تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
16-12-2007, 03:21 AM
|
|||
|
|||
؟بديل الدجاج؟
السلام عليكم ورحمة الله وبركاته كيف حالكم أخواني الكرام كل واحد باسمه <<<< وش عنده مسوي داخل عزيمة الصراحة الموضوع منقول منسوخ منتوف من اللاب توب حق أخوي لكن كتبة وأخرجته لكم بالزي السعودي البحت ... * * * والصراحة زي منتم عارفين الحين جالسين نسمع بأمراض لا حصر لها وش كثرها ومتعددة الأسامي.. وفي الآونة الأخيرة سمعنا بالمرض اللي جالس يحوفنا من جميع الجهات ونحن كنا إذا سمعنا به في أحدى الدول المجاورة نقول (( اللهم حوالينا ولا علينا )) * * * والحين طب علينا الله يكفينا شره مرض (( أنفلونزا البعارين )) أمزح معكم أقصد (( أنفلونزا الطيور )) <<<< يقولون اللي يصيبه المرض ينبتله في أبطه ريش وحنا يا الشعب السعودي والله لو يصيبنا أن تشوفون ربعنا كلهم يطيرون في الجو من كثر أكل بنات المذن (( الدجاج )) * * * وجلست أفكر بيني وبين نفسي والصراحة طلعت معي هالفكرة <<< نصاب الفكرة والله من الوالدة الله يحفظها لي طبعاً قبل كل شيء بقولكم كيف وشلون الفكرة <<< راعي طويلة برود الشمس * * * زي منتم عارفين الوجبه الرئيسية عندنا الكبسة اللي تنسيك كل تعب الدوام وهم الدوام وأصوات البزارين المتناثرة في كل فصل <<< بيعلمكم انه مدرس كالعادة أطلع من الدوام الساعة 1,00 <<<< أكيد البعض يحسدني في وقت الطلعة المهم أني أطلع وألقى الكبسة جاهزة الصراحة أنسى نفسي وأطب ((محيفرة)) لكن في أحدى الأيام وأنا داخل كالعادة بطبتي المشهورة وأطيح لكم في بركة من اللبن ممزوجتاً ببعض من السمن البري والصراحة كنت مستغرب وش الموضوع وش السالفة اتشمشم رائحة بنت المذن ولكن ما أشم ألا رائحة السمن البري.. تعرفون سعودي متعود على الكبسة ,, والله ويضيق صدري وأسأل أمي وش السالفة وش هذا ؟؟ وردت علي الماما <<< وش عنده الدلوع يكون لبن مخلوط مع سمن بري وشويت بصل للتكشين وقالت صاحي أنت تبي يجينا مرض 'الطنولزا' <<<< تعرفون نظام العجز فهمهم شوي بس الله يحفظهم لنا قلت لها أنا:: وش السالفة يا بعد سبدي وش طنولزته الله يحفظس ما دريت ألا أمي بالقدر حق الرز على خشيشتي وتقول لا يكون فيك مرض الطنولزا وقامت ولفت الغطوه على وجها كنها تبي تفحط على الدايري الجنوبي أمي : أم سليمان قالت لي ان في مرض جاء للسعودية اسمه (( طنولزا الطيور)) يخلي الواحد إذا جاء في الليل يعوي كنه ديك <<< أنا أخبر يسمى صياح الديك لا تدققون خطأ إملائي ولا بعد تقولي ام سليمان انه يطلع في الواحد ريش .. * * * أنا طبعاً يا شباب والله فاتح خشتي ولا أدري وش السالفة همي الوحيد هو وين الدجاجة المقلية.. والصراحة بيني وبينكم '' حاقد على أم سليمان هذي '' خربت علي أحسن وجبة في حياتي العلمية والعملية.. الصراحة جت في بالي فكرة (( إني أروح أجيب لي من برى غداء )) بس فكرة ما دريت إلا وأمي شايلتني مع علباي (( مؤخرة الرأس ))وقالت لي : أياني وأياك تطلع تجيب من برى غداء وفي النهاية رجعت للغرفة وأنا حزين جداً جداً,,, حتى النوم ما جاني جلست أفكر بطريقة لإقناع أمي بالدجاج ولكن لا كل أفكاري بائت بالفشل.. حتى وأنا جالس في الغرفة ما دريت ألا وأمي تناظر فيني وتقول تس تس تس وتذب لي حب حمام <<<< تسوي لي اختبار تشوف أنا صرت طير ولا لا لكن جاء في بالي يوم من الأيام أخذ ولد جارتنا سليمان وأعشيه ولا أغدية من هالمطاعم اللي تضبط الكبسةوبعدها أدق على أمه وأقولها ترى أكلت ولدس دجاج الحين بجيك كله مليان ريش * * * وفي النهاية لا يسعني ألا أن أقول يا شباب اللي عنده جارة زي جارتنا أم سليمان يحاول قدر المستطاع أنه يبعدها عن أمه,, ولا سوف يقع زي ما أنا وقعت فيه الآن كل يوم أجيب معي ربع حبه من المطعم وأخبيها بين دفاتر الطلاب<<< مساكين الطلاب تلقى دفاترهم كلها زفرة (( كشنه)) ولكم كل الشكر أحبتي الكرام المتابعة ولا تنسونا من تعليقاتكم حيال هذا الموضوع الشيق والذي تعبت يدي وتكسرت الكيبورد من طباعته.. على العموم أقدم عتذاري لأدارت المنتدى بغلطتي المطبعية __________________ 
|
|
16-12-2007, 03:38 AM
|
||||
|
||||
|
ههههه تسلم على السالفة مادري القصة ههههه المهم يعطيك العافية
|
|
16-12-2007, 03:41 AM
|
|||
|
|||
|
عادي من سمعنا خبر انفلونزا الدجاج طحنا اكل اكثر منه ومايصيبنا الاماكتب الله لنا
|
|
16-12-2007, 04:06 AM
|
||||
|
||||
|
للان واحنا بناكل دجاج
|
|
16-12-2007, 04:28 AM
|
||||
|
||||
|
|
|
16-12-2007, 07:33 AM
|
||||
|
||||
|
الله يعطيك العافيه وسعت صدري الله يوسع صدرك
|
|
16-12-2007, 07:44 AM
|
||||
|
||||
|
ههههههههههههههههههههههههه
|
|
16-12-2007, 07:54 AM
|
||||
|
||||
|
... لكن للعلم ...
|
|
16-12-2007, 08:29 AM
|
||||
|
||||
|
للعلم هناك أقوال تقول بأنه لاوجود لكل تلك الأمراض التي انتشرت في الآونة الأخيرة والتي سمعنا بها فقط ولم نرى الدليل عليها حيث أن هناك من يرجّح الرأي القائل بأنها مجرد حروب إقتصادية ونتمنى أن يكون ذلك هو الصواب،،،،
|
| أضف رد |
|
(( لا تنسى ذكر الله )) |
|
|
|
|
ما أقصد شي 
(مصاب بجنون البقر ) ... <<< بس وقتها ما ظهر المرض 
... <<< برضه ما أقصد شي 
العرض العادي
