16-12-2007, 08:02 AM
|
عضو سوبر
|
|
تاريخ التسجيل: Mar 2007
المشاركات: 332
معدل تقييم المستوى: 36
|
|
|
القائمة السوداء للشركات والتلاعب بالموظفين والموظفات ؟!!
السلام عليكم
موضوعي هنا بيكون عن الشركات الي واجهتوها وصار فيه تلاعب من ناحية التوظيف
او التلاعب بالموظفين او الموظفات في اي شركة او تكون تستغل موظفيها ؟!!
او تلاعب بشكل عام في العقود وغيره ؟!
فلنتعاون ونضع قائمة للشركات السوداء او اي قطاع خاص او عام ؟!
سجلو ::
1 - معهد النورس ( طريق الملك عبدالله ) و له فرعين في شبرا و البديعة .. اصحابه ( جواهر الحسين - بكالوريوس خياطه + ابو ياسر - من قرايبهم )
النصب : رواتب المدربات .. 1300 ريال بكالوريوس , دبلوم كلوووه .. ماقلنا شي .. اول ما يوظفونك يمسكون راتبك اول شهر كتأمين .. يعني عشان ما تتركينهم فجأة .. طبعا مايبلغونك بهالشي .. احتمال الفصل واارد في اي لحظة و لأي سبب بدون سابق انذار .. الأمر الاخر في فترات مافيه تسجيل يقولون لك روحي بيتكم اجلسي لين نحتاجك .. عشان يوفرون قيمة راتبك .. الأمر الأخير لو تركتيهم لأي ظرف طاريء مع العلم ان معك عذر قوي .. تبطين تاخذين حقوقك
2 - المركز الثقافي للسيدات ( فروعه في اغلب مدن المملكة ) لصاحبه / حسين القحطاني
النصب : الخصم عندهم اليوم بيومين ( طبعا ما يبلغونك بكذا اول ماتتوظفين يتركونها مفاجأه ) و غياب يوم السبت او الاربعاء تلقائي يخصم عليك الخميس و الجمعه ( بمعنى 150 ريال - باعتبار ان رواتبهم 1500 ) غير كذا الدوام واحد 1500 و لكن دوامين 2500 ( الغريب انه لو جابو موظفتين وحده صباح ووحده مساء بيدفعون 1500 لكل وحده = 3000 !!!! ) .. غير كذا فيه حفله يسوونها كل شهر تقريبا خخخخ .. الاستاذ حسين القحطاني يجتمع بالموظفات داخل المعهد .. في احد المرات جمعوا صلاة المغرب و العشاء .. ما انتهى الاجتماع الا الساعة 10 !! طبعا الاجتماع يتم داخل المعهد و بحضور جميع الموظفات .. و ميانه و سوالف و هيك و طووووط
3 - معهد النهل ( يديره اثنين مصاريه محمد هلالي + خالد بيومي ) تحت اسم صاحب شركة مقاولات / هشام الزرعه ( لهم فرع اخر في حي المروج بمسمى مختلف - معهد ايتانا )
النصب : اولا ما فيه عقود بتاتا البته .. و تتكرر نفس المأساة السابق ذكرها .. اجتماع بالموظفات و لكن هنا مع المصري خالد بيومي .. الرواتب تنزل متأخره من اسبوعين الى شهر .. مستحيل قبل .. بمعنى انه راتبك لشهر يناير ينزل في 20 فبراير مثلا .. وراتب فبراير في اخر مارس ...الخ
طبعا الغياب يخصم مباشره .. عندك حالة وفاة .. بتموتين انتي .. مالهم شغل .. طبعا يتكرر الحال هنا مثل النورس .. لو تركتيهم فجأة لأي سبب مالك حقوق بتاتا البته << جازت لي
برضو فيه القارات و طريق المستقبل .. سمعتهم سيئة جداً .. لكني ماحبيت اغامر و اجربهم
بالنسبة للخبرة اذا تبينها رسمية من الحكومة .. لو دوامين اووكي .. لو دوامك واحد يعطونك خبرة سنة عن سنتين .. لأن دوامك أقل من 6 ساعات .. ( المتعارف عليه دوام المعاهد 4 ساعات )
000000000000
شركة أبتكار(مجموعة الفيصليه)
أستغلال للموظف السعودي بقوة
كلمة حق شركة الزلمات الأولى.
00000000000000
معهد الكافي للحاسب الآلي
موقعه الرئيسي بالرياض وهناك عدة فروع له بالمملكه
طبعاً انا كنت من الموظفين السابقين له بالدمام
تاخير في صرف الرواتب لفوق الـ 3 شهور واذا نزل ينزل لك راتب شهر واحد والباقي الشهر الجاي
خصم تامينات الاجتماعيه وهم في الاساس مش مسجلين الا بالرياض فقط وباقي فروع المملكه مافيش.
ادراتهم طبعاً مصاريه علشان كذا وضعهم مزري للغايه.
اللي يبي يدرس عندهم يصبر على الشهاده حتى تجيه شهر او ثلاث اسابيع.
بعض الاحيان يطقون لك كم مقرر من راسهم واذكر على بداية الاسهم ووقته الفعلي اقترحوا علينا فتح كلاس خاص بالاسهم وجابو واحد يدرس المنتسبين بس علشان عندهـ كم قرش في البورصه الامريكيه.
غير التعامل البايخ والاكل في حقوق الناس .
00000000000000000
اضيفوا للقائمه .. مكتب مستشاري للخدمات الاستشاريه وصاحبه المهندس عادل البداح / مدير مكتب استشارات هندسية
تلاعب ونصب سواء بالموظفات او بالقوانين
كمجموعة عملنا مده 3 شهور الا كم يوم ماسلمنا خلالها الا نص راتب الشهر الاول
وتلاعب مع مع وحده من الموظفات وطلع لنا استقاله جماعية من راسه
والى اليوم وماسلمنا البقيه ومازلنا في دوامه معه ومع مكتب العمل والله يعين
يقدم دورات متنوعة وللاسف انها مخالفه كونه غير معتمد وشهاداته اللي يقدمها مختومه من المكتب نفسه
يعني بلا مرجعيه موثقه
والمدربات الله بالخير خريجات ثانوي وبكالريوس تاريخ ..
000000000000000
أضيفوا عندكم ..
شركة الخليج للتدريب ( نيوهورايزون )
الشركة بشكل عام فسادها الإداري وصل لمستوى عالمي لكن راح اتكلم عن فرع واحد فقط
فرع الجبيل :
الادارة الرجالية .. حسين الكيني ( كيني الجنسية )
في مكتب العمل يظهر بدور محاسب وبالحياة اليومية هو مدير الفرع وهو الكل بالكل
والكل يعرف بكذا والمصلحة فوق القانون
الادارة النسائية .. بثينة الخاطر
خبرتي بالعمل هي 4 سنوات .. وجربت جهات كثيرة من الشركات الخاصة
ولكن شركة الخليج لا منافس لها في مجال الفساد الاداري .
ماراح اتكلم عن غيري بالشركة وابتكلم عن نفسي فقط ..
فترة التدريب بالشركة هي 3 أشهر بعدها يتم توقيع العقد , عملت بالشركة مدة تقارب 6 أشهر
بدون وجود عقـد ولا عندهم نية عقد أصلا , وفكرة الشركة هي كسب موظفات اكبر مدة ممكنه
بدون توقيع عقود تلزم الشركة بتأمين صحي لهم وبدلات نقل وغيرها من حقوق الموظف .
خرجت من العمل حسب موافقة إدارية بإجازة محدده المدة وعدت لعملي لاجد نفسي مفصولة
وتعيين 3 أجنبيات بدلا مني رغم ان المدة لم تتجاوز أسبوعين .
وسبب الفصل انه مايوجد لي عقد عمل يسمح لي بالاجازة رغم حصولي على توقيع اداري على طلب الاجازة
الى اني لا املك نسخه من هذه الموافقة .
سنتين وانا اطالب بحقي من هذه الشركة تضررت كثير كثير كثير لمجرد اني وقفت بوجه الظلم
الي فرضوه علي بنت بلدي والمدير الكيني .
خسرت وظيفتي و خسرت سمعتي بين صاحباتي وخسرت زميلات العمل .
تعرضت للقذف في مكتب العمل وتمت الاساءة لسمعتي وسمعة عائلتي
من قبل هؤلاء الأثنين .. وكل هذا بسبب وظيفة !!
ولكن أن كنت خسرت الدنيا كلها فإن شاء الله هم راح يخسرو بالآخرة
وهذا الي يخليني أصبر .. ويابخت من بات مظلوم ولا بات ظالم
راح يصدر الحكم في 25 / 1 / 1429 هـ
دعوآتكم لي في هذه الأيام المباركة
00000000000000
احب اضيف الي عندي
1- الاكاديمية الفرنسية للتجميل بالملز لصاحبها
العثيم للمجوهرات / الاكاديمية تعطي دورات ميك اب وطقته وانواع الغش على البنات
كعدم اعطاءهم المنهج كامل عدا عن الرسوم الباهظة بقوه واستقطاع جزء من الراتب
اذا وظفوك عن طريقهم
عملت فيه كااستقبال وقتها ماكنت اعرف حقوقي ولا وش لي او الي علي استغلوني
لدرجة كنت اداوم من 10 ص الي 8 بالليل بدون عقد ولا حتى ورقة تثبت اني اداوم عندهم
وبعد اسبوع وشوي فصل نهائي بدون اي سبب ليش؟!!! الحمد لله الي فكني منهم
لبنانيات كلهم ماعليهم
شرهة .
برضو مااخفي ان فيه شركات ومعاهد تتلاعب بموظفينها
بدون علم صاحب الشأن الاكبر والموية تمشي من تحته .
000000000000000000
المعاهد وما ادراك ما المعاهد
بخس حقوقك عيني عينك
انا اول ما تخرجت كنت متحمسه على الوظيفه وتحطمت والسبه اكاديمية الفيصل العالمية تخيلو قدمت عليهم ودقو علي وسويت مقابله وكل شئ بعدها المديره سوت لي مقابله ويوم شافتني
متحمسه للشغل تحسبني ضعيفه وبطيعها قالت لي احنا محتاجين مدربه للاطفال فعادي تشتغلين شهر تجربه مجاني واذا اعجبتينا
رسمناك ووعطيناك مميزات قلت لها طيب وشي المميزات ؟؟ قالت نتكلم عنها في وقتها
قلت لها لا ( لاني حسيت السالفه فيها لعب وبعدين خير اشتغل لهم ببلاش وهم ماخذين فلوس من هالاطفال لو انه جمعيه خيريه قلت اجر بس في هالطماعين الي الدوره عندهم ب2000!!!! )
اقل شئ تقول نوقع معك عقد شهر اذا كنتي كويسه كملتي واذا لا خذي حقوقك وروحي
من متى الشغل في المعاهد تطوع ؟؟؟
الموهم يوم رفضت قالت اجل سوي درس نموذجي قلت وظائف عنكم ما ابي الله يغنيني عنكم يعني كان بامكانها من البدايه تقول درس مو شغل ببلاش الله حسيبهم
00000000000000000
شركة الاقتصاد العالمية
الله يرحم من عالميه ايه هين
انصب شركة ... قريت لهم اعلان قبل رمضان وظائف فورية في جريدة الرياض .. ورحت عندهم وقدمت اوراقي ووعدوني خير ومرمطوني اول اسبوع من رمضان وقالوا لازم دورة وادفعوا فلوس ويوم دفعنا الفلوس ودخلنا بهالدورة قالوا الـ 15 الاوائل هم اللي راح يتوظفون رسمي ويكون لهم راتب من 4000 - 6000 وبدالات وهالشغالات اللي يغرون فيها خلق الله والوظائف ادارية ... وطلعنا من الـ 15 والحمد لله ... ويقولون خلاص تعالوا داوموا بعد العيد ونتصل بهم بعد العيد وجاردين فينا الى الحين الله لايوفقهم مديرهم العام د.محمد عمر العتيبي مع اني اشك بمصادقية الدكتره اللي عنده ...
وكل مااتصل عليهم كل يوم يرد صوت شكل مره سعودي بزر ويغازل بنات خلق الله ... ومره لبناني اذا سالته وهاوشت يقول ايه ايه مع حقك بس احنا نجهز لكم مبني كثير حلو ... اي مبنى ياعمي الله لايوفقكم لادنيا ولا اخره ... والله يخارجنا حتى شهادات حضور مااخذنا او اي شي يثبت اني حضرت هالدورة عشان انتفع فيها ...
حسبي الله عليهم ....
000000000000000
بخصوص شركات التوظيف لانهم بالحقيقه
هم اساس النصب والاحتيال على شباب هالوطن الله لا يوفقهم وراح اذكر لكم قصتي
مع مكتب خلدا للتوظيف بحي الملز شارع الستين ..
هالمكتب المفروض يسمونه مكتب النصب والمغازل العالمي ...
المسئول عن التوظيف شخص مايخاف الله اسمه منصور الظفيري ونائبه سوداني
مستغلين هالمكتب لمغازل البنات واللي مو مصدقني يروح لهم ويشوف .. ينقعون الشباب
في الصاله بالساعات واذا دخلت بنت تقدم تقامزوا من مكاتبهم وضحك وتميلح ..
مشكله هالمكتب باختصار انهم نصابين بمرتبه الشرف .. يلطعون بالشباب وتسحيب
ومقابلات وحوسه ولا سئلتهم وش الوظيفه قال وظيفه ممتازه وراتب عالي وبالاخير
بعد التسحيب والقلق يقول لك مندوب وانسى شي اسمه ترسيم انا اكثر من 6 شهور اراجعهم
حسبي الله عليهم اختبارات وحوسه ومواعيد بالشهور وبالاخير يقول مندوب مبيعات بشركه ملابس
دوامين والراتب 1500 ريال ؟
نصيحه يا شباب لا احد يقرب هالمكتب وانصح الاخوات خاصه يبتعدون عن هالمكتب لانهم
وربي ناس ماتخاف الله وسبق قريت مواقف كثيره من اخوات في منتدى بطاله يشتكون من موظفين
هالمكتب .. وهالكلام اقوله وربي يشهد علي ماكذبت بحرف .. راجعتهم انا واحد الاخوان من 8.30 الى الساعه 11
الظهر وكل ماسئلنا وين الظفيري عشان المقابله قالوا ما جاء بالاخير دخلت بنت لثمه ومخصر وعطورات
تقدم الا ابو الشباب طالع من المكتب زي الخبل ويدخلها مكتبه ؟
الحمدلله انا توظفت بوظيفه طيبه من توفيق الله ثم دعاء الوالدين ... ربي لا يبارك ولا يوفق
هالمكاتب الحراميه
0000000000000
</B>
للامانه مـنـقــول بس حبيت تستفيدون والناس تأخذ بحذرها من الظلم والاستغفال اللي حاصل
|
العرض الشجري
