السلام عليكم

أختكم عاطله مع ختم الجودة
قلت بااطلع فمشروع أبيع زيت زيتون فلسطيني التنكه فيها 15 كيلو وأبيعه بـ650 ريال

بس إني حددت للشرقية لإني أعرف سواق ممكن هو يوصل للي مايقدر ياخذها مني

صار لي اسبوعين مااحد عطاني وجه

على ان الزيت مضمون وواضح انه اصلي بس مااحد عبرني

قلت باابيع بالكيلو 3 كيلو بـ 150 نفس الشي مااحد عبرني
دلوني وش اسوي

ليش ما تحاولي تتعاملي مع المطاعم خصوصا الشاميه منها حاولي تبتكري اي حاجه عشان تصرفي الكميه هاذي
وع فكره قبل ماتدخلي اي مشروع حاولي تدرسيه من جميع النواحي وبعدها جربي بكميه قليله جدا


الله يوفقك

هلا اختي لاتبلشششين بزيت الزيتون كله خير و بركه ورزق ان شالله ينباع

هذا الرابط إن شاء الله تستفيدي منه

https://www.btalah.com/t325592.html

اختي الغاليه اسعد الله صباحك

اولا اختي انا اشوف ان بيعك بالكيلو صعب جداً

ولاكن عندي فكره وان شاءالله تفيدك

ليشش ماتوزعينها في علب ماء صحه ابو نص او روحي لمحل البلاستيك وابحثي عن علب مثل اللي بالصوره



ووزعي الزيت في العلب وشوفي الكيلوا كم يطلع علبه

واذا ناسبك البيع باااقل سعر لو تبيعين العلبه ب5 ريال

وحاولي توزعينها على خواتك يبيعنها على جاراتهن وانتي حاولي تروحين بها لجيرانكم وان شاءالله يمشي

زيت الزيتون مطلوب ولاكن اغلب الناس يبحثون عن الشي الرخيص

اتمنى اني افدتك

والله ماعندي حل إلا تتصدقين فيه وتمرخين عمرتس قبل النوم ههههههههههه

الله يرزقك يآرب والله يا أني مت ضحك لما قلتي توهقت فيه، لكن مثل ما قال لكِ الأخ حزن الجنوب عليكِ بالمطاعم

ولكن بيستغلونك وبيكسرون سوقك.

وعليكِ بالعطارين إذا تعرفين محل عطار ثقه ومضمون تراهـ بيمشي لكِ السلعة وأعرضي عليه نسبة من المبيعات.

بالتوفيق وشكلي بأخذ منكِ عشان أتدهن فيه هههههههههه

[align=center]
أختي بسمة رغم الألم أنا ماحبيت أشوف موضوعك وأخرج بدون تعليق
مارح أزيد على كلام الشباب والشابات قبلي وإليك بعض مقترحاتي :
1 - تشوفي لك عيله محتاجة وفيهم شايب والا عجوز وتصدقي بكمية حتى لو كانت بسيطه فربما عنت الكثير لهم .
2 - زي ماقال عزوبي متزوج وزعيهم في عبوات أنيقة شوي .
3 - إختاري كم بقالة وكم محل عطارة خصوصاً المحلات اللي لسا أهلها فاتحينها ويقولون ياهادي وأعطيهم الكميات بحيث إنك تبغين في كل قارورة مبلغ ( أحسبي خراجك والفائدة بسيطة ) وهو وشطارته ولا تطلبي يحاسبك كاش ولكن كل نهاية أسبوع أو حسب ماتتفقون يمر عليه أحد من أهلك ويجردهم عليه لأنك لو طلبتي كاش مارح يشتري منك و الشاطر فيهم بيوافق ويقبل عرضك أنا أقولك ليش :
لأنه راح ياخذ بضاعة بلاش يعني مثلاً إنتي طلبتي في كل قارورة مبلغ ( 5 ريال ) لو باعها هو ب ( 6 ريال ) يبقى كسب ريال بدون خسارة لأنه كذا كذا دافع راتب وإيجار ولو لا سمح الله ما إتباعت معه مو بخسران شي اللهم رح يفرغ لك رف وبس .
4- ياسلام لو تعرفي تسوقيهم للمشايخ اللي يقرون على الناس الله يكفينا وياكم شر السحر والعين لأنهم يستخدمونه كثير ( هذي النقطة ركزي عليها ) .
5 - خلي عندك كم كيلو ( كمية بسيطة ) سوقيهم عن طريق النت في المنتديات النسائية ومنتديات الطب البديل وأي منتدى بحيث إنه لو مشت معك تكوني مشيتي خطوة نحو التجارة الالكترونية ولو مامشت إن شاء الله واحد من العطارين أو أصحاب البقالات اللي خبرك رح يطلب منك كميه لو صرف اللي عنده .

طبعاً قبل كل شي توكلي على الله ولا تستعجلي وتصرفيهم بخسارة .

أتمنى لك كل التوفيق أختي
[/align]

اختي الكريمة ...

المطاعم لن تأخذ منك الزيت لان الزيت زيتون الفلسطيني يعتبر اغلى زيت موجود

والمطاعم لا تشتري الغالي بل تركز على الزيت السوري والاردني باعتبارهم اقل جودة وارخص ثمنا ...

الان كم الكميه اللي عندك ؟؟؟ و وين بالضبط باي مدينة ؟؟ بالشرقيه مثل ما فهمت ؟؟

اعطيني كافة التفاصيل

طالما فزعتي فيني ابشري ... لك علي اسبوع وانتي بايعتهم

لا يضيق صدرك وانا اخوك

أشكركم كلكم على تفاعلكم وآرائكم

الأخ تسويقار
الله يعطيك العافية كنت حاسة إنك حتساعدني

أنا فالشرقية عندي خمس تنكات

تبي بعد ماعندي مانع

طيب حاضر ولا يهمك ...

ابشري بعزك وانا اخوك ...

ارسلي لي على الخاص كل التفاصيل ... اهم شي انتاج سنة كم ؟؟ وكيف اقدر اخذها منك ...

اقتباس:

تبي بعد ماعندي مانع

ما تتـوبــي ابــــــد ؟