السلام عليكم ورحمة الله
مااعارف اذا ممكن اعرض هالموضوع لكن انا حابة استفيد من تجاربكم

انا تخرجت الترم الماضي ولله الحمد بمعدل مرتفع وكان طموحي اني اكلم دراسات عليا في نفس تخصصي في اللغات والترجمة ولله الحمد انقبلت في ماجستير جامعة سعود
لكن كل من درى قام يقولي وش بتسوين بالماستر هنا هنا مابتستفيدين شي ونا والله من بعد ذا الكلام ونا محطمة

حلمي اشد حيلي ودرس واكون محاضرة بالجامعة بس كلا يحطم نفسيتي تعبت والحين افكر اني اقدم تاجيل للماستر انا لو كان بقدرتي اني اسافر برا كان سافرت بس ظروفي الحالية ماتسمح والكل يقولي مابتستفيدين ششي لاتعبين حالك والله تعبت
وشوي اقول الواحد لو يبي يميز حالة بيميز حالة حتى لو انشالله تعلم في بيته شورو علي وشكرا

وتولة أختي
مافي زي العلم لنفسك أنتي
وتنوير عقلك أدرسي أختي فيها ناس تتضايق من الدراسة وماتنصح فيها وفيها ناس حياتها
فالطبايع تختلف
إذن ياعزيزتي أختاري أنتي لنفسك ماترينه مناسب
واضح أنك ممتازة فلايضيع هذا التفوق سُدى وصدقيني تعبك مايضيع عند ربك وبكره راح تقوليلهم شوفو انا أيش صرت ..
أتمنى لك التفوق والسداد في خطاك ...موفقه

وعليكم السلام ورحمة الله وبركاته

ماشاء الله حلو عندك حماس باقي لدراسه ماشاء الله تبارك الله
بس لو انك ما اخذتي نفس تخصصك كان اخذتي تخصص غير علشان تنوعي
لكن تخصصك لغات والماستر لغات نفس الشي
بس اذا بخاطرك نفس التخصص حلو كملي وادرسي
وكلام الناس يمكن من لان حولهم ناس ماخذين ماستر ومافيه فرق بينهم وبين البكالريوس
لان حتى انا شفت ناس ماخذين ماستر وبعضهم من برآ وما نفعهم بشي

لكن هذا مو عذر علشان يهبط من عزيمتك كلا له رزقه ونصيبه
يمكن انتي رزقك احسن وتستفيدي من المآستر
مدامك معزمه استخيــــــــــــــــــــــــــــري وتوكلي ع الله وخلي عنك كلام النآس

موفقه ..

[align=center]
أختي العزيزة نصيحة من أعماق قلبي وفكري أقول لكي أكملي
وصمي أذنيك عن كل ما يقوله الاخرين حولك
جامعة الملك سعود من أفضل الجامعات في المملكة
وهذه فرصة ممكن ما تجيك مرة ثانية
ولو جاك السفر سافري
لكن تجلسين عشان يمكن وما يمكن
اسمحلي هذا غلط ترتكبينه بحق نفسك
بالتوفيق
[/align]

كملي دراستك هنا وبعدين لو معدلك مرتفع قدمي بنفس الجامعه تصيري معيده

كملي أختي ولآ تهتمي لكلآم احد هاذا مستقبلك وأنتي طموووحكـ تاخذي ماجستير ،، وإللي يحمونكـ اللحين بكرة رآح يمدحووكـ
بالتوفيــــق لكـ ..

كملي دراستك وماعليك من كلام الناس اللي مايوكل خبز
انتِ تبغين الدراسة وحابتها وآصلي الله يوفقك ولا يهمك وش قالوآآآآ

السلام عليكم
والله ثم والله ثم والله انكم اعطيتوني دافعة الله يبارك فيكم ويكتبلكم كل اللي تتمنوه (أترجه_ موظفة قيد التنفيذ - وحي البحر - لاندى ال بطالة - ممكن حل - متفائلة - فني اسنان ) يارب ماكون نسيت احد
الله يخليكم لكل من تحبون وتصيرون باعلى المراتب

طبعت ردودكم عشان تكون حافز لي مشكورين اتمنى افيدكم زي مافدتوني بيوم من الايام

رتولة الحمد لله وبأي وقت حسيتي انك متضايقة او متأزمه نفسيتك لاتروحين بعيد بافكارك علي طول اطرحي موضوع وفضفضي وابشري بالخيرر


وعطينا اخبارك اوول بأوول وانشاء الله ... حليفك الماجستير..