15-12-2007, 03:47 PM
|
|
|
|
تاريخ التسجيل: Sep 2007
المشاركات: 10,367
معدل تقييم المستوى: 0
|
|
|
...×× متـــعب الخــطوهــ ××...
ــــــــــــــــــــــــــــــــــ
متعب الخطوه
ــــــــــــــــــــــــــــــــــ
يامتعب الخطوه على الدرب لاهنـت
وشلون تحزن والشمـال بجهاتـك
جرب تمارس ضحكتك وين ماكنـت
واحزان عمرك سترها فـي عباتـك
الريح قامت وانحنت وانـت ماقمـت
ياحـي لاتنهـار قــاوم وفـاتـك
تبي ترد الريـح وتبعثـر الصمـت
ان مالقت بك روح شالـت رفاتـك
ياكبرها لاصاح داعيك وين انـت ؟!
وجا ينتخيـك ولالقـا الا عصاتـك
أدري وصلت آخر مدى الصبر وتعبت
مابه نكد فـي رحلـة الهـم فاتـك
وانا بعـد خاويـت الايـام وندمـت
الله كـم تشبـه حياتـي حيـاتـك
هذا زمان الهم .. والفقر .. والكبت
ماهو زمن سم .. وتدلل .. وجاتـك
اما انت في واقعك سلمـت وآمنـت
والا اعترضت وعشت في ذكرياتـك
يامتعب الخطـوه بوجهـك تمعنـت
لونك ظهر لي وادهشتنـي صفاتـك
لـو المرايـا منصفـه ماتلـونـت
كنت ابيض ٍ من مولدك لي مماتـك
بعض المرايا تعكسك مثـل ماانـت
والا بعضهـا مايـوريـك ذاتــك
الشاعر/ مهـــدي بن سعيـــــــد.....
التعديل الأخير تم بواسطة زيدان ; 15-12-2007 الساعة 03:53 PM
|
العرض الشجري
