نعم اصبر و ركز على الدعايه و غير في الاصناف و ستجد تغيير ان شاء الله
هل موقعك بعيد عن الحركه؟

اصبر نعم
لا تستعجل
هل موقع محلك بعيد عن الحركه؟؟

جاتني فكرة يمكن تساعدك روح للعمائر الي فيها مؤسسات ومكاتب اعرض عليهم انك تجيب لهم عامل قهوة يعمل القهوة الي من محلك مقابل مبلغ شهري 1000 ريال او 1500 ريال قيمة القهوة + العامل .

تقدر تبلور الفكرة بشكل افضل بحيث تجي لهم اول يوم ومعاك عينات من القهوة والشاهي عشان يجربونها ولو طلعت من العماره بمكتب واحد في البداية حيكون شي جيد وتقدم رائع

شف لك مستشار اقتصادي خبير بالمشاريع يشوف لك مخرج --
عندي فكرة كان ودي استثمره بس لازم ترخيص وبما ان عندك كوفي تقدر تستفيد منه وهي :
تصليح قهوة عربية وانواع الشاهي وتسويقة على مدارس مستشفيات دوائر حكومية مؤسسات مكاتب شقق مفروشة ....الخ
عن طريق إشتراك شهري وتوصيل مجاني كل صبح تدور على المشتركين عندك
لأن فيه ناس مدمنين قهوة واذاما تقهوو ذاك اليوم تصدع روسهم بتقولي مثلاكل مكان عمل عندهم عامل يسويها اقولك تراهم يشربونه منحدين عليه لان العامل ماراح يضبط القهوة زي ما حنا نسوية وبعدين ما يضمنون نظافتة (اخبر عامل يصلح قهوة بدائرة حكومية يرجع بقايا القهوة والشاهي اللي في الكاسات المشروبة يرجعه للترامس )ومع ذالك مستمر يصلح وهم يشربون مضطريين -
وبعد فية ناس تشيل هم تصليح القهوة بالعزايم لأن الوقت يصير ضيق وينزنقون -وفية اللي بيطلع يتمشى على بحر او بر او حديقة وفية على طريقة اللي يسوي قهوته جاهزة -وايضا الفنادق والشقق المفروشة فية ناس ماتجيب عزبة القهوة معه بإمكانك توصل لهم ترامس قهوة وشاهي حالك حال مطاعم التوصيل --
بالنسة للأسعار تقدر تحط السعر من 15 الى 30 ريال وتاخذ تأمين زيادة عشان الترامس
بو اشتراك شهري ب 200 ريال -
تقدر تضيف اصناف ثانية مثل تمر مغلف بصحن صغير وتشكلة بنكهات مختلفة -حلا -كليجا -بسكويت ....الخ

انا اللي مستغربة منه ان القهوة هو اكثر شي يستهلكة الشخص السعودي وما يقدر يستغني عنة ومع ذلك ماقد سمعت ان فية احد يبييع قهوة جاهزة ومطبوخة --واخيرا انا كنت محتفظة بالمشروع لنفسي بالمستقبل بس حطيتة عشانك وعشان اللي يبي يستفيد منه
ويارب يفرجه الله عليك وتسدد دينك ويوفقك --

اشكر كل من اعطاني من وقته واعطاني نصيحه او دعوه وان شاء الله يلقاها في ميزان حسناته وربي يبارك للجميع في رزقه ويرزق الجميع من غير حساب
بصراحه انا كنت اخذت قراري بتقفيل المحل واضع حد لخسايري اللي تتراكم مع الزمن ولكن بعد اللي شفته وقريته من تفاعلكم معي وارائكم المميزهقررت اني استمر والله يعين على بعض الخساير على امل تتحسن الامور
واهم قرار اخذته اني اغير العماله اللي عندي واجيب غيرهم والاهم من كذا اني بشتغل معاهم خصوصا اوقات الذروه لان اكيد الوضع بختلف لما يكون صاحب العمل موجود
ويااخوان نصيحه لاي واحد يبي يشتغل بالتجاره لازم تروح بنفسك تختارهم وتجيبهم ولازم تشتغل معهم ولا طفشوا الزباين وسرقوك
المشكله الاساسيه في الفيز مااقدر احصلها بسهوله لكن الله المستعان
تحياتي للجميع وشكرا لكم

ياليت اخي الكريم تطلعنا عن خطتك التطويرية وتظهر لنا اسباب المشكلة في نظرك لان طرحك للنقاط السلبية والايجابية تكون مدعاة الى الى افكار ابداعية قد تساعدك للنهوض من جديد

ممكن تشوف لك شريك ايضا يساعدك في التطوير والنهوض..


وفقك الله ورعاك
ولجميع من ادلوا باقتراحاتهم فعلا اقتراحات بناءة تدعو الى التفائل والحماس والانطلاق من جديد
فلا يأس مع الحياة ولا حياة مع اليأس..

إذا لم تستطع التواجد في الموقع باستمرار فقبل المحل والله يعوض عليك