20-06-2011, 09:37 AM
|
عضو جديد
|
|
تاريخ التسجيل: Jun 2011
المشاركات: 33
معدل تقييم المستوى: 28
|
|
سالفتي مع حرس الحدود من طق طق لسلام عليكم
السلام عليكم ورحمة الله وبركاته
صبحكم الله بالخير جميعا .....
انا حبيت اوضح لكم الصوره اكثر لان بعض الاخوان مو عارف وش راح يسوون معه في هذي المرحله زيي انا رحت وانا ماني عارف وش الطبخه ولا كنت متوقع راح يصير كذا بس الحمد لله ربك يسرها ثانيا انا مقدم علي وكيل رقيب فني الكترونيات طيران معي الكليه التقنيه الكترونيات صناعيه وتحكم ومعي دوره 6 شهور انجليزي شرايكم ما استاهل انقبل
المرحله هذي عباره عن 7 خطوات :
1. توزيع المتقدمين الي مجموعات علي حسب رقم الطلب .
2. الليقه البدنيه عباره عن 25 بشم و20 ضغط وجري 100 متر روحه رجعه .
3. الاختبار التحريري مكون من 30 سؤال 10 اسئله في تخصصك و10 اسئله عامه و10 انجليزي .
4. التعرف علي العناصر او الاجهزه او المعدات الي اخذتها بتخصصك .
5. تعبئة الاستماره .
6. المقابله رقم 1.
7. المقابله رقم 2.
والحين ابي اسرد لكم قصتي ..........
طبعا الحضور الساعه 6 جيت الساعه 6 الا ثلث احسب نفسي مبدر وجاي اول واحد لقيت امة محمد قبلي رحت وجلست مع الشباب في المنصه والعسكري قاعد ينادي بالاسماء علي حسب رقم الطلب حقك ويوزعهم مجموعات
انا يوم جيت لقيت العسكري مسوي كم مجموعه فما مضت خمس دقايق الا وهو قايلن اسمي فا فزيت مثل الحصان وصفيت مع مجموعتي الي هي بيان رقم واحد وبعدها اخذونا بدور علي شان نسوي الليقه البدنيه جينا لقينا المجموعات الي قبلنا الي سوي بشم والي سوي ضغط بطن والي يركض فصفينا خلف المجموعات الي قبلنا الين ما خلصو وقعدت استنى دوري نص ساعه وبعدها رحت لعند البكستاني جالس علي كرسي ومعه ورقه وقلم علي شان يقيمك طبعا الي يقيمون كلهم بكستانيه قالي سوى بشم خمس وعشرين مره وضغط عشرين مره وبعدها خلاني اركض مية متر تقريبا روحها رده وقالي خلاص صديق روح هذا الي صار معنا بالتفصيل بالليقه البكستانيه قصدي البدنيه وبعد ما خلصنا الليقه البدنيه اخذونا لقاعه كبيره علي شان الاختبار التحريري فوزعونا في القاعه كلن علي حسب تخصصه تختلف الا سئله علي حسب تخصصك الاختبار مكون من 30 سؤال10 اسئله علي تخصصك صح وخطا 10اسئله عامه صح وخطا 10اسئله انجليزي اختر
وبعد ما خلصنا من الاختبار التحريري اخذونا للمبني ودخلونا قاعات وينادون بالاسماء واذا سمعت اسمك تروح لغرفه فيها اثنين عسكر والله ما انتبهة لرتبهم كل ثنين يدخلون مع بعض وتقعدون علي الكراسي وبينكم وبين العس كر طاوله مليئه بالعناصر الالكترونيه ويقولك طلع لي مقاومه او مكثف او ملف من بين العناصر الي علي الطوله ويسالونك عن قيمة المقاومه و تقيس المقاومه بالالوان او بالفولتيميتر بكيفك وانا اقول لوتحفظ الالوان بترتيب يكون احسن علي شان اسرع واسهل انا خلوني اطلع المقاومه واقيسها وطلعت1 كيلو اوم بهذا الجزاء اتكلم عن تخصص الالكترونيات التخصصات الثانيه والله ما ادري وش صار معهم وبعدها رجعونا للمنصه وعطونا استماره تعبيه فيها السجل المدني الاسم الرباعي مواليد أي مدينه المدارس الي درسرت فيها الدول الي سفرت لها هوايتك الوظيفه الي مقدم عليه المنطقه التي تريد التعيين فيها كم ساعه في اليوم تستخدم الكمبيوتر وبعد ما عبينى الاستمارات رتبونا في المنصه واخذونا بدور للمبني علي شان نسوي المقابله الشخصيه بس للاسف طلعت مقابلتين مو مقابله المبني ما تدخله الا
تكرمون تنزل بوتك والشراب وتدخل المبنى وفي عسكري واقف علي باب المبني اذا دخلت يعطيك رقمك التسلسلي احفظه لان راح يسالونك بالمقابله عن رقمك عاد المرحله هذي الله يعينكم عليها راح تنتظر الين ما تمل واذا شبعت ملل يدخلونك علي المقابله الاولي راح يدخل معك ثنين من خوياك وكل واحد راح يستلمه مقدم وياخذ منه الاستماره ويسولف معك يشوف ردت فعلك انت تخزن انت ما دخن يا فلان انت ما تحب واذا انت سفرت يقول وش سويت بسفرتك وش عملت ويسالك عن فلان الي مقدم معك من نفس ديرتك والي من قبيلتك يقولك تعرفه واسئله كثيره بس انت خلك جريئ وتكلم بصوت عالي ولا تسكت وهم شي الثقه وبعد ما تخلص من المقابله الاولي راح تنتظر بعد الين ما تخيس المقابله الثانيه الي هي النهائيه واذا حان دورك تدخل بس انصحك لا تناظر للي علي الكتوف لانك راحت تتعب هم تقريبا خمسه كلهم رتب عاليه راح ياخذون اوراقك و يسالونك انجليزي انا اسالوني بالانجليزي وش عاصمة المملكه العربيه السعوديه واسالوني كم عمرك ووين ابوك وبعد ما تخلص من المقابله هذي تهج لبيت اهلك وهاي هي قصتي من طق طق لسلام عليكم وتوته توته خلصت الحتوته.
[align=justify][/align]
|
العرض العادي
