المشاركة الأصلية كتبت بواسطة إنجليزكو

حبيت أخبركم ان النظام القديم في المقابلات الشخصية انتهى..

ما صاروا يسألون أسئلة دينية او عن الحاسب أو اسئلة تخصصية مية بالمية مثل اكمال فراغ و اختيار الاجابة الصحيحة..

الطريقة الجديدة فقط البحث عن السمات الشخصية في المتقدم للوظائف التعليمية..

كلها سوالف حتى يشوفون اذا المتقدم للوظيفة التعليمة قادر على الحوار و الاخذ والعطاء و هل هو بصحة تامة وبكامل قواه العقلية..

مثال للي حصل العام الماضي في المقابلة الشخصية:


: عرف عن نفسك ( اعطنا سيرتك الذاتية)

وش استفدت من تخصصك؟؟

من درسك المادة الفلانية...

بأي مدرسة تدربت ؟

وش المشاكل الي واجهتك في التطبيق وقدرت تحلها..عطنا مشكلة وحده مع حلها.

كيف تضبط الفصل..

طالب مشاغب كيف تتعامل معه..

وش تسوي في وقت فراغك ؟

وش المواقع الالكترونية الي تدخلها ؟

تتابع الاخبار السياسية او لا ؟؟ وش اخر خبر سمعته؟؟

وش ناديك المفضل؟

طالب رمى عليك نعال وانت تشرح ..وش تسوي ؟؟

خلال فترة عطالتك وش استفدت ..

هل سبق ان عملت في مدرسة اهلية..

وهكذا الاسئلة.. كلها سهلة إن شاء الله.. هذا ما حصل معي ومع زملائي..