::راقي العليا ::

الله يعافيك عندي كم سؤال وبتعبك ، وعآد تحملنــآ ..

1- الأن الكشف الطبي هل تقدر تطلع عليه وعلى نتائج ولا راح يكون مغلق بظرف .!؟
2- الأوراق المطلوبــه والي ذكرتها جميعها نجيب نسختين منها ولا نكتفي بـ " ببطاقة الأحوال ، والوثيقه فقط " .؟
3- الورقة التي تتكلم عنها ( 10 صح وخطاء ) .!! ( هل تقصد ورقة هل كنت ملتحق بأي دائرة حكوميه او مؤساسات ومعاهد ) .؟
4- بالنسبـه للأوراق الي معنا نقدر نخرمها ونحطها بـ الملف ولا؟ لان خوفتي اخرم شيءواروح هناك واتورط .!! ( عاد هالسؤال غبي لكن والله من كثر مانشوف صرنا نوسوس ههههه ) طبيعي دام فيه ملف فـأكيد انها بتتخرم


وبيض الله وجهك

الله يحييك ويعافيك يالشهري

بالعكس يالغالي أتمنى وأفرح والله إني أفيدك

بس للعلم تراني خلصت المقابلة في منطقة تبوك

اقتباس:

المشاركة الأصلية كتبت بواسطة alshehri 1- الأن الكشف الطبي هل تقدر تطلع عليه وعلى نتائج ولا راح يكون مغلق بظرف .!؟

نعم تطلع عليه مكشوف

اقتباس:

المشاركة الأصلية كتبت بواسطة alshehri 2- الأوراق المطلوبــه والي ذكرتها جميعها نجيب نسختين منها ولا نكتفي بـ " ببطاقة الأحوال ، والوثيقه فقط " .؟

تبوك طلبوا منا لكل الأوراااااق صور عدد 2 نسخة
كشف - مشهد - طلب توظيف - ... إلخ

بالإظافة للوثيقة وللهوية + وخذ صور شخصية يمكن تحتاجها

اقتباس:

المشاركة الأصلية كتبت بواسطة alshehri 3- الورقة التي تتكلم عنها ( 10 صح وخطاء ) .!! ( هل تقصد ورقة هل كنت ملتحق بأي دائرة حكوميه او مؤساسات ومعاهد ) .؟

بالضبط مثل ما ذكرت ورقة الوظائف

اقتباس:

المشاركة الأصلية كتبت بواسطة alshehri 4- بالنسبـه للأوراق الي معنا نقدر نخرمها ونحطها بـ الملف ولا؟ لان خوفتي اخرم شيءواروح هناك واتورط .!! ( عاد هالسؤال غبي لكن والله من كثر مانشوف صرنا نوسوس ههههه ) طبيعي دام فيه ملف فـأكيد انها بتتخرم

ههههههههههههههه لا لا تخرمها خذها زي ماهي وهناك يقول لك وش تسوي إذا كانت زحمة

إنت في تبوك ؟

لأنه في تبوك الموظف بنفسه من خرّم الأوراق ورتبها بالملف

والسبب يمكن ما كان فيه زحمة بالفرع وقتها

اقتباس:

المشاركة الأصلية كتبت بواسطة alshehri وبيض الله وجهك

و وجهك الله يسلمك ويبارك فيك

إعذرني لتأخري بالرد


وأي استفسآر ..


: )

الله يوفقك يـ شيخ وين مارحت ..

والله يـ أخوك اني بـ الرياض وعاد تعرف الأعداد هنا وغالبيه المرشحين بمدينه الرياض فـ العدد مهوول شــوي ، لكن عسى الله ييسر لنا ولكم يـ اارب .. راح احرك على الساعه 11 نأخذ الكشف وننطلق للوزاره ..
مشكور حبيبي على تجاوبك ، والله لايحرمك الأجر ..
لآهنت انا افدا خششمك

الدفعه الثانية 381 الوظائف التعليمية
شباب انا توى مختار منطقه المدينة المنورة للمقابله الشخصية وتطلع لى رساله راجع ادارة مدينتك في الفقرة الثانيه من البرنامج علما انه لا يوجد تاريخ احددة لموعد المقابله او وقتها. نامل التوضيح .

الصقر أنا مثلك والله ومختار المدينة ممكن تتواصل معاي لاني رايح الادارة

ياشباب انا فاتني التقديم على المقابلة .
هل هناك موعد اخر ؟
تكفون بشروني بخير.
مع العلم اني طابقت البيانات في الخدمة المدنية بعد ما طلع اسمي في جدارة.

راقي العليا

هل سلمت أوراقك للخدمة المدنية بتبووك ؟


لأنهم رفضوا يأخذون مني الأوراق ؟

وقالولي تجيك رسالة ؟

وبالتوفيق لكـ

والله انا رحت اليوم فرع الخدمه المدنية بـ الرياض لتسليم الأوراق تفاجئت بأنهم نزلوا قرار بـ رفضوا استلام اي ملفات من الطلاب الي اجروا المقابلات الشخصيه الفتره الاخيره ، بحجة أن " الفلاش مومري " تبع أسماء المرشحين ونتائج المقابلات الشخصيــة لم يتم استلامها من وزارة التربية والتعليم إلى هالوقت بسبب اللخبطة الي صارت اليومين الي فاتت ، وطلبوني أمرهم يـوم السبت .. حسبي الله على من كان السبب ، انتهت الإجازه وحنى ماغير بكره في بعده :@


واللــه حـاله .!!

[align=center]