السلام,عليكم
انا عندي فكرهـ بس ابي احد يساعدني فيها
انا حابهـ ادرس اطفال يعني اعلمهم الكتابه والي يعاني من صعوبه بالنطق
<<ولد اخوي عنده صعوبه بالنطق
وانا صار لي فتره اعلمه وانا اشوف اذا كانو في اطفال كثير معه يمكن يتحمسون
والاعمار الي حابه ادرسهم من سن 5 الى 8 <او 10
ياليت تعطوني افكاركم<والي يبي ادرسه يطلبني بالخاص واعطيه الرقم
وعادي لو ماكان عنده صعوبه يعني لو تبون اعلمهم القران انا ماعندي مانع
ابي رايكم بصراحه على الفكره

الفكرة حلوة بس هل انتي خريجة تربية خاصة او ملمة بذوي الاحتياجات الخاصة بشكل عام لأن مثل ماتعرفين ذوي الاحتياجات الخاصة يبيلهم واحد طويل بال ويحب يتعامل مع هالفئة...

ع العموم الفكرة رائعة لكن ماأدري عن مردودها المادي هل هو مجدي أو لا ؟؟ولكن في الحركة بركة





وبالتوفيق للجميع,,,,,

اول شي انا مو خريجه شي
معي ثانويه وادرس الحين محاسبه مستوى ثالث
ومن ناحيه طولت البال انا بالي طووووويل مع الاطفال
ومثل ماقلت قبل انا ولد اخوي عنده صعوبه بالنطق
ومن ناحيه الدخل انا مايهمني بس مابي اضيع وقتي على الفاضي
والي بدخلون معي انا لمده اسبوع ابيهم يشوفون النتايج وبعدها يحكمون

السلام عليكم ورحمة الله وبركاته
مشاءالله اهنيك على طولة البال انا اعاني من ضيق البال
اما التدريس ممتاز ولكن ناظري. للعائلة لابد ان تكون العائلة محترمة

يآربيه قهر كتبت رد طويل وانمسح يآلا خيره ..

حبيبتي انا تخصصي تربيه خاصه ^_^
ولد اخوك اذا عنده صعوبة نطق سووله اختبار الشوكه الرنانه ممكن عنده ضعف سمع ..
واذا سمعه كويس ممكن يكون فيه احد في البيت يصرخ عليه ويفزعه وبـ كذا يسبب صعوبه في النطق والتأتأه وخوف وضعف وانهزاميه

واذا مافيه شي ممكن يكون تآخر نطق مو صعوبه وهذا شي مرتبط بالدماغ يعني سببه صعوبه في نقص الأكسجين اثناء الولاده .. الله يحفظه ويخليه لكم ..

ووو حبيت اقولك يالغلا ان هالفئه جداَ صعبه وحساسه وعيونك لا تروح يمين ولا يسار عنهم
لأن ممكن الطفل يكون عنده اكثر من إعاقه وانتي ماتدرين .. ممكن يكون مع صعوبة نطق عنده اضطراب في السلوك وممكن يأذي احد الأطفال الي عندك ويتسبب لك بمشكله وممكن يجيك فيه نسبة تخلف بسيط ماتقدرين تلاحظين الا اذا انتي متمرسه ودارسه

فـ انا افضل لك تآخذين فئة صعوبات التعلم لأنهم ناس طبيعين اللهم فيهم تآخر دراسي او صعوبه في احد المواد تقدرين تسيطرين عليهم غير كذا ماتخافين انهم ممكن يأذون بعض وتكونين مرتاحة البال إختصار للجهد والتعب ..
اي إستفسار حبيبتي انا بالخدمه ..

لبى قلبج ماتقصرين

الله يوفقك اخت ارجوان ويسهل امرك

ارجوان ....

ليش اخترتي صعوبات التعلم بالذات ؟؟ عشان ولد اخوك يعني ؟؟؟

كم بيت فيه طفل يعاني من هذه المشكله ؟؟؟ اعتقد مو كثير

طيب ما حاولتي تغيري الفكرة ؟؟

ارجوان .. ما عمرك قرأتي كرت دعوة فرح مكتوب في اخره :

نتمنى لاطفالكم نوما هنيئا ؟؟ <<< يعني لو سمحتوا ممنوع اصطحاب الاطفال للفرح

طيب ما قد شفتي معلمة تقول : يوووه مدري عن طفلي بيد الشغاله

جبت لك راس الفكرة كملي انتي عاد