخر 5 اسئلة انجلش سؤوال واربع خيارات انت تحط دائرة على الاجابة الصحيحة ومن ضمنها مسائل رياضية 3 او 4 مااذكر المهم هي سهلة وان شاءالله كلكم ناجحين بعدها ينادو بالارقام عشرة عشرة او عشرين عشرين وتروحو تعملو المقابلة الشخصية وقبل ماتعملو المقابلة الشخصية راح تقيسو الطول والوزن مرة ثانية بدون نظر المهم انا عديت وزن وطول ورحت عند الضابط واحد ابن حلال ملتزم اول سؤوال سألني يقربلك حاتم خيمي لاعب الوحدة قلت كيف يصير ولد عم الوالد المهم طبعا قبل لايسألني انا قلتلو هذي اخر فرصة لي ول ماانقبلت مراح احد بيقبلني قلي ليش قلت عمر كبير خلاص واخوك متزوج قالي متزوج قلت ايه وعندي طفلين قالي ماشاءالله المهم بدينا في الاسئلة قالي من هو وزير الدخلية من ومن نائبه و من وكيله وسالني اش هي سور الحمد اي اللي تبدأ بالحمد لله وكمان سالني حرس الحدود يتكون من قسمين اش هي المهم وكانن قلي اذكر قطاعات وزارة الداخلية وقلي كم بحر يوجد وقلي كمان اين يوجد مضيق باب المندق وقلي كمان مااعلى قمة في العالم المهم وفي اسئلة ماذكرها المهم وبعدها رحنا للمسح الامني ويالله سرا واحد واحد يدخل عند الرائد طبعا نسيت بعد ماتنهي الاختبار راح يسلمولك ورقة المسح الامني هي فيها تسجل بياناتك وشهادتك ووين سافرت قبل كذا وشوية اسئلة بالورقة مثل اش هي هوايتك وين تريد التدريب اش المجال اللي تبغاه بعد التخرج وتاخذها معاك عند المسح الامني المهم لمن دخلت قالي الضابط مرة ماعمرك سافرت قلت ايه والله قالي يالله روح للرائد قلت الله يستر اول سؤوال سألني قالي حاتم خيمي يقربلك قلت ايه ولد عم ابوي مادريت ان اسمي واسطة ههههههههههههههههههههههههههههههههههههههه
المهم قلت للرائد والله وانا اخوك سهلها علينا ترانا متزوجين واخر سنة قالي متزوج قلت اي وعندي طفلين اش تتوقعون سوا
وقع على الورقة وقالي اجتياز قلت الحمد لله الحمد لله ربي لك الحمد ورحت عند واحد مطوع وراني صورة عن الصلاة وينصحني وبعدها رحنا للميدان يالله 5 اشخاص وجري لفة في الميدان المهم ربيجابني مع 4 نحاف ويالله ادور اول واحد ماشفته ماشاءالله عليه المهم رحت اخر واحد وبعدها جينا نسوي بشم الحمدلله كنت احسن واحد وبعد تمرين البطن وختام
رحنا لمعمل الحاسب علشان نختبر اخر اختبار ننتظر ننتظر سرايا واحنا اخر ناس جا دوري دخلت المعمل وسالني اسئلة جدا سهلة افتح الوورد كيف تعرف خصائص الكمبيوتر اش احدث معالج اذكر امثلة على وحدات الادخال والاخراج اش هو دي دي رام واش الفرق بينه وبين الرامات الثانية وخلصنا
طبعا انا خرجت الساعة 12.30 م ويالله ادعولي بالتوفيق وحبيت انقل الصورة اللي واجهتنا كلنا اليوم واذا في اي اسئلة انا حاظر
وبالتوفيق للجميع

الله يوفقك اخوي وعقبال القبول النهائي
بس عندي سؤال الطول كيف يدققون عليه ولالا
انت عارف الطول ناقص سانتي واحد يعني يمشوني ولا اريح راسي واجلس عند امي

الف الف مبرووك دام خــتملك على الورقه اجتيااز..كويس مــا اغمى عليك..


شفت ناس ردوهم ..؟

قــالو انتظر رساله.. اعــطوك خبر وش تسوي المرحله الجايه..؟



والف مبرووك مره اخرى وعقبال الدوره.~

موفق اخوي وعقبال الدوره في سباحه

شـكرا لك وبارك الله فيك... لك مني أجمل تحية .

المفروض أول راتب لحاتم خيمي <<

بالنسبة للطول والوزن يدققون فيها ؟

الله يحفـظ لك اطفالك وفالك القبول النهائي إن شاء الله

مشكور وفالك القبول النهائي