المشاركة الأصلية كتبت بواسطة توتة احلى بنوته

فخر وطن وكودي مارتن و حالة نفسي
هل فعلا تعتقدون ان سواقة السيدة للسياره امر مشين كيف طيب وركوبها وخلوتها مع سواق غريب مانعرفه ولا نعلم عن نيته شيئ امر عادي للاسف انكم مازلتوا تفكرون به الطريقه
لايجي احد ويقول اخوها يوديها ويجيبها .. تسعين بالميه من الاخوان يذلون خواتهم علشان المشوار الواحد ويعجل فيها ويهبل بها قبل واثناء المشوار هذا اذا كان عندها اخو او اب

بالنسبه لي انا مابي اسوق مو عشان شي بس لاني خووووووووووافه بس ودي اجيب سواقه فلبينيه او اي شي المهم اركب معها وانا مرتاحه وبنتي توديها للمدرسه وتجيبها وانا مرتاحه
الان اغلب الاسر الام فيه تكون موظفه والاب كذلك وياله وعساهم يوفرون دخل جيد للاسره في الضروف المعيشيه الشبه خانقه طيب من يجيب البنات من المدارس السواق الي الله وعلم وش المصايب الي مسويها في ديرته وجاي متخفي هنا
انا فعلا مدري ليش ها الموقف ليش تمنع سواقة المراءه على انها مو حرام ولا فيها مفاسد الي تبي الشر بتوصله
ومعتقد ان فيه مفاسد اكثر من الي نشوفها بالاسواق والاماكن العامه حتى خارج السعوديه

وانا عموما ضد العلمانيه بكل صورها واشكالها والحمد لله محتفضه بحجابي وغطائي وحتى لو اسافر بره ولا يهمني احد لاني مقتنعه بضرورة الحجاب وغطاء الوجه بذات
ولو ايدت وناشدت بسواقة المراءه فهذا لان ايجابياتها اكثر بكثير من سلبيتها غير كذا ان الشرع اجازها مو لاني غبيه واركض ورى العلمانيه والوناسه

ياليت تتكلم باسلوب ارقى هذي ارضنا ووطن مثل ماهي وطنك وارضك وومثل ماتذكر حديث الرسول علية الصلاة والسلام بطاعة ولاة الامر ياليت تذكر بعد حديثه عليه الصلاة والسلام بان النساء شقائق الرجال ياليت تتعمق اكثر بنظرة الدين للمراءه